&nbsp;काठमाडौं । सुदूरपश्चिम प्रदेशले एन्फा महिला लिगमा लगातार पाँचौं हार ब्यहोरेको छ।सातदोबाटोस्थित एन्फा कम्प्लेक्समा सोमबार भएको खेलमा सुदूरपश्चिम वालिङ नगरपालिकासँग ५–१ गोल अन्तरले पराजित भएको हो। वालिङको जितमा भिओला नामुडुले ह्याट्रिक गर्दा ज्याकलिन नसाली र सुस्मा तामाङले समान एक गोल थपे। रितिका कार्कीले सुदूरपश्चिमका लागि एक गोल फर्काइन्। जितसँगै पाँच खेलमा नौ अंक जोडेको वालिङ पाँचौं स्थानमा छ। पाँचै खेलमा पराजित सुदूरपश्चिम विना अंक पुछारमा छ। खेलको १८औं मिनेटमा नामुडुको गोलमार्फत वालिङले अग्रता लिएको थियो। ४२औं मिनेटमा उनैले टोलीको अग्रता दोब्बर बनाइन्।

वालिङको जित,  सुदूरको पाँचौं हार

काठमाडौं । नेपाली कांग्रेस बागमती प्रदेश कार्यसमितिका अध्यक्ष ईन्द्रबहादुर बानियाँले पलेशा गोवर्धनलाई नगदसहित सम्मान गरेका छन्।&nbsp; सोमबार बानियाँले आफ्नो निवास खुमलटारमा एक कार्यक्रमकाबीच पलेशालाई एक लाख ११ हजार १११ &nbsp;रुपाैयाँसहित सम्मान गरेका हुन्। यस्तै प्रशिक्षक कविराज नेगी लामा र टिम व्यवस्थापक रामचन्द्र श्रेष्ठलाई नगदा २५ हजारसहित सम्मान गरेका हुन्।&nbsp; पलेशाले गत पेरिस पारा ओलम्पिकबाट नेपाललाई ऐतिहासिक कांस्य पदक दिलाएकी थिइन्। सम्मान कार्यक्रममा बागतमी प्रदेशका युवा तथा खेलकुलमन्त्री मीनकृष्ण महर्जन लगायत अन्य नेता तथा कार्यकर्ताको उपस्थित रहेको थियो।

पलेशालाई कांग्रेस बागमती प्रदेशद्वारा नगदसहित सम्मान

काठमाडौं । विभागीय टोली नेपाल पुलिस क्लबले काभा महिला क्लब भलिबल च्याम्पियनसिपमा लगातार दोस्रो जित हासिल गरेको छ।&nbsp; माल्दिभ्सको राजधानी मालेमा सोमबार पुलिसले श्रीलंका एयर फोर्सलाई ३–० को सोझो सेटमा पराजित गरेको हो। योसँग लगातार दोस्रो जित हासिल गरेको पुलिसको दुई खेलबाट ६ अंक पुगेको छ।&nbsp; पुलिसले खेल पहिलो सेट २५–१६, दोस्रो सेट २५–२०, तेस्रो २५–२१ ले आफ्नो पक्षमा पार्यो।&nbsp; यसअघि पहिलो खेलमा पुलिसले उज्वेकिस्तानको हुमो क्लबलाई ३–० को सेटमै पराजित गरेको थियो। &nbsp; प्रतियोगिताका तेस्रो खेलमा पुलिसले मंगलबार ताजकिस्तानको भिसी डाइमेडसँग प्रतिस्पर्धा गर्नेछ ।

पुलिसको लगातार दोस्रो जित

काठमाडौं । आईसीसी क्रिकेट विश्वकप लिग–२ अन्तर्गत नेपालले आज क्यानडासँग खेल्न लागेको छ। नेपाल र क्यानडाबीचको खेल नेपाली समयअनुसार साँझ ७ः४५ बजेबाट सुरु हुनेछ। लिग–२ को दोस्रो त्रिकोणत्मक सिरीज खेल्न लागेको नेपाल जितसहित खाता खोल्न चाहन्छ। गत फागुनमा भएको लिग–२ अन्तर्गत नामिबिया र नेदरल्यान्ड्ससँग भएको त्रिकोणत्म सिरीजका चारमध्ये तीन खेलमा नेपाल पराजित हुँदा एकमा मात्रै जित हासिल गरेको थियो।

विश्वकप लिग–२ : नेपाल र क्यानडा भिड्दै

काठमाडौं । बार्सिलोनाले घरेलु टोली जिरोनाविरुद्ध सहज हासिल गरेको छ। जिरोनाको घरेलु मोन्टिलिभी रंगशालामा मैदानमा आइतबार राति भएको खेलमा पाुहना टोली बार्सलिोनाले ४–१ गोल अन्तरको सहज जित हासिल गरेको छ।&nbsp; स्पेनिस ला लिगामा लिग लिडर बार्सिलोनाको यो लगातार पाँचौं जित हो। योसँगै बार्सिलोनाले पाँच खेलमा १५ अंक जोडेको छ। पराजित जिरोना समान खेलबाट सात अंकका साथ सातौं स्थानमा छ। बार्सिलोनालाई जित दिलाउन लामिन यमलले दुई तथा ड्यानी ओल्मो र पेड्रीले समान एक गोल गरे। जिरोनाका लागि क्रिस्टियन स्टुआनीले एक गोल फर्काए।

जिरोनाविरुद्ध बार्सिलोनाको सहज जित

काठमाडौं । बागमती युवा क्लब र चन्द्रपुर नगरपालिकाले गोलरहित बराबरी खेल्दै अंक बाँडेका छन्। एन्फा महिला लिग अन्तर्गत सातदोबाटोस्थित एन्फा कम्प्लेक्समा आइतबार भएको दिनको दोस्रो खेलमा दुवै टोलीले पाएका केही अवसरलाई सदुपयोग गर्न सकेनन्। बराबरीसँगै पाँच खेलमा ६ अंक जोडेको चन्द्रपुर छैटौं स्थानमा रह्यो। बागमती भने पाँच खेलबाट चार अंकका साथ सातौं स्थानमा उक्लिएको छ। आइतबारै सम्पन्न पहिलो खेलमा विभागीय टोली नेपाल एपिएफ क्लबले कर्णाली प्रदेशविरुद्ध ६–० को फराकिलो जित निकाल्यो।

महिला लिग : बागमती र चन्द्रपुरले अंक बाँडे

काठमाडौं । विभागीय टोली नेपाल पुलिस क्लबले काभा महिला भलिबल क्लब च्याम्पियनसिपमा विजयी सुरुआत गरेको छ। माल्दिभ्सको मालेमा आइतबार सम्पन्न खेलमा पुलिसले उज्बेकिस्तानको हुमो भलिबल क्लबलाई ३–० को सेटमा पराजित गरेको हो।पुलिसले पहिलो सेट २५–१९, दोस्रो सेट २७–२५, तेस्रो तथा अन्तिम सेटमा २५–१९ ले सहज जित हासिल गर्यो। जितसँगै पुलिसले तीन अंक हासिल गरेको छ। पुलिस गत जेठमा भएको आठौं एनभीए राष्ट्रिय भलिबल लिगको विजेताका रूपमा सो प्रतियोगितामा सहभागिता जनाएको हो।

काभा भलिबलमा पुलिसको विजयी सुरुआत

काठमाडौँ । दोस्रो प्रयागराज सिंह सुवाल स्मृति अन्तर वडा फुटसल प्रतियोगिताको सम्पूर्ण तयारी पूरा भएको छ । काठमाडौँ महानगरपालिका वडा नं २३ को आयोजनामा असाज १ देखि ९ गतेसम्म लैनचौर फुटसल मैदानमा प्रतियोगिता हुँदैछ । सो प्रतियोगितामा काठमाडौँ महानगरपालिका केन्द्रसहित ३१ वडाको सहभागिता रहनेछ । उद्घाटन खेल काठमडौँ महानगरपालिका र आयोजक २३ वडा बीच हुनेछ । आयोजक वडा नं २३ का अध्यक्ष मचाराजा महर्जनले आइतबार पत्रकार सम्मेलनमा नेपालमा फुटसलको व्यवसायिक प्रवद्र्धनमा योगदान गर्न र यसको माध्यमबाट खेलप्रति आम नागरिक र युवा वर्गलाई प्रेरित गराउन वडा स्तरबाटै यो फुटबल प्रतियोगितको आयोजना गर्न लागेको जानकारी दिए। उनका अनुसार यस प्रतियोगितामा करीब ३८४ युवाले प्रत्यक्ष प्रतिस्पर्धा गर्ने र पाँच सय युवा परिचालन हुनेछन् । नकआउटको आधारमा हुने प्रतियोगितामा विजेता टिमलाई ट्रफीसहित दुई लाख रुपियाँ प्रदान गरिनेछ । उपविजेता टिमले एक लाख रुपियाँ प्राप्त गर्नेछ । यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही दस हजार रुपियाँले पुरस्कृत गरिनेछ ।यस फुटसल प्रतियोगितालाई सफल पार्न वडा सदस्य गोलपाल नापितको संयोजकत्वमा सदस्यहरु राजेश मास्के, हरिओम श्रेष्ठ, प्रज्वल शाक्य र रामबहादुर रम्बा रजक रहेको मूल समिति गठन गरिएको छ । यस प्रतियोगिताको अनुमानित बजेट २० लाख रुपियाँ रहेको छ ।&nbsp; यसैगरी कार्यक्रममा वडा न२३ को टिम टिमलाई जर्सी हस्तान्तरण पनि गरिएको थियो । विशाल श्रेष्ठको कप्तानीमा वडा न२३ प्रतियोगितामा सहभागी हुनेछ । स्टार हस्पिटलसँग सहकार्यआयोजक वडा नं २३ र स्टार हस्पिटलबिच आइतबारै प्रतियोगिताको मेडिकल साझेदारको सम्झौता पनि भएको छ । वडा नं २३ का अध्यक्ष मचाराजा महर्जन र स्टार हस्पिटलका अध्यक्ष किशोर महर्जनले सम्झौतापत्र आदानप्रदान गर्नुभयो । अध्यक्ष महर्जनले खेल मैदानमा मेडिकल टिमको उपस्थितिले ठूलो प्रभाव पार्छ, भने । उनले स्टार हस्पिटल चालू एन्फा महिला लिगमा पनि मेडिकल पार्टनरको भूमिकामा रहेको र साफ यु २०, यु१८ मा पनि मेडिकल साझेदारको रुपमा रहेको जानकारी दिए ।

प्रयागराज सिंह सुवाल स्मृति अन्तर वडा फुटसलको तयारी पूरा

काठमाडौं ।एभरेस्ट महिला भलिबल लिग (इडब्ल्युभिएल) काे ट्रफी सार्वजनिक भएको छ। आयोजक इन्फिनिटी ड्रिम्स प्रालिले आइतबार काठमाडौंमा पत्रकार सम्मेलनमार्फत ट्रफी सार्वजनिक गरेको हो। प्रतियोगिता असोज १४ देखि १९ सम्म त्रिपुरेश्वरस्थित राष्ट्रिय खेलकुद परिषद्को कभर्डहलमा हुनेछ।नेपाली भलिबल इतिहामै पहिलो पटक हुन लागेको प्रतियोगितामा ६ फ्रेन्चाइज टोलीले सहभागिता जनाउने छन्। प्रतियोगितामा मधेश युनाइटेड, काठमाडौं स्पाइकर्स, चितवन शक्ति, ललितपुर क्विन्स, गण्डकी थन्डर्स र कर्णाली यश्भिसले सहभागिता जनाउने छन्।

एभरेस्ट महिला भलिबल लिगको ट्रफी सार्वजनिक

काठमाडौं । विभागीय टोली एपिएफ क्लबले एन्फा महिला लिगमा कर्णाली प्रदेशमाथि फराकिलो जित हासिल गरेको छ। सातदोबाटोस्थित एन्फा कम्प्लेक्स आइतबार सम्पन्न भएको खेलमा एपिएफलले कर्णालीमाथि ६-० को जित हासिल गरेको हो। एपीएफकाे जितमा रश्मी कुमारी घिसिङले दुई गोल गर्दा निशा थोकर, गिता राणा मगर र हेमा रावतले समान एक गोल गरे। कर्णालीकी वर्षा ओलीले आत्मघाती गोल गर्दा एपिएफको गोल सङ्ख्या आधा दर्जन पुग्यो। पहिलो हाफमा ३-० को अग्रता बनाएको एपिएफले दोस्रो हाफमा थप तीन गोल गर्न सफल भयो।। जितसँगै एपिएफले अपराजित यात्रा कायमै राखेको छ। पाँच खेलबाट १३ अंक जोडेको एपिएफ अंकतालिकाको शीर्ष स्थानमा पनि उक्लिएको छ भने कर्णालीको यो लगातार चौंथो हार हो। कर्णालीले पाँच खेलबाट मात्र एक अंक जोडेको छ र उ तालिकाको नवौं स्थानमा छ।

कर्णालीको पोस्टमा एपिएफको आधा दर्जन गोल

काठमाडौं । केलियन एम्बाप्पे र भिनिसियस जुनियरको पेनाल्टी गोलमा साविक विजेता रियाल मड्रिडले विजयी हासिल गरेको छ। ला लिगामा गएराति भएको खेलमा मड्रिडले रियाल सोसिडाडलाई २–० ले पराजित गरेको हो। सोसिडाडको घरेलु मैदानमा मड्रिडले दुबै गोल दोस्रो हाफमा गरेको थियो।&nbsp; जारी सिजन तेस्रो जितका साथ मड्रिड पाँच खेलबाट ११ अंक जोडेर दोस्रो स्थानमा छ। ४ खेलमा चारै खेल जितेको बार्सिलोना १२ अंकसहित शीर्षस्थानमा छ। पराजित सोसिडाड पाँच खेलबाट ४ अंकसहित १६औं स्थानमा छ।खेलको ५८औं मिनेटमा मड्रिडका लागि भिनिसियसले पेनाल्टीमा गोल गरे। ७५औं मिनेटमा अर्को पेनाल्टीलाई एम्बाप्पेले सदुपयोग गरेका थिए।

एम्बाप्पे र भिनिसियसको गोलमा रियाल विजयी

काठमाडौं । दुई महिनाअघि सम्पन्न कोपा अमेरिकामा घाइते भएका मेस्सीले सानदार पुनरागमन गरेका छन्।&nbsp; अमेरिकी लिग सकर (एमएलएस)मा इन्टर मियामीले फिलाडेल्फियालाई ३–१ ले पराजित गरेको हो। यस खेलमा मेस्सीले दुई गोल गरे भने एक असिस्ट उपलब्ध गराएका थिए। अर्को लुइस स्वारेजले गरे। जितसँगै २८ खेलबाट शीर्षस्थानमा रहेको इन्टर मियामीले ६२ अंक जोडेको छ। ५२ अंकसहित एफसी सिन्सिनाटी दोस्रो स्थानमा छ। पराजित फिलाडेल्फिया ३० अंकसहित २२औं स्थानमा रह्यो। मेस्सीले कोपा अमेरिकाअन्तर्गत फाइनल खेलमा कोलम्बियाविरुद्ध घाइते भएपछि ६६औं मिनेटमा मैदान छाडेका थिए। लौटारो मार्टिनेजको अतिरिक्त समयमा निर्णायक गोल गरेपछि अर्जेन्टिना लगातार दोस्रो &nbsp;पटक च्याम्पियन भएको थियो । मेस्सीले फिलाडेल्फियाविरुद्ध प्लेइङ सेटमै खेलेका थिए। पहिलो हाफमै दुई गोल गरेका हुन्।

मेस्सीको सानदार पुनरागमन

काठमाडौं । पेरिस सेन्ट जर्मेइन पीएसजीले फ्रेन्च लिग वानमा पुनरागमन जित हासिल गरेको छ। &nbsp;शनिबार राति भएको खेलमा पीएसजी ब्रेस्टसँग १–० ले पछि परेको अवस्थालाई उल्ट्याउँदै ३–१ गोलको पुनरागमन विजयी हासिल गरेको हो।&nbsp;पीएसजीको जीतमा ओस्मान डेम्बेलेले २ गोल गर्दा फाबियन रुइजले एक गोल थपे। ब्रेस्टका रोमियन डेल कास्टिलोले पेनाल्टीमार्फत २९औं मिनेटमा अग्रता दिलाएका थिए। ४२औं मिनेटमा मार्को एसेन्सोका पासमा डेम्बेलेले गोल गर्दै पीएसजीलाई बराबरीमा ल्याएका थिए। ७३औं मिनटमा अचरफ हकिमीको पासमा फावियन रुइजले गोल गरेपछि पीएसजी २–१ ले अघि बढेको थियो। लगत्तै अर्को मिनेटमा डेम्बेलेले गोल गरेपछि पीएसजी अन्ततः ३–१ को जीत निकाल्दै जारी सिजनमा अपराजित यात्रा कायमै राख्न सफल भयो।&nbsp; पीएसजीले ४ खेलबाट १२ अंक जोडेको छ। ब्रेस्ट भने समान खेलबाट ३ अंकका साथ तालिकाको १२ औं स्थानमा छ। फ्रेन्च लिगकै अन्य खेलमा मोनाकोले एक्सुरेलाई ३–० गोल अन्तरले पराजित गरेको छ। यस्तै, मार्सेले नाइसलाई २–०ले स्तब्ध बनाएको छ।

पीएसजीको पुनरागमन जित

<div>काठमाडौं । लण्डन क्ल्ब चेल्सीले इंग्लिस प्रिमियर लिगमा विजयी हासिल गरेको छ।&nbsp; </div><div> </div><div>शनिबार राति भएको खेलमा चेल्सीले बर्नमाउथलाई १–० ले पराजित गरेको हो। चेल्सीको जितमा क्रिष्टोफोर नुकुनुले गरेको गोल नै निर्णयक बन्यो।</div><div> </div><div>बर्नमाउथका फ्रान्सिस्को एभानलिसनले ३८औं मिनेटमा पाएको पेनाल्टीलाई गोलमा परिणत गर्न नसक्दा अग्रता लिन असफल भएको थियो।</div><div> </div><div>खेल बराबरीतर्फ उन्मुन भएका बेला चेल्सीले ८६ औं मिनेटमा गोलको खडेरी तोडेको थियो ।</div><div> </div><div>जितसँगै जारी प्रिमियर लिगमा ३ अंक जाडेको छ। चौथो चरणमा सात अंकका साथ तालिकाको सातौं स्थानमा छ। चेल्सीसँग पराजित बर्नमाउथ भने ५ अंकका साथ ११ औं स्थानमा छ।</div>

चेल्सी विजयी

काठमाडौं । विभागीय डर्बीमा त्रिभुवन आर्मी क्लब र नेपाल पुलिस क्लबले बराबरी खेल्दै अंक बाँडेका छन्। त्रिपुरेश्वरस्थित दशरथ रंगशालामा भएको खेलमा पुलिसले आर्मीसँग १-१ गोलको बराबरी खेलेको हो।&nbsp; यो बराबरीसँगै शीर्ष स्थानमा रहेको पुलिसले पाँच खेलबाट ११ अंक जोडेको छ। &nbsp; खेलको १८औं मिनेटमा अमृता जैशीको गोलमार्फत पुलिसले सुरुआती अग्रता लिएको थियो। ६३औं मिनेटमा अमिषा कार्कीले गोल गर्दै खेल बराबरी ल्याइन्।

पुलिस र आर्मीले अंक बाँडे

काठमाडौं । करातेकी एरिका गुरुङ र क्रिकेटका रोहितकुमार पौडेल एनएसजेएफ पल्सर स्पोर्ट्स अवार्ड २०८० को वर्ष खेलाडी घोषित भएका छन्। नेपाल खेलकुद पत्रकार मञ्च (एनएसजेएफ) ले शुक्रबार आयोजना गरेको कार्यक्रममा एरिका महिलामा र रोहित पुरुषमा वर्ष उत्कृष्ट खेलाडी घोषित भएका हुन्।&nbsp; नेपाल प्रज्ञा प्रतिष्ठानमा सम्पन्न अवार्डमा १९औं एसियाली खेलकुदमा रजत पदक विजेता एरिकाले फुटबलकी साबित्रा भण्डारी, क्रिकेटकी रुबिना क्षेत्री, एथलेटिक्स सन्तोषी श्रेष्ठ र कबड्डी मेनुका राजवंशी पछि पारिन्।&nbsp; पुरुष क्रिकेटका रोहितले क्रिकेटकै दीपेन्द्रसिंह ऐरी, रोहित पौडेल, करातेका मोहम्मद सेखु आलम, फुटबलका अनन्त तामाङ र गल्फका सुवास तामाङलाई पछि पारेका हुन्।&nbsp; गत संस्करण शीर्ष तीनको मनोनयनबाट विजेता घोषणा भएको थियो। यसपल्ट भने शीर्ष पाँच नै मनोनयन समावेश गरिएको हो। एरिकालाई युवा तथा खेलकुद मन्त्री तेजुलाल चौधरीले अवार्ड प्रदान गरे। वर्ष उत्कृष्ट खेलाडीद्वय एरिका र रोहितले पल्सर एनएस २०० मोटरबाइक पाए। भलिबलकी कविता भट्टले पिपुल्स च्वाइसको अवार्ड जितिन्। ईसेवाको भोटिङ, मञ्चका सदस्यको मत, फेसबुक लाइक र प्रमुख प्रशिक्षकको मतका आधारमा कविता विजेता भएकी हुन्। कविताले सर्वाधिक ५६ प्रतिशत मत प्राप्त गरिन्। यस अवार्डको मनोनयनमा कबड्डीकी मानमती बिष्ट, फुटबलकी प्रीति राई, रग्बीका श्रीराम श्रेष्ठ र क्रिकेटका गुलसन झा थिए। पिपल्स च्वाइस विजेता कविताले पल्सर एनएस ४०० मोटर साइकल जितिन्। उनलाई &nbsp;नेपाल ओलम्पिक कमिटीका अध्यक्ष जीवनराम श्रेष्ठले अवार्ड प्रदान गरे। वर्ष उत्कृष्ट प्रशिक्षक करातेका कुशल श्रेष्ठ घोषित भए। यो अवार्ड विजेता कुशलले पनि पल्सर एनएस २०० मोटरबाइक पाए। उनलाई प्लाजा ग्रुप अप होटलका प्रबन्ध निर्देशक युवराज श्रेष्ठले अवार्ड प्रदान गरे। कुशलको प्रशिक्षणमा नेपालले १९औं एसियाली खेलकुदमा एक कांस्य र दशौं विश्व कराते च्याम्पियनसिप इन्डोनेसिया (एक स्वर्ण, तीन रजत र पाँच कांस्य पदक) मा पदक प्राप्त गरेको थियो। उनको प्रशिक्षणमा सातौं एसियन कराते च्याम्पियनसिपमा (२९ स्वर्ण, २५ रजत र सात कांस्य) र युएस ओपन कराते च्याम्पियनसिपमा (एक स्वर्ण र एक रजत) पदक जितेको थियो। प्रशिक्षक कुशलले कविराज नेगी लामा (पारा तेक्वान्दो), कुशल श्रेष्ठ (कराते), मोन्टी देसाई (क्रिकेट), पार्वती राई (कबड्डी) र सञ्जय मर्हजन (भारोत्तोलन) लाई पछि पारे। युवा वर्ष खेलाडी भारोत्तोलनका हेमन्त पाल घोषित भए। हेमन्तले अवार्डसँगै पल्सर एनएस २०० मोटरसाइकल पुरस्कार पाए। उनलाई बागमती प्रदेशका युवा तथा खेलकुदमन्त्री मीनकृष्ण महर्जनले अवार्ड प्रदान गरे। हेमन्तले अर्जुन कुमाल (क्रिकेट), हेमन्तपाल (भारोत्तोलन), प्रीति राई (फुटबल), सुजन गडाल (टेबलटेनिस) र सुनिरा थापा (टेनिस) लाई पछि पार्दै यो अवार्ड जिते। १६ वर्षे हेमन्त पाल भारतको नोयडामा भएको एसियन जुनियर भारोत्तोलन च्याम्पियनसिपमा तीन कांस्य विजेता हुन्। उनले नेपाली भारोत्तोलनलाई ३८ वर्षपछि एसियालीस्तरमा पदक दिलाएका हुन्। एनएसजेएफ पारा एथ्लिट अवार्डबाट पलेशा गोवर्धन सम्मानित भइन्। पलेशालाई राष्ट्रिय खेलकुद परिषद् (राखेप) सदस्यसचिव टंकलाल घिसिङले अवार्ड प्रदान गरे। पलेशा चौथो पारा एसियन गेम्समा नेपालका लागि पहिलोपल्ट कांस्य पदक दिलाउन सफल खेलाडी हुन्। लाइफ टाइम एचिभमेन्ट अवार्ड नेपाल क्रिकेट संघ (क्यान) पूर्वअध्यक्ष विनयराज पाण्डेले प्राप्त गरे। पाण्डेलाई नेपाल खेलकुद पत्रकार मञ्चका अध्यक्ष दुर्गानाथ सुबेदी र महासचिव प्रज्वल ओलीले अवार्ड प्रदान गरे। स्पेसल अवार्डबाट भलिबलका प्रशिक्षक कुमार राई सम्मानित भए। उनी दुई दशकभन्दा बढी समय भलिबलको प्रशिक्षणमा सक्रिय छन्। प्रशिक्षक राई एआइपिएस एसियाका अध्यक्ष ही दोङ जङले अवार्ड प्रदान गरे। १९औंं एसियाली खेलकुदमा नेपाललाई कांस्य पदक दिलाउन सफल महिला कबड्डी टोलीले टिम अफ दी इयरको अवार्ड प्राप्त ग¥यो। लाइफ टाइम एचिभमेन्ट अवार्ड, स्पेशल अवार्ड र पारा एथ्लेटिले अवार्डसँगै जनही एक लाख रुपैयाँ पुरस्कार प्राप्त ग¥यो। एसियन स्पोर्ट्स जर्नालिस्ट अवार्डबाट एआइपिएस एसियाका अध्यक्ष हि डोङ जङलाई प्रदान गरिएको छ। सूर्य नेपाल प्रालीका ब्रान्ड म्यानेजरले दक्षिण कोरियाली पत्रकार ही डोङले अवार्ड प्रदान गरे। कुल १० विधामध्ये एसियन स्पोर्ट्स जर्नालिस्ट अवार्ड विजेताबाहेक ८ विधाका विजेता युनाइटेड अजोड इन्स्योरेन्सको तर्पmबाट एक वर्षका लागि खेलकुद विमा पाउनेछन्। यसै कार्यक्रममा नेपाल खेलकुद पत्रकार मञ्च (एनएसजेएफ) का अध्यक्ष दुर्गानाथ सुबेदीसहित ६ देशका पत्रकारले एआइपिएस एसिया लिजेन्ड्स अवार्ड प्राप्त गरे। युएईका अब्दुला इब्राहिम, मलेसियका अहमद खवारी इसा, भारतका सबा नायकन, साउदी अरेबियाका सालेह अब्दुल अजिज र बंगलादेशका महमुद हुसेन खानले यो अवार्ड पाएका हुन्।

एरिका र रोहित वर्ष खेलाडी

काठमाडौं । नेपाली राष्ट्रिय भलिबल टोलीकी कविता भट्टले पिपल्स च्वाइस अवार्ड जितेकी छन्।‌&nbsp; नेपाल खेलकुद पत्रकार मञ्च (एनएसजेएफ)ले शुक्रबार आयोजनामा भएको उक्त कार्यक्रममा भट्टले एनएसजेएफ पल्सर स्पोर्ट्स अवार्ड २०८० अन्तर्गत अवार्ड हात जितेकी हुन्।&nbsp; कविताले सर्वाधिक ५६ प्रतिशत मत प्राप्त गरिन् । यस अवार्डको मनोनयनमा कबड्डीकी मानमती बिष्ट, फुटबलकी प्रीति राई, रग्बीका श्रीराम श्रेष्ठ र क्रिकेटका गुलसन झा थिए । पिपल्स च्वाइस विजेता कविताले पल्सर एनएस ४०० मोटर साइकल जितिन्। उनलाई &nbsp;नेपाल ओलम्पिक कमिटीका अध्यक्ष जीवनराम श्रेष्ठले अवार्ड प्रदान गरे।

कवितालाई पिपल्स च्वाइस अवार्ड

काठमाडौं । नेपाली राष्ट्रिय भलिबल टोलीकी कविता भट्टले पिपल्स च्वाइस अवार्ड जितेकी छन्।‌&nbsp; नेपाल खेलकुद पत्रकार मञ्च (एनएसजेएफ)ले शुक्रबार आयोजनामा भएको उक्त कार्यक्रममा भट्टले एनएसजेएफ पल्सर स्पोर्ट्स अवार्ड २०८० अन्तर्गत अवार्ड हात जितेकी हुन्।&nbsp; कविताले सर्वाधिक ५६ प्रतिशत मत प्राप्त गरिन् । यस अवार्डको मनोनयनमा कबड्डीकी मानमती बिष्ट, फुटबलकी प्रीति राई, रग्बीका श्रीराम श्रेष्ठ र क्रिकेटका गुलसन झा थिए । पिपल्स च्वाइस विजेता कविताले पल्सर एनएस ४०० मोटर साइकल जितिन्। उनलाई &nbsp;नेपाल ओलम्पिक कमिटीका अध्यक्ष जीवनराम श्रेष्ठले अवार्ड प्रदान गरे।

काठमाडौँ, भदौ २८ गते । तेस्रो एनएसआरए अन्तर क्लब अन्तर्राष्ट्रिय स्क्वास च्याम्पियन्सीप २०२४ मा शुक्रबार पुरुषतर्फ गण्डकी टिम ए र बी तथा टिम बङ्गला बी र सी ले जित हात पारेका छन् । सातदोबाटोस्थित नेपाल स्क्वास र्याकेट्स संघको स्क्वास कोर्टमा भएको प्रतियोगितामा गण्डकीले ब्रिटिस टिम बीलाई ३–० ले हरायो । गण्डकीका अभावन श्रेष्ठले पंकजलाई ११–२, ११–५ र ११–४ तथा नवराज श्रेष्ठले लि रोकीलाई ११–२, ११–७ र ११–१ ले हराउनभयो । राजु श्रेष्ठले वाकओभर पाउनुभयो । एनएसआरए मास्टरले वाकओभर दिएपछि गण्डकी बी ३–० ले विजयी भयो । यसैगरी टिम बङ्गला बीले टिम पाकिस्तानलाई ३–० ले पराजित गर्यो । मोहम्मद अमिनुल इस्लामले गुहलाम अलीलाई ११–२, ११–५, ११–४, मोहम्मद साइमुन इस्लामले रोहन नेपालीलई ११–६, १४–१२ र ११–३ तथा सोइकोट वानले अजाज अलीलाई ११–२, ११–७ र ११–६ ले हराउनुभयो । यसैगरी बङ्गला सीले पनि टिम जुजुबाट वाकओभर पाएको थियो । यसैगरी बिहिबार साँझ भएको महिला टिम इभेन्टमा एनएसआरए नेसनल टिमले कर्णालीलाई तीनै खेलमा हरायो । स्वास्थानी श्रेष्ठले अर्पणा प्रजालाई ११–६, ११–५ र११–३, विपना ब्लोनले प्रतिक्षा प्रजालाई ११–१, ११–४ &nbsp;११–४ तथा कृष्णा थापाले भगवती जिसीलाई ११–१, ११–१ र ११–१ ले पराजित गर्नुभयो । एनएस्आरए लेडिजले बङगला लेडिजलाई पनि ३–० ले हरायो । स्वस्थानीले मार्जेन मोनिकालाई ११–३, ११–३ र ११–६, विपनाले चाडीलाई ११–१, ११–४ र ११–४ तथा कृष्णाले नबिला तबसुमलाई ११–२, ११–३ र ११–३ ले निराश पार्नुभयो । अन्य खेलमा एनएसआरए जुनियर लेडिज र गण्डकी लेडिजले कोशी लेडिजलाई समान ३–० ले हराए । एनएसआरए जुनियरकी साक्षी सुनुवारले सन्जिला राईलाई ११–१, ११–३, ११–६, रनासा महर्जनले लक्ष्मी तामाङलाई ११–३, ११–१, ११–३ र रचना प्रजाले यङगला लामा शेर्पालाई ११–०, ११–१ र ११–३ ले हराउनुभएको हो । यसैगरी गण्डकीकी श्रितिका उडासले सन्जिलालाई ११–४, ११–२ र ११–८, समीक्षा खाडले लक्ष्मीलाई ९–११, ११–८, ११–५, ७–११ र ११–८ तथा निस्ता श्रेष्ठले यङगलालाई ७–११, ११–५, ११–९, ८–११ र ११–९ ले पराजित गर्नुभयो ।

अन्तरक्लब स्क्वास जारी

काठमाडौं । खेलकुद पत्रकाहरूको छाता संगठन एआईपीएस एसियाको २५औं कंग्रेस भव्य रूपमा काठमाडौंमा सम्पन्न भएको छ। नेपाल खेलकुद पत्रकार मञ्च (एनएसजेएफ) को आयोजनामा पहिलो पटक नेपालमा यो महत्त्वपूर्ण कंग्रेस आयोजना भएको हो। भदौ २७ गते काठमाडौंको एभरेस्ट होटलमा आयोजित उद्घाटन समारोहमा खेलकुद मन्त्री तेजुलाल चौधरीले पानसमा दीप प्रज्वलन गरी कंग्रेसको उद्घाटन गरे। सो अवसरमा मन्त्री चौधरीले नेपालमा यस्ता अन्तर्राष्ट्रिय कार्यक्रम सम्पन्न हुनु ऐतिहासिक उपलब्धि भएको बताए। यस किसिमका कार्यक्रमले खेलकुद र पत्रकारितामा नेपाललाई अझ अगाडि बढाउन मद्दत पुर्‍याउने विश्वास उनले व्यक्त गरे। ३० राष्ट्रका खेलकुद पत्रकारहरूको सहभागिता २५औं कंग्रेसमा ३० राष्ट्रका खेलकुद पत्रकारहरू सहभागी भएका थिए। कार्यक्रममा राष्ट्रिय खेलकुद परिषद् (राखेप) का सदस्यसचिव टंकलाल घिसिङ, नेपाल ओलम्पिक कमिटीका अध्यक्ष जीवनराम श्रेष्ठ, र नेपाल खेलकुद पत्रकार मञ्चका अध्यक्ष दुर्गानाथ सुवेदीसहित विभिन्न पदाधिकारी, ओलम्पियन र खेलाडीहरूको उपस्थिति रहेको थियो। राखेपका सदस्यसचिव घिसिङले कंग्रेसलाई सम्बोधन गर्दै नेपालमा यस्तो प्रतिष्ठित कार्यक्रम आयोजना गर्न पाउनु गर्वको विषय भएको बताए। उनले डिजिटल युगमा खेलकुद पत्रकारिताको नयाँ परिदृश्यबारे चर्चा गर्नु प्रेरणादायी रहेको बताए।खेलकुद र पत्रकारिता: चुनौतिहरू र सम्भावनाहरू कार्यक्रममा टंकलाल घिसिङले खेलकुद पत्रकारितामा चुनौतीहरूका बाबजुद नेपालका खेलाडीहरूले विश्व मञ्चमा गर्विलो इतिहास कायम गरिरहेको बताए। उनले खेलकुदले युवाहरूलाई अनुशासन, राष्ट्रप्रतिको गर्व र प्रेरणा दिने माध्यमको रूपमा काम गरेको धारणा राखे। खेलकुद पत्रकारितामा नयाँ आयाम थपिनु र विश्वभरका खेलकुद पत्रकारहरूको अनुभवबाट लाभ उठाउनु नेपालका लागि महत्वपूर्ण छ।एसियाको नेतृत्व र महिला सशक्तिकरणको छलफल कार्यक्रममा एआईपीएस एसियाका अध्यक्ष ही दोङ जङले विश्व खेलकुदमा एसियाली राष्ट्रहरूको योगदानबारे चर्चा गरे। पछिल्ला ओलम्पिकहरूमा एसियाली राष्ट्रहरूले गरेको प्रदर्शनले एसियाको नेतृत्वलाई थप मजबुत बनाएको उनको भनाइ थियो। साथै, नेपालका लागि पेरिस पारालिम्पिकमा कांस्य पदक विजेता पलेशा गोवर्धन, खेल पत्रकार शिवानी थापा, भारत र चीनका महिला पत्रकारहरूबीच महिला सशक्तिकरणबारे विशेष छलफल पनि भएको थियो। यो सत्रले खेलकुद र पत्रकारितामा महिलाको भूमिकाबारे महत्त्वपूर्ण संवाद प्रस्तुत गर्‍यो।नेपाल पर्यटनको प्रवर्द्धन नेपाल पर्यटन बोर्डले कंग्रेसको अवसरमा नेपालका ऐतिहासिक स्थल, पर्यटकीय क्षेत्र, भाषा-संस्कृति, हिमाल र पहाडहरूको वृत्तचित्र प्रस्तुत गरेको थियो। यसका साथै, विश्वभर लोकप्रिय हुँदै गएको इ-स्पोर्ट्सको अवस्थाबारे पनि वृत्तचित्र प्रस्तुत गरियो। कंग्रेसमा सहभागी पत्रकारहरूले नेपालका पर्यटकीय सम्भावनाहरूलाई अझ राम्रोसँग चिन्ने अवसर पाएका थिए।सम्झौता र सहकार्य कार्यक्रममा एआईपीएस एसिया र होटल एसोसिएसन अफ नेपाल (हान) बीच विशेष सम्झौता भएको छ। हानका अध्यक्ष विनायक शाह र एआईपीएस एसियाका अध्यक्ष ही दोङ जङले सम्झौतामा हस्ताक्षर गरेका थिए। यस सम्झौताअनुसार, एआईपीएस एसियाका सदस्य पत्रकारहरूले नेपाल भ्रमण गर्दा होटलमा १० प्रतिशत छुट पाउनेछन्। साथसाथै, एआईपीएस एसियाका अध्यक्ष ही दोङ जङलाई नेपालको सद्भावना दूतको रूपमा नियुक्त गरिएको छ।यसैगरी, एआईपीएस एसिया र सिएमआर नेपालबीच खेलकुद पत्रकारहरूको प्रशिक्षणका लागि सम्झौता भएको छ। सिएमआर नेपालका निर्देशक उज्वल आचार्य र एआईपीएस एसियाका अध्यक्ष ही दोङ जङबीच भएको यस सम्झौताअनुसार, सिएमआर नेपालले हरेक सेसनमा दुई वटा खेलपत्रकार प्रशिक्षण कोटा प्रदान गर्नेछ। यस कोटाअनुसार नेपाल खेलकुद पत्रकार मञ्चले प्रशिक्षणका लागि सुविधा पाउनेछ।

२५औं एआईपीएस एसिया कंग्रेस सम्पन्न

<div dir="ltr" style="-webkit-tap-highlight-color: rgba(26, 26, 26, 0.3); -webkit-text-size-adjust: auto; caret-color: rgb(0, 0, 0); color: rgb(0, 0, 0); font-family: UICTFontTextStyleBody; font-size: 17px;">काठमाडौं । श्री थ्री एक्स थ्री यू२३ बास्केटबल प्रतियोगिताको पुरुष र महिलातर्फ शनिवार लिग चरणका खेल सकिएका छन् ।पुरुषतर्फ उत्कृष्ट ८ टोली क्वाटरफाइनलमा प्रवेश गरेका छन् । यस्तै महिलातर्फ चार टोली सेमिफाइनल पुगेका छन् । &nbsp;त्रिपुरेश्वरस्थित राखेपको सेमि कभर्डहलमा भएको खेलमाबाट पुरुषतर्फ टाइम्स&nbsp;ए,&nbsp;हाउण्ड्स,&nbsp;टाइम्स बी,&nbsp;रिभोल्ट,&nbsp;बुढानिलकण्ठ,&nbsp;बास्केटबल क्लब,&nbsp;टिम बौद्ध,&nbsp;गोल्डेनगेट बलेज र टिम ध्वज क्वाटरफाइनलमा प्रवेश गरेका छन् ।यस्तै महिलातर्फ हाउण्ड्स,&nbsp;रिभोल्टको ए र बी टिम तथा बुढानिलकण्ठ बास्केटबल सेमिफाइनलमा प्रवेश गरेका छन् । क्वाटरफाइनल सेमिफाइनल र फाइनल खेल आइतबार हुने आयोजकले जनाएको छ ।यस्तै कर्पोरेटतर्फ अम्रपाली र बीएस धौवलागिरीले सेमिफाइनलमा स्थान बनाएका छन् । कर्पोरेटतर्फ लिगको बाँकी खेलसहित नकआउट चरणको खेल आइतबारै हुनेछ ।</div>

Nepal Sports

MENU

FOOTBALL LEAGUE

FAVORITE CLUB

श्री थ्री एक्स थ्री बास्केटबलको लिग चरणको खेल सम्पन्न

📰 Recent News