काठमाडाैँ । साविक विजेता ललितपुर सिटी एफसीले नेपाल सुपर लिग (एनएसएल) पहिलाे जित दर्ता गरेकाे छ। त्रिपुरेश्वरस्थित दशरथ रंगशालामा बुधबार सम्मपन्न खेलमा ललितपुरले पाेखरा थन्डर्सलाई ३–२ ले पराजित गरेकाे हाे। ललितपुरलाई जित दिलाउन जोनाथनबाहेक इमोह इजिकेलले एक गोल थपे। पोखराका समीर तामाङ र जोय आइडुले गरेको गोल सान्त्वना रह्यो। खेलको आठौँ मिनेटमा जोनाथन क्यान्टिलानाको गोलबाट ललितपुरले सुरुआती अग्रता बनाएको थियो। पोखराको लागि समिर तामाङले ४२औँ मिनेटमा गोल गर्दै खेल १–१ गोलको बराबरी अबस्थामा ल्याएका थिए। त्यसपछि ललितपुरका लागि इमोह इजकिएलले पहिलो हाफको अतिरिक्त समयमा गोल गर्दै पहिलो हाफभरी २–१ को अग्रता दिलाए। जाेनाथान ७५औँ मिनेटमा गाेल गर्दै खेलमा ३–१ काे अग्रता दिलाए। तर, इन्जुरी समयमा पाेखराले एक गाेल फर्काएपनि उक्त गाेल बराबरीका लागि प्रयाप्त भएन। जितसँगै दुई खेलमा ललितपुरले चार अंक जाेडेकाे छ। यता, पाेखराले दाेस्राे हार ब्यहाेरेकाे छ। यसअघि पाेखरा एफसी चितवनसँग २–० ले पराजित भएकाे थियाे भने ललितपुर काठमाडाैँ सँग २–२ को बराबरीमा रोकिएको थियो।

ललितपुरको पहिलो जित

काठमाडौं । रियल मड्रिड कोपा डेल रेको फाइनलमा पुगेको छ। मंगलबार राति सम्पन्न सेमिफाइनलको दोस्रो लिगमा रियल सोसियडाडसँग ४-४ गोलको बराबरी खेल्दै समग्रमा ५-४ को जितसहित रियल फाइनलमा पुगेको हो। निर्धारित ९० मिनेटको खेलमा रियल सोसियडाड ४-३ ले अगाडी भएपछि समग्र नतिजा ४-४ भएपछि यो खेल ३० मिनेट अतिरिक्त खेलिएको थियो।&nbsp; अतिरिक्त समयमा रियलका लागि एन्टोनी रुडीगेरले गोल गर्दै रियललाई जिताएका थिए। यसअघि रियलका लागि एन्ड्रीक, जुड बेलिङघम र अउरेलिएन चोउमेनीले एक एक गोल गरेका थिए। सोसियडाडका लागि मिकेल ओयारजबालले २ गोल गरेका थिए भने एण्डर बरेनेक्स्टीले एक गोल गरेका थिए। त्यस्तै अर्को गोल रियल डेभिड अलाबाले आत्मघाती गोल गरे। अब फाइनलमा रियलले अर्को सेमिफाइनलको बिजेता बार्सिलोना र एटलेटिको मड्रिडबीचको विजेतासँग खेल्ने छ। बार्सिलोना र एटलेटिको पहिलो लेगमा ४-४ गोलको बराबरी खेलेका छन् भने दोस्रो लिग आज राति हुँदै छ।

रियल कोपा डेल रेको फाइनलमा

काठमाडौं। नेपालमा पहिलोपल्ट कुकिवन कप तेक्वान्दो प्रतियोगिता आयोजना हुने भएको छ। नेपाल तेक्वान्दो संघ र विश्व तेक्वान्दो मुख्यालय कुकिवनको संयुक्त आयोजनामा प्रतियोगिता सातदोबाटोस्थित तेक्वान्दो एकेडेमी हलमा वैशाख ४ देखि ६ गतेसम्म हुन लागेको हो। प्रतियोगितामा ब्रेकिङ विधामा साइड किक, फिस्ट, नाइफ, हाइजम्प र अलराउन्डगरी पाँच &nbsp;विधा गरी २८ स्वर्ण पदका लागि प्रतिस्पर्धा हुनेछ। यो विधामा यु–१२, यु–१३ देखि १५ र यु–१६ देखि १८ का उमेर समूहले सहभागिता जनाउने छन्। सिनियरतर्फ १९–२९ र ३०–५९ गरी पाँच उमेर समूहमा प्रतिस्पर्धा हुने आयोजकले जानकारी दिएको छ। त्यसै गरी कुकिवन मान्यता प्राप्त अथोराइज पुम्सेतर्फ पाँच उमेर समूहका एकल, पियर र ग्रुप पुम्से गरी तीन समूहमा ३० स्वर्णका लागि प्रतिस्पर्धा हुनेछ। यसबाहेक प्रतियोगिताका विधाहरूमध्य तेक्वान्दो एरोबिक्स तथा टिम ग्यरोगी वा टिम फाइट सामूहिकरूपमा आयोजना हुने जनाइएको छ। तेक्वान्दो एरोबिक्समा महिला र पुरुष गरी पाँचदेखि सात जनासम्मको टिम बनाई जुनियर तथा सिनियर उमेर समूहमा प्रतिस्पर्धा हुनेछ। टिम ग्यरोगी वा टिम फाइटमा महिला र पुरुषका छुट्टाछुट्टै समूहमा यु–१२, यु–१८ र यु–१९ गरी तीन उमेर समूहमा ६ स्वर्णका लागि प्रतिस्पर्धा हुनेछ।

नेपालमा कुकिवन कप तेक्वान्दो प्रतियोगिता आयोजना हुने

काठमाडौं। अहमद हिजालीको दुई गोलसँगै साबिक विजेता धनगढी एफसीले नेपाल सुपर लिग (एनएसएल) मा शानदार सुरुआत गरेको छ।&nbsp; त्रिपुरेश्वरस्थित दशरथ रंगशालामा मंगलबार धनगढीले बुटवल लुम्बिनी एफसीलाई ४–१ ले पराजित गरेको हो।&nbsp; धनगढीको जितमा हिजालीबाहेक कृतिशरत्न छुन्जु र जर्जप्रिन्स कार्कीले एक गोल थपे। बुटवलका केन्टा हाराले एक गोल फर्काए पनि सान्त्वना रह्यो। खेलको छैटौं मिनेटमै हिजाजीले धनगढीलाई सुरुआती अग्रता दिलाए।&nbsp; योसँगै धनगढीले पहिलो खेलमै तीन अंक जोडेको छ। बुटवलको भने यो पहिलो हार हो। बुटवलले यसअघि झापा एफसीसँग गोलरहित बराबरी खेलेको थियो।

हिजाजी चम्किँदा धनगढीको शानदार सुरुआत

काठमाडौं। नेपाल सुपर लिग (एनएसएल) मा मंगलबार साबिक उपविजेता धनगढी एफसीलाई बुटवल लुम्बिनी एफसीले चुनौती प्रस्तुत गर्दैछ। त्रिपुरेश्वरस्थित दशरथ रंगशालमा यी दुई टाेलीबीचकाे भिड्न्त साँझ खेल ६ बजे सुरु हुनेछ।&nbsp; तेस्रो संस्करणमा बुटवलको यो दोस्रो खेल हो भने धनगढीको भने यो पहिलो खेल हो। यसअघि बुटवलले पहिलो खेलमा झापा एफसीलाई गोलरहित बराबरीमा रोकेको थियो। धनगढी र बुटवल यसअघि दुईपल्ट आमुन्नेसामुन्ने भइसकेका छन्। जसमा दुवै टोलीले समान एक खेल जितेका छन्। पहिलो संस्करणमा बुटववले १–० को जित निकालेको थियो। दोस्रो संस्करणमा भने धनगढीले सोही नतिजा उल्टाउँदै पहिलो जित निकालेको थियो।&nbsp;

धनगढीलाई बुटवलको चुनौती

काठमाडौं। एफसी चितवनले जितसहित नेपाल सुपर लिग (एनएसएल)को तेस्रो संस्करणमा विजयी सुरुआत गरेको छ।त्रिपुरेश्वरस्थित दशरथ रंगशालामा सोमबार सम्पन्न खेलमा चितवनले पोखरा थन्डर्सलाई २–० ले पराजित गरेको हो। यसअघिका दुई भेटमा यसअघि भएका दुई खेलमा पनि पोखराले २–१ र १–० को जित निकालेको थियो। यसपल्ट भने चितवनले इतिहास उल्टाउँदै पहिलो जित निकाल्न सफल भएको हो।&nbsp; चितवनको जितमा नोडिर माभलोनोभ र नीरज चौधरीले गोल गरे। जितसँगै चितवनले तीन अंक जोडेको छ।&nbsp; खेलको १५औं मिनेटमै नोडिरको गोलमार्फत चितवनले सुरुआती अग्रता लिएको थियो। भिक्टर मानसारायले दिएको बललाई नोडिरले पेनाल्टी बक्स लाइनजिकबाट प्रहार गरेका थिए। प्रिसोले सही दिशामा ड्राइभ लगाए पनि बचाउन सकेनन्। त्यसपछि चितवनलाई अर्को गोल गर्न ८० मिनेट कुर्नुपरेको थियो। दोस्रो हाफको इन्जुरी समयको पाँचौं मिनेटमा नीरजले चितवनलाई अर्को गोल दिलाए। मानसारायले काउन्टर अट्याकमार्फत उपलब्ध गराएको बललाई नीरजले गोल गरे। यसपल्ट पनि प्रिसो सहजै बिट भए।

चितवनको विजयी सुरुआत

काठमाडौं । नेपाल सुपर लिग एनएसएल मा झापा एफसी १० खेलाडी समेटिएको बुटवल लुम्बिनीबीसँग गोल रहित बराबरीमा रोकिएको छ।&nbsp; त्रिपुरेश्वरस्थित दशरथ रंगशालामा आइतबार सम्पन्न खेलमा दुवै टोलीले गोलरहित बराबरी खेलेका हुन्। &nbsp; बुटवल लुम्बिनी एफसीका गोलकिपर दीप कार्की नायक बन्दा झापा एफसीले अंक बाँड्दै सुरुआत गरेको छ। झापाले पहिलो हाफमा बुटवल लुम्बिनीलाई निक्कै दबाबमा राखेको थियो। दोस्रो हाफमा बुटवल लुम्बिनी १० खेलाडीमा समेटिएको थियो। कप्तान एरिक विष्टले दोहोरो पहेंलो कार्ड बेहोरे।

झापा र बुटवल बराबरीमा रोकिए

काठमाडौं। सरस्वती युथ क्लबको अपराजित यात्रामा टुसाल युथ क्लबले पूर्णविराम लगाउँदै सहिद स्मारक ‘बी’ डिभिजन लिगमा पहिलो जित हात पारेको छ। सातदोबाटोस्थित एन्फा कम्प्लेक्समा आइतबार सम्पन्न खेलमा सरस्वतीलाई टुसालले १–० ले पराजित गरेको हो। टुसालको जितमा कमल विश्वकर्माले गोल गरे। जितसँगै टुसालले तीन खेलबाट पाँच अंक पुर्‍याएको छ। टुसालले यसअघिका दुई खेल बराबरी खेलेको थियो। सरस्वतीको भने समान खेलबाट ६ अंक छ। उनले कमलले खेलको पहिलो मिनेटमा गोल गरेका हुन्। उनले देवराज तामाङको क्रसमा गोल गरेका हुन्।

सरस्वतीको विजयी यात्रामा टुसाल बाधक

काठमाडौं । नेपाल क्रिकेट संघ (क्यान)ले विश्वकप लिग टु अन्तर्गत जुनमा स्कटल्यान्डमा हुने त्रिकोणात्मक सिरिजका लागि नेपाली राष्ट्रिय क्रिकेट टोलीको प्रारम्भिक टोलीको घोषणा गरेको छ। क्यानका अनुसार छनोट भएका ४८ खेलाडीलाई नेपाल निलो, नेपाल रातो, नेपाल हरियो र नेपाल पहेँलो गरी ४ समूहमा विभाजन गरी तयारी खेलहरु संचालन गरिने छ। आगामी जुनमा नेपालले स्कटल्याण्डमा घरेलु टोली र नेदरल्याण्ड्ससँग लिग टु को चौथो सिरिज खेल्नेछ। नवनियुक्त प्रमुख प्रशिक्षक स्टुअर्ट लको प्रत्यक्ष निगरानीमा तयारी खेलहरू सञ्चालन गरिने क्यानले जनाएको छ। छनोटका खेलहरु आगामी साता हुने हङकङ सिरिज पश्चात हुनेछ। छनोटमा परेका खेलाडीहरू : रोहित कुमार पौडेल, दीपेन्द्र सिंह ऐरी, सन्दीप लामिछाने, सोमपाल कामी, आसिफ शेख, कुशल भुर्तेल, गुल्सन कुमार झा, करण केसी, ललित नारायण जोशी, अनिल कुमार साह, सन्दीप जोरा, आरिफ शेख, भीम सार्की, कुशल मल्ल, सागर ढकाल, लोकेश बम, शाहब आलम, आकाश चन्द, विवेक कुमार यादव, सूर्य तामाङ, रिजन ढकाल, देव खनाल, बसिर अहमद, प्रतिस जीसी, अविनाश बोहरा, मयन यादव, अर्जुन घर्ती, हेमन्त धामी, दीपेश प्रसाद कँडेल, रुपेश कुमार सिंह, अर्जुन कुमाल, शुभ कंसाकार, किरण ठगुन्ना, ईशान पाण्डे, शेर मल्ल, प्रज्वल थापा, तृतराज दास, दीपेन्द्र रावत, नन्दन यादव, सुजन थपलिया, दिलीप नाथ, आकाश त्रिपाठी, विशाल पटेल, शाकिब हक, विनोद भण्डारी, पवन सर्राफ, राशिद खान, अर्जुन साउद।

लिग २ लागि प्रारम्भिक चरणको बन्द प्रशिक्षणमा ४८ खेलाडी

काठमाडौं । नेपाल सुपर लिग (एनएसएल) काे दोस्रो खेलमा आइतबार बुटवल लुम्बिनी एफसी र झापा एफसीबीच खेल हुदैँछ। खेल त्रिपुरेश्वरस्थित दशरथ रंगशालमा साँझ ६ बजे सुरु हुनेछ। शनिबार सुरु भएको प्रतियोगितामा साविक विजेता ललितपुर सिटी एफसी र काठमाडौं रेजर्सले २–२ गोलको बराबरी खेलेका छन्। पहिलो संस्करणको एनएसएल उपाधि काठमाडौं रेजर्सले जितेको थियो भने दोस्रो संस्करणको उपाधि ललितपुर सिटी एफसीले जितेको थियो। प्रतियोगितामा ललितपुर सिटी एफसी, काठमाडौं रेजर्स एफसी, पोखरा थन्डर्स एफसी, बुटवल लुम्बिनी एफसी, धनगढी एफसी, झापा एफसी, र चितवन एफसी गरी सात टोली सहभागी छन्।

नेपाल सुपर लिग : बुटवल र झापा भिड्दै

काठमाडौं। नेपाल सुपर लिग (एनएसएल)को भ्याली डर्बीमा साबिक विजेता ललितपुर सिटी एफसी र काठमाडौं रेजर्स बराबरीमा रोकिएको छ। त्रिपुरेश्वरस्थित दशरथ रंगशालामा शनिबारदेखि सुरु भएको तेस्रो संस्करणको उद्घाटन खेलमा ललितपुर र काठमाडौंले २–२ को बराबरी खेलेका हुन्।&nbsp; ललितपुरका जनाथन इडुआर्डो र आदित्य शाक्यले गोल गरेका हुन्। काठमाडौंका ओमोडोउ डिओप र भिन्सेन्टले गोल फर्काए। ललितपुरलाई खेलको पाँच मिनेटमै विदेशी खेलाडी जनाथनले सुरुआती अग्रता दिलाएका हुन्।

भ्याली डर्बी बराबरीमा सकियो

काठमाडौं। तेस्रो संस्करणको नेपाल सुपर लिग (एनएसएल) को उद्घाटन खेलमा शनिबार दुई विजेता ललितपुर सिटी एफसी र काठमाडौं रेजर्स भिड्दैछन्। त्रिपुरेश्वरस्थित दशरथ रंगशालामा हुने खेल साँझ ६ बजे सुरु हुनेछ। काठमाडौं पहिलो संस्करणको विजेता हो। ललितपुरले भने दोस्रो संस्करणमा पुगेर उपाधि चुम्न सफल भएको हो। ललितपुर यस संस्करण उपाधि रक्षा गर्ने दाउमा हुनेछ। काठमाडौं भने पहिलो संस्करणको सफलता उल्टाउने लक्ष्यमा छ।&nbsp; ललितपुर र काठमाडौं तीनपल्ट आमुन्नेसामुन्ने भएका छन्। पहिलो संस्करणमा यी दुई टोली लिग चरणमै भिडेका थिए। उक्त खेलमा काठमाडौं १–० ले विजयी भएको थियो। दोस्रो संस्करणमा भने दुईपल्ट यी टोलीको भेट भएको थियो। लिगचरणमा काठमाडौंले १–० कै जित निकालेको थियो। तर, प्लेअफमा भने ३–० को सानदार जित निकाल्दै ललितपुरले पुनरागमन गरेको थियो।

एनएसएल : उद्घाटन खेलमा दुई विजेताको भिड्न्त

काठमाडौं। नेपाली राष्ट्रिय क्रिकेट टोलीको मुख्य प्रशिक्षकमा स्टुअर्ट ल नियुक्त भएका छन्।&nbsp; नेपाल क्रिकेट संघ (क्यान)ले शुक्रबार राति अस्ट्रेलियाका ५६ वर्षीय ललाई दुई वर्षका लागि मुख्य प्रशिक्षकमा नियुक्त गरिएको जानकारी दिएको हो। ५६ वर्षीय लले श्रीलंका, बंगलादेश, वेष्ट इन्डिज, अफगानिस्तान र अमेरिकाको मुख्य प्रशिक्षक भएर काम गरिसकेका छन्। उनी सन् १९९६ को विश्वकपमा अष्ट्रेलिया उपविजेता हुँदा त्यसको सदस्य थिए। उनले अष्ट्रेलियाका लागि ५४ ओडिआई खेलेका छन्। यस्तै उनले एक टेष्ट म्याच समेत खेलेका थिए। क्यानले मुख्य प्रशिक्षक पदका लागि आवेदन परेका ७० जनाबाट १० जनाको नाम सर्टलिस्ट गरेर अन्तर्वार्ता लिएको थियो। त्यसबाट ल लाई नियुक्त गरेको हो।

स्टुअर्ट ल क्रिकेट टोलीको मुख्य प्रशिक्षक

काठमाडौं । बाँसबारी क्लबले सहिद स्मारक ‘बी’ डिभिजन ब्रिगेड ब्वाइज क्लबविरुद्ध जित हासिल गरेको छ। सातदोबाटोस्थित अखिल नेपाल फुटबल संघ (एन्फा) कम्प्लेक्समा शुक्रबार सम्पन्न खेलमा बाँसबारीले १-० को कठिन जित दर्ता गरेको हाे। बाँसबारीलाई जित दिलाउन सन्दीप लिम्बुले गरेको एकमात्र गोल पर्याप्त बन्यो। उनले खेलको ६७औं मिनेटमा गोल गरेका थिए। इन्जुरी समयमा निशान्त रावतले दोहोरो पहेंलो कार्ड बेहोर्दै मैदान छाडेपछि बाँसबारी १० खेलाडीमा समेटिएको थियो। जितसँगै तीन खेलमा ६ अंक जोडेको बाँसबारी तेस्रो स्थानमा उक्लिएको छ। पराजित ब्रिगेड समान खेलबाट तीन अंकका साथ आठौं स्थानमा छ। <div> </div>

ब्रिगेड ब्वाइज क्लबविरुद्ध बाँसबारीको जित

काठमाडौं । राष्ट्रिय महिला फुटबल टोलीकी कप्तान तथा गोलकिपर एन्जिला तुम्बापो सुब्बा आफ्नो जीवन कथामा आधारित ‘अन्जिला’ फिल्म प्रमोसनका लागि नेपाल आइपुगेकी छिन्। ग्रिस महिला सुपर कपका लागि निस अट्रोमिटौमा आबद्ध रहेर व्यावसायिक फुटबल खेलिरहेकी एन्जिला फिल्म प्रमोसनका लागि नेपाल शुक्रबार आइपुगेकी हुन् । त्रिभुवन अन्तर्राष्ट्रिय बिमानस्थलमा सञ्चारकर्मीहरुसँगको कुराकानीमा उनले दर्शकहरुको मायाले नै आफूलाई तानेको भन्दै ग्रिसबाट छोटो समय मिलाएर नेपाल आएको बताइन् ।&nbsp; उनले भनिन्,‘ग्रिसबाट छोटो समय मिलाएर आएको छु । दर्शकहरुको मायाले नै गर्दा तीन चार दिन कति हुन्छ बस्ने छु । मैंले समाचारतिर पनि हेरिरहेको थिए । दर्शकहरुको माया भव्य देखेपछि नै आएको हो । सम्पूर्ण टिलाई धन्यवाद दिन्छु उहाँहरुले गर्दा नै फिल्म राम्रो भइरहेको छ ।’ साथै, दर्शकहरुले आफ्नो फिल्म हेरेर भावुक हुँदै गर्दा आफूलाई एकातिर दुःख लागेपनि अर्कोतिर फिल्म मनपराइ दिनुभयो भनेर खुसी पनि उत्तिकै लागेको पनि उनले बताइन् ।

ग्रिसबाट नेपाल आइपुगेकी एन्जिला भन्छिन् : ‘दर्शकको मायाले तान्यो’

काठमाडौं। ब्वाइज युनियन क्लब झापा फुटबल क्लबले सहिद स्मारक ‘बी’ डिभिजन बराबरी खेलेका छन्। सातदोबाटोस्थित अखिल नेपाल फुटबल संघ ९एन्फा० कम्प्लेक्समा शुक्रबार सम्पन्न खेलमा ब्वाइज युनियनले झापा फुटबल क्लबलाई १–१ को बराबरीमा रोकेको हो। झापाका निकेश श्रेष्ठले गोल गरे। युनियनका लागि सञ्जीव लामाले गोल गर्दै एक अंक दिलाए। निकेशले झापालाई सुरुआती अग्रता दिलाएका थिए। तर, पहिलो हाफको इन्जुरी समयमा सञ्जीवले गोल गर्दै ब्वाइज युनियनलाई हारबाट जोगाए।

झापा र ब्वाइज युनियनले अंक बाँडे

जावलाखेल । निलकण्ठ नगरपालिका धादिङ र आयोजक ललितपुर महानगरपालिकाले बागमती प्रदेशस्तरीय अन्तरपालिका मेयर कप महिला तथा पुरुष भलिबल प्रतियोगिताको उपाधि जितेका छन्। जावलाखेल भलिबल प्रशिक्षण केन्द्र कभर्डहल जावलाखेलमा बिहिवार सम्पन्न महिलातर्फ निलकण्ठले महालक्ष्मी नगरपालिकालाई हराउँदै च्याम्पियन बनेको हो। निलकण्ठले २५-१५ २५-२३ तथा २७-२५ ले हराउँदै उपाधि जितेको हो। उपाधिसँगै निलकण्ठले दुई लाख पायो भने उपविजेता महालक्ष्मीले एक लाखमा चित्त बुझायो। पुरुषतर्फ आयोजना ललितपुरले महांकाल गाउँपालिकालाई ३-० को सोझो सेटमा हराउँदै उपाधिमा कब्जा जमायो। ललितपुरले पहिलो सेट, २५-१७, दोस्रो सेट, २५-२० र तेस्रो सेटमा २५-१७ ले आफ्नो पक्षमा पार्यो। यस्तै, पुरुषतर्फ मन्थली नगरपालिका तथा महिलातर्फ आयोजक ललितपुरले तेस्रो स्थान हासिल गर्यो। मन्थलीले मेलुङ गाउँपालिकालाई २५-१५, २५-१६ र &nbsp;२५-२२ काे स्काेरमा हराउँदै तेस्राे भयाे भने महिलातर्फ ललितपुरले बिगु गाउँपालिकालाई हराउँदै तेस्राे भयाे।प्रतियोगिताको विजेताले दुवैतर्फले दुई लाख, उपविजेता एक लाख, तेस्रो हुनेले ५० हजारमा प्राप्त गरे। गत चैत १० गतेबाट सुरु भएको यस प्रतियोगितामा महिलातर्फ ८ टिमको सहभागिता रहेकाे थियाे भने पुरुषतर्फ १४ टिमको सहभागि थिए।

मेयर कप भलिबलको उपाधि निलकण्ठ र ललितपुरलाई

काठमाडौं । नेपाल एएफसी महिला एसियन कप २०२६ छनोटको समूह ‘एफ’ मा परेको छ। छनोट खेलहरु २३ जुनदेखि सुरु हुनेछ। एसियाली फुटबल महासंघ (एएफसी) ले बिहीबार सार्वजनिक गरेको ‘ड्र’ अनुसार समूह ‘एफ’ मा नेपालसँगै उज्वेकिस्तान, लाओस र श्रीलंका छन्। यो समूहका खेल उज्वेकिस्तानमा हुनेछ।यसैगरी समूह ‘ए’ मा इरान, जोर्डन, लेबनान, सिंगापुर र भुटान तथा समूह ‘बी’ मा थाइल्यान्ड, भारत, मंगोलिया, टिमोर लिस्टे र इराक छन्।यता समूह ‘सी’ मा बहराइन, म्यानमार, बंगलादेश, तुर्केमिनेस्तान तथा समूह ‘डी’ मा चाइनिज ताइपेइ, इन्डोनेसिया, किर्गिस्तान र पाकितान परेका छन्। समूह ‘इ’ मा भियतनाम, गुआम, युएई र माल्दिभ्स रहँदा समूह ‘जी’ मा फिलिपिन्स, हङकङ, कम्बोडिया, साउदी अरेबिया छन्। यस्तै समूह ‘ए’ मा मलेसिया, प्यालेस्टाइन, उत्तर कोरिया र ताजकिस्तान छन्।

एसियन कप : नेपाल समूह 'एफ' मा

जावलाखेल । ललितपुर महानगरपालिकाको १०६औं वार्षिकोत्सब अवसरमा आयोजित अन्तरपालिका मेयर कप महिला तथा पुरुष भलिबल प्रतियोगिताको फाइनल समीकरण पूरा भएको छ। बुधबार सेमिफाइनलका खेल सम्पन्न भएसँगै उपाधिका लागि भिड्ने टोलीको टुंगो लागेको हो। जावलाखेल भलिबल प्रशिक्षण केन्द्र कभर्डहल जावलाखेलमा जारी प्रतियोगितामा महिलातर्फ निलकण्ठ नगरपालिकाले आयोजक ललितपुर महानगरपालिका तथा महालक्ष्मी नगरपालिकाले बिगु गाउँपालिकालाई हराउँदै उपाधि नजिक पुगेका हुन्। निलकण्ठले ललितपुरलाई २५–२० २५–२१ र ३३–३१ काे सेटमा पराजित गर्याे। अर्काे सेमिफाइनलमा महालक्ष्मीले बिगुलाई २५–२०, २५–१९ र २५–११ काे सेटमा हरायाे। उपाधिका लागि अब महालक्ष्मी र निलकण्ठ भोलि बिहान १० बजे खेल्ने छन् भने सेमिफाइनलमा पराजित ललितपुर र बिगुले तेस्रो स्थानमाका लागि बिहान ८ बजे प्रतिस्पर्धा गर्नेछन्। यता, पुरुषतर्फ उपाधिका लागि आयोजक ललितपुरले महांकालको सामना गर्नेछ। फाइनल खेल दिउँसाे २ बजे हुनेछ। ललितपुरले मन्थली ए लाई २५–१६, २५–२१, २०–२५ तथा २५–१९ ले हराउँदै उपाधि नजिक पुगेको हो। अर्को सेमिफाइनलमा मेलुङ गाउँपालिकालाई ३–० को सोझो सेटमा हराउँदै महांकाल उपाधि नजिक पुग्यो। पहिलो सेट २५–१५, दाेस्राे सेट २५–९ र तेस्राे सेट २५–१९ ले आफ्नाे पक्ष्यमा पार्याे। सेमिफाइनलमा पराजित मन्थली ए र मेलुङले तेस्रो स्थानको लागि बिहवार दिउँसो १२:१५ बजे प्रतिस्पर्धा गर्नेछ। प्रतियोगिताको विजेताले दुवैतर्फ दुई लाख पाउनेछन्। उपविजेता एक लाख, तेस्रो हुनेले ५० हजार पाउनेछन्। जारी प्रतियोगितामा महिलातर्फ ८ टिमको सहभागिता रहेकाे थियाे भने पुरुषतर्फ १४ टिमको सहभागि थिए। प्रतियोगितामा बिधागततर्फ सर्वोत्कृष्ट खेलाडीले १० हजार, वेस्ट स्पाईकर, वेस्ट ब्लकर, वेस्ट लिबेरो र वेस्ट प्रशिक्षकले समान ५ हजार पाउनेछन्।

मेयर कप भलिबल : उपाधिका लागि महालक्ष्मी र निलकण्ठ तथा महांकाल र ललितपुर भिड्ने

काठमाडौं। अर्जेन्टिनाले ब्राजिलमाथि गोलको बर्षा गरेको छ। फिफा विश्वकप २०२६ मा छनोट भइसकेको अर्जेन्टिना मोनुमेन्टल डे नुनेज स्टेडियममा बुधबार बिहान सम्पन्न खेलमा ब्राजिललाई ४–१ ले पराजित गरेको हो। अर्जेन्टिनाले यो सन् १९५९ पछि ब्राजिलमाथि निकालेको सबैभन्दा ठूलो जित हो। यसअघि भएको ‘अवे’ मा पनि अर्जेन्टिनाले ब्राजिललाई १–० ले हराएको थियो। यसपल्ट अर्जेन्टिनालाई घरेलु मैदानमा सानदार जित दिलाउन जुलियन अल्भारेज, एन्जो फर्नान्डेज, एलेक्सिस म्याक एलिस्टर र जियुलियानो सिमोनले समान एक गोल गरे। ब्राजिलका म्याथ्युज कुन्हाले गरेको गोल सान्त्वना मात्रै रह्यो। खेलको चौथो मिनेटमै ब्राजिलको डिफेन्सको ठूलो गल्तीको फाइदा अर्जेन्टिनाले उठायो। थियागो आल्माडालाई मिलाइदिएको बललाई अल्भारेजले दुई डिफेन्डरलाई बिट गर्दै गोल गरे।&nbsp; त्यसको आठ मिनेटपछि नै नाहुएल मोलीनाको उत्कृष्ट पासलाई एन्जोले तीन यार्डको दूरीबाट गोलमा परिणत गरे।&nbsp; टोटनह्याका डिफेन्डर क्रिस्टियन रोमेरोको ठूलो गल्तीका कारण कुन्हाले २६औं मिनेटमा गोल गर्दै ब्राजिललाई २–१ मा ल्याइपुर्‍याएका थिए। तर, त्यसपछि ब्राजिल खेलमा फर्किन सकेन र थप दुई गोल खान पुग्यो।&nbsp;कर्नरबाट आएको बललाई एन्जोले चिप गर्दै एलिस्टरलाई पास दिएका थिए। उनले उक्त बललाई ३७औं मिनेटमा सहजै जाली चुमाउँदै अग्रता पुनस् दुईमा पुर्‍याए। ७१औं मिनेटमा निकोलस टाग्लियाफिकोले सिक्स यार्ड बक्सको माथिल्लो भागतिरबाट दिएको कटब्याक सिमोनले गोल गर्दै अर्जेन्टिनालाई ४–१ को सानदार जित दिलाए। यो नतिजासँगै शीर्ष स्थानमा रहेको अर्जेन्टिनाले १४ खेलबाट ३१ अंक पुर्‍याएको छ। अर्जेन्टिया यो खेल अगाबै विश्वकपमा छनोट भइसकेको थियो। समान खेलबाट २१ अंक रहेको ब्राजिल भने चौथो स्थानमा झरेको छ।

Nepal Sports

MENU

FOOTBALL LEAGUE

FAVORITE CLUB

रियल कोपा डेल रेको फाइनलमा

📰 Recent News