गाईघाट। त्रिभुवन आर्मी क्लब एन्फा वुमन्स च्याम्पियनसिपको फाइनलमा प्रवेश गरेको छ। उदयपुरको गाईघाटस्थित थरुहट रंगशालामा बुधबार सम्पन्न पहिलो सेमिफाइनलको विभागीय डर्बीमा आर्मीले नेपाल पुलिस क्लब लाई १–० गोलअन्तरले पराजित गर्दै उपाधि नजिक पुगेको हो। प्रतिस्पर्धात्मक खेलमा आर्मीका लागि बिमला चौधरीले गरेको एक मात्र गोल नै निर्णायक बन्यो। पहिलो हाफमै गरिएको उक्त गोल जोगाउँदै आर्मीले पुलिसको चुनौतीलाई सफलतापूर्वक रोक्यो। जितसँगै आर्मीले अब उपाधिका लागि दोस्रो सेमिफाइनलको विजेतासँग प्रतिस्पर्धा गर्नेछ। दोस्रो सेमिफाइनलमा एपीएफ फुटबल क्लब र संकटा फुटबल क्लब भिड्दै छन्। फाइनल खेल शनिबार हुनेछ।

पुलिसलाई पराजित गर्दै त्रिभुवन आर्मी क्लब फाइनलमा

गाईघाट। एन्फा वुमन्स च्याम्पियनिसप अन्तर्गत पहिलो सेमिफाइनलमा विभागीय डर्बी हुने भएको छ। फाइनल प्रवेशका लागि दुई बलिया टोली नेपाल पुलिस क्लब र त्रिभुवन आर्मी क्लब आमनेसामने हुँदैछन्। उदयपुरको गाईघाटस्थित थरुहट रंगशालामा हुने खेल दिउँसो ३:३० बजेबाट सुरु हुनेछ। यस खेलको विजेताले दोस्रो सेमिफाइनलअन्तर्गत एपीएफ र संकटाबीच हुने खेलको विजेतासँग उपाधिका लागि प्रतिस्पर्धा गर्नेछ। क्वाटरफाइनलमा पुलिसले रियाल एफसीलाई १०–० को फराकिलो अन्तरले पराजित गरेको थियो भने आर्मीले एनआरटीविरुद्ध ६–१ को पुनरागमन जित निकाल्दै सेमिफाइनलमा स्थान बनाएको हो। आगामी ९ गतेसम्म सञ्चालन हुने प्रतियोगिताको विजेताले ७ लाख ५० हजार रुपैयाँ नगद पुरस्कार प्राप्त गर्ने आयोजक एन्फाले जनाएको छ।

पुलिस र आर्मी फाइनल प्रवेशका लागि भिड्दै

भिनिसियस जुनियरले गरेको निर्णायक गोलको मदतले रियल म्याड्रिडले मंगलबार युरोपेली च्याम्पियन्स लिग प्ले अफ पहिलो लेगमा बेनफिकालाई १–० ले हराएको छ । जोसे मोउरिन्होको बेनफिकामाथि यो रियलका बदला पनि रह्यो । खेलको ५० औं मिनेटमा भिनिसियसले गोल गरे र पछि आफूमाथि रंगभेदी व्यवहार गरेको आरोप पनि लगाए । पेरिस सेन्ट जर्मेन (पीएसजी) ले भने दुई गोलले पछाडि रहेको स्थितिाट मोनाकोमाथि ३–२ को पुर्नआमगन जित रत्न सफल रह्यो । त्यसमा डिसाएर डोउले ६७ औं मिनेटमा निर्णायक गोल गरे । अन्य खेलमा बोरुसिया डर्टमुन्डले एटलान्टालाई २–० ले हरायो भने युभेन्ट्स अविश्वसनीय ढंगले गालातासारेविरुद्ध ५–२ ले पराजित रह्यो ।

भिनिसियसको गोलमा रियल विजयी

काठमाडौं। उपकप्तान दिपेन्द्र सिंह एैरीको शानदार अर्धशतलमा नेपालले आइसीसी वेन्स टी(२० विश्वकपमा १२ वर्षपछि पहिलो जित हात पारेको छ । समुहको आफ्नो अन्तिम खेलमा नेपालले आज स्कटल्यान्डलाई ७ विकेटले पराजित गरेको हो । स्कटल्यान्डले दिएको १७१ रनको लक्ष्य नेपालले ४ बल बाँकी हुदा तीन विकेटको क्षतीमा पुरा गर्यो । आसिफ सेख र कुशल भुर्तेलले पहिलो विकेटका लागि ७४ रनको साझेदारी गरेका थिए । भुर्तेलले ४३ र आसिफले ३३ रन जोडे । दीपेन्द्र सिंह ऐरीले आक्रमक ब्याटिङ गर्दै अविजीत ५० रनको योगदान गरे ।&nbsp; त्यसअघि टस हारेर पहिले ब्याटिङ थालेको स्टल्यान्डले २० ओभरमा ७ विकेट गुमाएर १७० रन बनाएको थिय। सोमपाल कामीले ३ विकेट लिए ।

दिपेन्द्रको अर्धशतकमा नेपाल ७ विकेटले विजयी

काठमाडौं। संकटा फुटबल क्लब एन्फा राष्ट्रिय महिला फुटबल च्याम्पियनसिपको सेमिफाइनलमा प्रवेश गरेको छ। उदयपुरको गाईघाटस्थित थरुहट रंगशालामा मंगलबार सम्पन्न अन्तिम क्वाटरफाइनलमा चर्च ब्वाइज युनाइटेड लाई ४–१ ले पराजित गर्दै संकटा अन्तिम चारमा पुगेको हो। संकटाको जितमा होजे मुकाम्बेले दुई गोल गरिन् भने सुक्रिया मिया र पुर्णिमा राईले समान एक–एक गोल थपे। चर्च ब्वाइजका लागि वर्षा ओलीले एक गोल फर्काइन्, तर त्यो सान्त्वनामा सीमित रह्यो। पहिलो हाफ १–१ को बराबरीमा टुंगिएको खेलमा दोस्रो हाफमा संकटाले आक्रामक खेल प्रदर्शन गर्दै थप तीन गोल गर्न सफल भयो। जितसँगै संकटाले सेमिफाइनलमा विभागीय टोली एपीएफ क्लब सँग प्रतिस्पर्धा गर्नेछ।

चर्च ब्वाइजलाई हराउँदै संकटा सेमिफाइनलमा

काठमाडौं। आईसीसी पुरुष टी–२० विश्वकप अन्तर्गत समूह ‘सी’ को आफ्नो अन्तिम खेलमा नेपाल आज स्कटल्यान्डसँग प्रतिस्पर्धा गर्दैछ। मुम्बईस्थित वानखेडे रंगशालामा नेपाली समयअनुसार राति ७:४५ बजे सुरु हुने यस खेलमा नेपालले सुपर आठमा पुग्ने सम्भावना गुमाइसकेको छ। समूहका तीनै खेलमा पराजय बेहोरेपछि नेपालका लागि यो खेल प्रतिष्ठाको रुपमा महत्त्वपूर्ण छ। त्यसैगरी, समान खेलबाट एक जित र दुई हार बेहोरेको स्कटल्यान्ड दोस्रो जित दर्ता गर्दै समूहमा स्थिति सुधार्ने लक्ष्यमा रहेको छ।&nbsp; पहिलाे खेलमा इंङ्ग्लयान्डसँग ४ रनले हारेकाे नेपाल दाेस्राे खेलमा इटालीसँग १० तथा तेस्राे खेलमा वेस्ट इन्डिजसँग ९ विकेटले पराजित भएकाे थियाे। त्यसैले स्कटल्यान्डलाई हराउँदै प्रतियाेगितामा सान्त्वना जितका साथ घर फर्किन चहान्छ।&nbsp;

नेपालले आज स्कटल्यान्डसँग भिड्दै

काठमाडौं। थाइल्याण्डको तेर्दथाई क्रिकेट मैदानमा जारी एसीसी महिला एसिया कप राइजिङ स्टार्स २०२६ अन्तर्गत समूह ‘ए’ को आफ्नो अन्तिम खेलमा नेपाल भारत ‘ए’सँग ७ विकेटले पराजित भएको छ। योसँगै नेपालले समूह चरणका सबै खेलमा हार बेहोर्दै प्रतियोगिताबाट बाहिरिएको छ। प्रतियोगितामा अपेक्षित प्रदर्शन गर्न नसक्दा नेपालका लागि यात्रा निराशाजनक बन्यो। पहिले ब्याटिङ गरेको नेपाल १८ ओभरमा ७८ रनमै समेटियो। सुरुआतदेखि नै दबाबमा परेको नेपालले नियमित अन्तरालमा विकेट गुमायो र प्रतिस्पर्धात्मक लक्ष्य तयार गर्न सकेन। ७९ रनको सामान्य लक्ष्य पछ्याएको भारत ‘ए’ले ७.५ ओभरमै ३ विकेट गुमाएर ८२ रन बनाउँदै सहज जित हात पार्‍यो। भारत ‘ए’का लागि वृन्दा दिनेश १८ बलमा ३९ रन बनाउँदै अविजित रहिन्। उनले ९ चौका प्रहार गर्दै आक्रामक इनिङ्स खेलिन्। तेजल हसबनिसले १८ तथा अनुश्का शर्माले १० रनको योगदान दिइन्। नेपालका तर्फबाट मनीषा उपाध्याय, अनु कडायत र सिता राना मगरले समान १–१ विकेट लिए पनि सानो लक्ष्य र कमजोर ब्याटिङ प्रदर्शनका कारण टोलीलाई जित दिलाउन पर्याप्त भएन।

भारत ‘ए’सँग पराजित हुँदै नेपालको यात्रा समाप्त

काठमाडौं। एन्फा महिला च्याम्पियनसिप अन्तर्गत अन्तिम क्वाटरफाइनलमा संकटा फुटबल क्लब र चर्च ब्वाइज युनाइटेडबीच प्रतिस्पर्धा हुँदैछ। उदयपुरको गाईघाटस्थित थरुहट रंगशाला मा दिउँसो ३:३० बजे सुरु हुने यस खेलको विजेताले सेमिफाइनलमा विभागीय टोली एपीएफ क्लब सँग प्रतिस्पर्धा गर्नेछ। चर्च ब्वाइजले प्रि–क्वाटरफाइनलमा छहारी युवा क्लबलाई १–० ले पराजित गर्दै अन्तिम आठमा स्थान बनाएको थियो। यता संकटाले भने बाइ पाउँदै सिधै क्वाटरफाइनलमा प्रवेश गरेको हो। आगामी ९ गतेसम्म सञ्चालन हुने प्रतियोगिताको विजेताले ७ लाख ५० हजार रुपैयाँ नगद पुरस्कार प्राप्त गर्ने आयोजक एन्फाले जनाएको छ। सेमिफाइनल यात्रा सुनिश्चित गर्न दुवै टोली उच्च मनोबलका साथ मैदान उत्रने अपेक्षा गरिएको छ।

सेमिफाइनल प्रवेशका लागि संकटा र चर्च ब्वाइज भिड्दै

बार्सिलोनाले स्पेनी ला लिगामा सोमबार जिरोनाको हातबाट स्तब्धपूर्ण २–१ को हार बेहोरेको छ र यो उसका लागि उपाधि होडमा ठूलो धक्का रहेको छ । हारले बार्सिलोना ५८ अंकमै सीमित रह्यो र दोस्रँे स्थानमा कायम रह्यो । रियल म्याड्रिड २४ खेलबाट ६० अंकसहित शीर्ष स्थानमा छ । गत साता पनि कोपा डेल रेको पहिलो लेग सेमिफाइनलमा बार्सिलोना एटलेटिको म्याड्रिडको हातबाट नराम्रोस“ग पराजित भएको थियो । पउ चुबरीको गोले बार्सिलोनाले अग्रता लिएयता जिरोनाका लागि थोमस लेमारले ६२ र फ्रान बेल्ट्रानले खेलको अन्त्यतिर ८६ औं मिनेटमा गोल फर्काए ।

हारले बार्सिलोना दोस्रोमै

काठमाडौं । २०८२ साल फागुन ४ गते सोमबार नेपाल कबड्डी लिग (एनकेएल) को दोस्रो सिजन २०८३ साल जेठ २२ गते (५ जुन, २०२६) देखि त्रिपुरेश्वरस्थित राखेप कभर्डहलमा हुने भएको छ । म्यारियट होटलमा सोमबार आयोजित कार्यक्रममार्फत् एनकेएल आयोजक एस्ट्रोनिक्स म्योनजेमन्टले दोस्रो संस्करणको मिति घोषणा गरेको हो । एस्ट्रोनिक्स म्योनजेमन्टका प्रमुख अमितकुमार बेगानीले भने, ‘गत वर्ष पहिलो संस्करण कल्पनाभन्दा पनि राम्रो भयो । यसले नेपाली कबड्डीमा व्यवसायिकताको सुरुआत गरेको छ । अब दोस्रो सिजनलाई त्योभन्दा राम्रो र उत्कृष्ट ढंगले सञ्चालन गर्ने प्रतिबद्धता व्यक्त गर्न चाहन्छु ।’ उनले थपे, ‘दोस्रो सिजनको लागि ५ सय १२ नेपाली खेलाडी र १५ देशका १ सय बढी बिदेशी खेलाडीले नाम दर्ता गरेका छन्, जुन संख्या गत वर्षभन्दा करिब दोब्बर हो र यसले दोस्रो सिजन भव्य हुने संकेत गरेको छ ।’ प्रमुख बेगानीले प्रो कबड्डी लिगका अनुभवी भारतीय खेलाडीहरूसँगै इरान, कोरिया, पोल्यान्डलगायतका उत्कृष्ट खेलाडी एनकेएल खेल्न नेपाल आउन तयार रहेको पनि बताए । एस्ट्रोनिक्स म्योनजेमन्टका प्रमुख कार्यकारी अधिकृत (सीईओ) विकास अग्रवालले एनकेएल १० करोड बजेटमा सञ्चालन हुने जानकारी दिए । कार्यक्रममा नेपाल कबड्डी संघका अध्यक्ष तुलसी थापा, महासचिव अरविन्द कुमार झा, र्यापर भियोमा पनि उपस्थित थिए । एस्ट्रोनिक्स म्योनजेमन्टले एनकेएल सिजन २ को ब्रोडकास्ट पार्टनरको रुपमा कान्तिपुर म्याक्स टीभी एचडीसँग सम्झौता पनि गरेको छ । सम्झौता पत्रमा एस्ट्रोनिक्सका सीईओ अग्रवाल र कान्तिपुर टेलिभिजनका चिफ मार्केटिङ अफिसर (सीएमओ) अनुपम अधिकारीले हस्ताक्षर गरे । सम्झौताअनुसार एनकेएल सिजन २ का खेलहरू कान्तिपुर म्याक्स टीभी एचडीबाट प्रत्यक्ष प्रसारण गरिनेछ । पहिलो सिजन ६ सहरका ६ टिम विराटनगर ब्यान्डिट्स, जनकपुर नाइट्स, काठमाडौं माभरिक्स, पोखरा लेकर्स, हिमालयन रेइडर्स (बुटवल) र धनगढी वाइल्डक्याट्सले प्रतिस्पर्धा गरेका थिए । फाइनलमा काठमाडौंमाथि ४३–४१ को जित रच्दै जनकपुर एनकेएल च्याम्पियन भएको थियो । एस्ट्रोनिक्स म्योनजेमन्ट कबड्डीलाई ग्रासरुटबाटै विकास गर्ने प्रयासमा एनकेएल नेक्स्टजेन इन्टर स्कुल कबड्डी च्याम्पियनसिप पनि सुरु गरेको छ ।

एनकेएल दोस्रो सिजन जेठमा हुने

४ फाल्गुण, ललितपुर।&nbsp;ललितपुरको महालक्ष्मी मन्दिर प्राङ्गणमा सम्पन्न तलकमोहन श्रेष्ठ स्मृति अन्तर विद्यालय चेस प्रतियोगिताको उपाधि महालक्ष्मी स्पोर्ट्स एकेडेमीका जेनिस घिसिङले जितेका छन् ।&nbsp; निकै प्रतिस्पर्धात्मक फाइनल खेलमा जेनिसले भ्याली पब्लिक स्कूलका प्रतिक ढुंगेल विरुद्ध पर्पेन्च्युअल ड्र गर्दै शून्य दशमलव पाँच अंकको अग्रतामा विजेता बन्न सफल भएका छन्। आज चलेको अन्तिम खेलमा ७.५ अंक जोडेर कालो गोटी वाट खेल आरम्भ गरेका जेनिसले थ्रि फोल्ट रिपिटरशन गर्दै ७ अंकमा खेल्दै गरेका प्रतिक विरुद्ध फोर्स बराबरी गर्न वाध्य बनाएका थिए।&nbsp; यस सँगै जेनिसले एकल ८ अंक बनाएर शीर्ष स्थानमा खेल अन्त्य गर्दै नगद पुरस्कार रु. ६ हजार, आकर्षक ट्रफी, गोल्ड मेडल तथा प्रमाणपत्र प्राप्त गरेका छन्। भ्याली पब्लिक स्कुलका खेलाडी प्रतीक ढुंगेलले ७.५ अंक जोडेर द्वितीय स्थानमा खेल अन्त्य गरेका छन्। प्रतिस्पर्धामा उत्कृष्ट खेल प्रदर्शन गरेका ढुंगेलले नगद पुरस्कार रु. ४ हजार, सिल्भर मेडल तथा प्रमाणपत्र प्राप्त गरेका छन्। समान ७.५ अंक जोडेर टाइब्रेकको आधारमा महालक्ष्मी चेस एकेडेमीका सौगात घिमिरे तृतीय स्थानमा रहन सफल भएका छन्। उनले नगद पुरस्कार ३ हजार, ब्रञ्ज मेडल तथा प्रमाणपत्र हात पारेका छन्। भ्याली पब्लिक स्कुलका सुविज्ञ दाहाल प्रोग्रेसिभ प्वाइन्टका आधारमा चौथो, भ्याली कै इश्रान राज श्रेष्ठ पाँचौं, वेष्ट विङ्ग स्कूलका प्रसन्न महर्जन समान ७ अंक सहित छैठौं स्थानमा रहे। यस्तै महालक्ष्मी चेस एकेडेमिका आरभलाल श्रेष्ठ, अनन्त इङ्गलिस स्कूलका साहिल बस्नेत, माउण्ट ओलिभ स्कूलका सन्दिप श्रेष्ठ तथा भ्याली पब्लिक स्कुलका इशान राज श्रेष्ठ समान ६.५ अंक हासिल गर्दै क्रमशः दशौं स्थानमा रहँदै नगद पुरस्कार बाँडेका छन्। यसैगरी छात्रा तर्फ ७ अंक जोडेर फ्युचर स्टार्स एकेडेमिका शीर्ष १७३५ रेटेड खेलाडी ग्लोसि श्रेष्ठ प्रथम भइन्। आर्श्री आचार्य ६ अंक बनाइ द्वितीय, बालकुञ्ज इङ्लिस स्कूलका इन्सु ओलि ५.५ अंक तृतीय, श्रृंगेरि स्कूलका ईशा घिमिरे ५ अंक चौथो तथा महालक्ष्मी एकेडेमीका शुभश्री श्रेष्ठ पाँचौं स्थानमा रहँदै नगद पुरस्कार प्राप्त गरिन्। महालक्ष्मी चेस एकेडेमीले आयोजना गरेको दुई दिने अन्तर विद्यालय बुद्धिचाल प्रतियोगितामा विधागत तर्फ युवा ८ वर्षमा महालक्ष्मी स्पोर्ट्स एकेडेमीका आदित्य न्यौपाने, युवा १० वर्षमा जिनियस आईबी स्कूलका अभियान राई, नमुना इङ्लिस सेकेन्डरी स्कूलका अश्विन श्रेष्ठ र बालकुञ्ज इङ्लिस स्कूलका इसान ओली उत्कृष्ट भए। युवा १२ वर्ष मुनि महालक्ष्मीका रियाज चौलागाईं, नेपाल डनबस्को स्कूलका अमुल्य राज श्रेष्ठ र नमुना इङ्लिस स्कूलका बोतल राई उत्कृष्ट तिनमा रहन सफल भएका छन्। तलक मोहन श्रेष्ठ स्मृति महालक्ष्मीनगर अन्तर स्कूल बुद्धिचाल प्रतियोगितामा जम्मा ११० विद्यार्थी खेलाडीले कूल ३३ हजार नगद पुरस्कार, ट्रफी, मेडल तथा प्रमाणपत्रका लागि १५ मिनेट १० सेकेन्ड इन्क्रिजमेन्ट समय नियन्त्रण प्रणाली अन्तर्गत प्रतिस्पर्धामा सहभागी भएको थियो। प्रतियोगिता सम्पन्न भए पश्चात् नेपाल बुद्धिचाल महासंघका कोषाध्यक्ष ताराबहादुर रानाभाटले विजयी खेलाडीहरुलाई पुरस्कृत गरे। कार्यक्रममा ललितपुर जिल्ला बुद्धिचाल संघका अध्यक्ष बिक्रम श्रेष्ठ, संयोजक अशोक मोहन श्रेष्ठ, प्रमुख निर्णायक हरिकृष्ण श्रेष्ठ, भ्याली पब्लिक स्कुलका प्रशिक्षक एफए सोराज ताम्राकार, परिवार हरि मोहन श्रेष्ठ लगायतको उपस्थिति रहेको थियो।

विद्यालय चेसको उपाधि जेनिस घिसिङले जिते

गाईघाट। विभागिय टोली त्रिभुवन आर्मी क्लब एन्फा महिला च्याम्पियनसिपको सेमिफाइनलमा प्रवेश गरेको छ। उदयपुरको गाईघाटस्थित थरुहट रंगशालामा सोमबार सम्पन्न क्वाटरफाइनल खेलमा आर्मीले एनआरटीविरुद्ध ६-१ को पुनरागमन जित हासिल गरेको हो। खेलमा कविता गुरुङको गोलबाट सुरुआती अग्रता बनाएको एनआरटीले उक्त अग्रता जोगाउन सकेन।&nbsp; आर्मीकाे जितमा जेनिफर रानाको ह्याट्रिक पूरा गिन्। उन सबै गोल दोस्रो हाफमा गरेकी हुन्। यस्तै सपना राईले दुई र दिपा राईले एक गोल गरिन्। यो जितसँगै आर्मीले अर्को विभागिय टोली नेपाल पुलिस क्लबसँग फाइनल प्रवेशको लागि भिड्नेछन्।

एनआरटीलाई हराउँदै आर्मी सेमिफाइनलमा

गाईघाट। एन्फा महिला च्याम्पियनसिप अन्तर्गत क्वाटरफाइनलमा विभागीय टोली त्रिभुवन आर्मी क्लब र न्यू रोड टिम (एनआरटी) सोमबार आमनेसामने हुँदैछन्। उदयपुरको गाईघाटस्थित थरुहट रंगशालामा हुने खेल दिउँसो ३:३० बजेबाट सुरु हुनेछ। प्रि–क्वाटरफाइनलमा एनआरटीले घरेलु टोली गाईघाट एफसी लाई २–० ले पराजित गर्दै आर्मीसँगको भेट पक्का गरेको हो। आर्मी भने बाइ पाउँदै सिधै क्वाटरफाइनलमा पुगेको थियो। यस खेलको विजेताले सेमिफाइनल प्रवेशका लागि नेपाल पुलिस क्लब सँग प्रतिस्पर्धा गर्नेछ। पुलिसले आफ्नो पहिलो खेलमा रियाले एफसी लाई १०–० को फराकिलो अन्तरले हराएको थियो। आगामी ९ गतेसम्म सञ्चालन हुने प्रतियोगिताको विजेताले ७ लाख ५० हजार रुपैयाँ पुरस्कार प्राप्त गर्ने एन्फाले जनाएको छ।&nbsp;

एनआरटी र आर्मी भिड्दै

आन्द्रे सान्टोसले ८२ औं मिनेटमा गरेको गोलको मदतले नपोलीले आइतबार इटालीको सिरी ए मा एएस रोमासँग २–२ को बराबरी खेलेको छ । तर यो नतिजाले लिग उपाधि होडमा नपोली अझ कमजोर बनेको छ । लिग तालिकामा इन्टरको ६१ अंक छ । उसको पछाडि एसी मिलानको ५३ र डिफेन्डिङ च्याम्पियन नपोलीको ५० अंक छ । यस्तै रोमा भने ४७ अंकमा चौथो स्थानमा रहेको छ । रोमाले डोनयेल मालेनको गोलले खेलमा ७ र ७१ दुई पल्ट अग्रता लिएको थियो । दुवै अवसरमा नपोली बराबरी गोल गर्न सफल रह्यो । उसका लागि लियोनार्डो स्पिनजोलाले ४० औं मिनेटमा एक गोल फर्काएपछि सान्टोसले ८२ औं मिनेटमा अर्को गोल थपे ।

रोमासँग रोमाको बराबरी

काठमाडौं । आइसिसी टी-२० विश्वकप क्रिकेटमा लगातार तेस्रो हार ब्यहोर्दै नेपाल समूह चरणबाटै बाहिरिएको छ। पहिलो खेलमा इंल्यान्डसँग ४ रन र दोस्रो खेलमा इटलीसँग १० विकेटले पराजित भएको नेपाल आफ्नो तेस्रो खेलमा आइतबार वेस्ट इन्डिजसँग ९ विकेटले पराजित भएको हो । वेस्ट इन्डिज लगातार तेस्रो जितसँगै सुपर ८ मा प्रवेश गरेको छ। नेपाल भने लगातार तेस्रो हारसँगै अंकविहीन छ । नेपालले आफ्नो अन्तिम खेलमा मंगलबार स्कटल्यान्डसँग खेल्नेछ । मुम्बईको वाङखेडे स्टेडियममा नेपालले दिएको १३४ रनको मध्यम लक्ष्य वेस्ट इन्डिजले १५.२ ओभरमा एक विकेट गुमाएर पूरा गरेको हो। उसको लागि सिमरोन हेट्मेयरले ४६ र साई होपले ६१ रनको योगदान गरे। ब्रेन्डोन किङ २२ रनमा नन्दन यादवको बलमा कुशल भुर्तेलद्वारा क्याच आउट भए।&nbsp;यसअघि टस हारेर पहिला ब्याटिङ गरेको नेपालले निर्धारित २० ओभरमा ८ विकेट गुमाउँदै १३३ रन बनाएको थियो।

वेस्ट इन्डिजसँग नेपाल ९ विकेटले पराजित

काठमाडौं। आईसीसी टी–२० विश्वकप अन्तर्गत आफ्नो तेस्रो खेलमा नेपालले वेस्ट इन्डिजलाई १३४ रनको लक्ष्य प्रस्तुत गरेको छ। मुम्बईस्थित वानखेडे रंगशालामा टस हारेर पहिले ब्याटिङ थालेको नेपालले निर्धारित २० ओभरको खेलमा ८ विकेट गुमाउँदै १३३रन बनाएको छ।&nbsp; ओपनर कुशल भुर्तेल १ रनमै आउट हुँदा आसिफ शेखले ११ रन जोडे। कप्तान रोहित पौडेल ५ रनमा एलबीडब्ल्यू भए। ६.३ ओभरसम्म नेपाल २३-४ को कमजोर अवस्थामा पुगेको थियो। मध्यक्रममा दीपेन्द्र सिंह ऐरीले जिम्मेवारीपूर्ण इनिङ्स खेले। उनले ४७ बलमा ३ चौका र ३ छक्कासहित ५८ रन बनाउँदै टोलीलाई सम्मानजनक योगफलतर्फ डोर्‍याए। लोकेश बमले १३ तथा गुल्सन झाले ११ रन जोडे। अन्तिम ओभरतिर सोमपाल कामीले आक्रामक ब्याटिङ गर्दै अविजित २६ रन १५ बल, ४ चौका बनाएपछि नेपाल २० ओभरमा १३३/८ को अवस्थामा पुग्यो। बलिङतर्फ वेस्ट इन्डिजका जेसन होल्डर सर्वाधिक प्रभावशाली देखिए। उनले ४ ओभरमा २७ रन खर्चेर ४ विकेट लिए। म्याथ्यु फोर्डेले किफायती बलिङ गर्दै ४ ओभरमा १० रन मात्र खर्चेर १ विकेट लिए। अकेल होसेन, शामार जोसेफ र रोस्टन चेसले समान १/१ विकेट लिए।

दिपेन्द्रको अर्धशतकमा वेस्ट इन्डिजलाई १३४ रनको लक्ष्य

इन्टर मिलानले इटालीको सिरी ए मा शनिबार युभेन्ट्सलाई ३–२ ले हराएको छ र यस नतिजापछि शीर्ष स्थानमा ठोस आठ अंकको अग्रता लिएको छ । इन्टरको ६१ अंक भएको छ । यभेन्ट्स भने ४६ अंकमा चौथो स्थानमा सीमित रह्यो । खेल बराबरीतर्फ अग्रसर भएको बेला पोल्यान्डको मिडफिल्डर पिटर जेलेन्स्कीले ९० औं मिनेटमा निर्णायक गोल गरे । इन्टरका लागि आन्द्रे कमबिसोको आत्मघाती गोल गरेपछि पिओ इसपोसिटोले पनि एक गोल थपे । युभेन्ट्सका लागि आन्द्रे कम्बबिसो र म्यानुएल लोकाटेलीले गोल फर्काए । अन्य खेलमा एटलान्टाले लाजियोलाई २–० र फियोरेन्टिनाले कोमोलाई २–१ ले हरायो ।

इन्टरको अग्रता आठ अंक

रियल म्याड्रिडले स्पेनी ला लिगामा शनिबार शीर्ष स्थानमा दुई अंकको अग्रता लिएको छ । उसले यसका लागि रियल सोसिडाडलाई ४–१ ले हराएको हो । त्यसमा भिनिसियस जुनियरले पेनाल्टीबाट दुई गोल गरे । यस्तै गोन्जालो गार्सिया र फेड भाल्भेरडेले पनि एक एक गोल गरे । मिखेल ओयारजबेलले सोसिडाडका लागि एक गोल फर्काए । अर्को खेलमा भिल्लारियल गेटाफेसँग २–१ ले पराजित रह्यो । भिल्लारियल ४५ अंकमा चौथो स्थानमा कायम रह्यो । यो जितले रियलको ६० अंक भएको छ । बार्सिलोना दुई अंकले पछाडि छ र उसले सोमबार जिरोनाको सामना गर्दैछ ।

रियललाई दुई अंकको अग्रता

काठमाडौं। चर्च ब्वाइज युनाइटेडले एन्फा महिला च्याम्पियनसिपमा कठिन जित निकाल्दै क्वाटरफाइनलमा स्थान सुरक्षित गरेको छ। उदयपुरको गाईघाटस्थित थरुहट रंगशालामा शनिबार सम्पन्न खेलमा चर्च ब्वाइजले छहारी युवा क्लब लाई १–० गोल अन्तरले पराजित गर्‍यो। खेलको निर्णायक गोल वर्षा ओलीले गरिन्। उनले गरेको एकमात्र गोल नै चर्च ब्वाइजको जितका लागि पर्याप्त बन्यो।&nbsp; जितसँगै चर्च ब्वाइजले अब सेमिफाइनल प्रवेशका लागि संकटा फुटबल क्लब सँग प्रतिस्पर्धा गर्नेछ। प्रतियोगितामा छहारीको यात्रा भने पहिलो खेलबाट समाप्त भएको छ।

छहारीमाथि चर्च ब्वाइजको कठिन जित

काठमाडौं । २०८२ साल फागुन २ गते शनिबार नेपाल कबड्डी लिग (एनकेएल) को दोस्रो सिजनको ‘ड्राफ्ट’ को लागि छनोट भएका १ सय ४७ नेपाली खेलाडीमा विभागीय टिमले वर्चस्व कायम गरेको छ, जसमा नेपाली सेना (त्रिभुवन आर्मी क्लब), नेपाल प्रहरी (पुलिस क्लब) र सशस्त्र प्रहरी बल (एपीएफ क्लब) का ३५ खेलाडी परेका छन् । आउने चैत्र महिनामा हुने ड्राफ्टका लागि आर्मी र एपीएफका १२–१२ जना तथा पुलिसबाट ११ खेलाडी छनोट भएको एनकेएल आयोजक एस्ट्रोनिक्स म्यानेजमेन्टले जनाएको छ । त्यस्तै, मधेश प्रदेशका २३, लुम्बिनीका २०, बागमतीका १५, सुदूरपश्चिमका १५, कोशीका १४, कर्णालीका १३ र गण्डकीका १२ खेलाडीले ड्राफ्टमा स्थान बनाएका छन् । उनीहरूलाई तीन समूहमा वर्गीकरण गरी ड्राफ्टमा राखिनेछ । दोस्रो सिजनको लागि स्वदेशी ५ सय १२ खेलाडीले नाम दर्ता गरेका थिए । त्यसबाट १ सय ८० खेलाडीले ‘प्लेयर ट्रायल्स’ ले प्रतिस्पर्धा गरेका थिए । ड्राफ्टको लागि प्लेयर ट्रायल्सबाट १ सय ६ जना खेलाडी छनोट भएका हुन् भने बाँकी ४१ खेलाडी गत माघमा सम्पन्न २५ औं राष्ट्रिय कबड्डी प्रतियोगिताबाट छनोट गरिएको हो । फ्रेन्चाइजको आधारमा बनाइएका ६ सहरका ६ टिमले ड्राफ्टमार्फत् एनकेएल दोस्रो सिजनमा प्रतिस्पर्धा गर्ने टिम तयार पार्नेछन् । स्वदेशी खेलाडीसँगै ड्राफ्टमा बिदेशी खेलाडी पनि हुनेछन् । एस्ट्रोनिक्स म्यानेजमेन्टका प्रमुख अमितकुमार बेगानीले भने, ‘यसपाली दर्जन बढी देशका उत्कृष्ट खेलाडीले नेपाल आएर एनकेएल खेल्न चाहेका छन् । दर्ता गर्ने क्रम जारी नै छ । त्यसैले ड्राफ्टमा समावेश गरिने बिदेशी खेलाडीको संख्या चाँडै सार्वजनिक गर्नेछौं ।’ बेगानी ग्रुपको एस्ट्रोनिक्स म्यानेजमेन्टले नेपाल कबड्डी संघसँग सम्झौता गरेपछि गत वर्ष एनकेएलको पहिलो संस्करण सफलतापूर्वक आयोजना गरेको थियो । संघसँग १० वर्षे सम्झौता गरी फ्रेन्चाइज टिमको अवधारणामा ल्याइएको एनकेएलले नेपालमा व्यावसायिक कबड्डीको सुरुआत गरेको हो । अहिले दोस्रो सिजनको तयारी तीब्र गतिमा भइरहेको छ । म्यारियट होटेलमा सोमबार एक कार्यक्रम आयोजना गर्दै एनकेएल सिजन २ घोषणा गर्दैछ । एस्ट्रोनिक्स म्यानेजमेन्टले कबड्डीलाई ग्रासरुटबाटै विकास गर्ने प्रयासमा एनकेएल नेक्स्टजेन इन्टर स्कुल कबड्डी च्याम्पियनसिप पनि सुरु गरेको छ । पहिलो सिजन ६ सहरका ६ टिम विराटनगर ब्यान्डिट्स, जनकपुर नाइट्स, काठमाडौं माभरिक्स, पोखरा लेकर्स, हिमालयन रेइडर्स (बुटवल) र धनगढी वाइल्डक्याट्सले प्रतिस्पर्धा गरेका थिए । राष्ट्रिय खेलकुद परिषदको त्रिपुरेश्वरस्थित कभर्डहलमा आयोजित रोमान्चक फाइनलमा काठमाडौंमाथि ४३–४१ को जित रच्दै जनकपुर एनकेएल च्याम्पियन भएको थियो ।

एनकेएल ड्राफ्टमा विभागीय खेलाडीको वर्चस्व

नेपाल र ताजकिस्तान बिच खेल हेर्नुहोस<a href="https://www.youtube.com/live/0tt99DeraLU?si=Rk6myIJ500Nfd_5U" target="_blank">Watch Live Match Nepal vs Tajikistan</a><a href="https://www.youtube.com/live/0tt99DeraLU?si=Rk6myIJ500Nfd_5U" target="_blank"> </a>
<iframe width="560" height="315" src="https://www.youtube.com/embed/0tt99DeraLU?si=Rk6myIJ500Nfd_5U" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen=""></iframe>

Nepalsports

नेपाल र ताजकिस्तान बिच खेल हेर्नुहोस

📰 Recent News

Nepalsports