काठमाडौं । आइसिसी यु-१९ टी-२० विश्वकप अन्तर्गत समूह चरणको आफ्नो अन्तिम खेलमा नेपाल अस्ट्रेलियासँग ८३ रनले पराजित भएको छ। मलेसियाको वाइएसडी युकेएम ओभलमा अस्ट्रेलियाले दिएको १४० रनको लक्ष्य पछ्याएको नेपालले २० ओभरमा आठ विकेट गुमाउँदै ५६ रन मात्रै बनाउन सक्यो। नेपालका लागि कप्तान पूजा महताले १८ रन बनाउनुबाहेक अन्य ब्याटरले दोहोरो अंकमा रन जोड्न सकेनन्। अस्ट्रेलियाका लागि लिली बासिङथ्वाइट, जुलिएट मोर्टन र हसरत गिलले समान दुई र क्लो एन्वर्थले एक विकेट लिए। त्यसअघि टस जितेर ब्याटिङ रोजेको अस्ट्रेलियाले निर्धारित २० ओभरमा ६ विकेट गुमाउँदै १३९ रनको योगफल तयार पारेको थियो। &nbsp;हारसँगै नेपालको सुपर सिक्स पुग्ने सम्भावना समाप्त भएको छ। यसअघि नेपाल बंगलादेशसँग पाँच र स्कटल्यान्डसँग एक विकेटले पराजित भएको छ। यता, लागतार तेस्रो जितसँगै अस्ट्रेलिया समूह ‘डी’ को विजेताका रूपमा सुपर सिक्स प्रवेश गरेको छ।

नेपाल अष्ट्रेलियासँग ८३ रनले पराजित

काठमाडौं। आइसिसी यु–१९ विश्वकपअन्तर्गत नेपाललाई अस्ट्रेलियाले १४० को विशाल लक्ष्य दिएको छ। वाइएसडी युकेएम क्रिकेट ओभलमा टस जितेर पहिला ब्याटिङ थालेको अस्ट्रेलियाले निर्धारित २० ओभरमा ६ विकेट गुमाउँदै १३९ रन बनाएको हो।&nbsp; दुई ओपनरसहित कप्तान लुसी ह्यामिल्टनलाई १४ रनमै गुमाएको अस्ट्रेलियाले ब्रेको इनिङ्सले खेलमा पुनरागमन गरेको हो।&nbsp; ३४ बल खेलेकी उनले तीन चौका र तीन छक्कासहित सर्वाधिक ४५ रन बनाइन्। उनले एलेनोर लारोसासँग चौथो विकेटका लागि ७२ रनको साझेदारी गरिन्। उनलाई १२.६ ओभरमा रिया शर्माले सिमाना केसीबाट क्याच गराएकी हुन्। लारोसाले भने ३१ रनको योगदान दिइन्। हसरत गिल ३० र क्लो आइन्सवर्थ १६ रनमा अविजित रहिन्। नेपालकी कप्तान पूजा महतोले सर्वाधिक तीन विकेट लिइन्। सिमनाको नाममा दुई र रियाको नाममा एक विकेट रह्यो।

अस्ट्रेलियाले दियो नेपाललाई १४० रनको लक्ष्य

काठमाडौं। समीर कुमार र नवीन गौतमले ह्याट्रिक पूरा गरे खेलमा विभागीय टोली नेपाल पुलिस क्लब तेस्रो स्थानमा उक्लिएको छ।&nbsp; एन्फा यु–१६ युथ लिग अन्तर्गत सातदोबाटोस्थित एन्फा कम्प्लेक्समा बुधबार सम्पन्न खेलमा पुलिसले सातदोबाटोमाथि ८–० को फराकिलो जित हात पारेको हो।&nbsp; पुलिसको जितमा समीर र नवीन गौतमले ह्याट्रिक पूरा गर्दा किरणराज गिरी र रोहन पोख्रेल मगरको नाममा समान एक गोल रह्यो। जितसँगै पुलिसले ६ खेलबाट १३ अंक पुर्‍याएको छ। समान खेलबाट सातदोबाटोको ६ अंक छ।&nbsp;

पुलिसको जितमा नवीन र समीरको ह्याट्रिक

काठमाडौं । आइसिसी महिला यु–१९ विश्वकप अन्तर्गत समूह चरणको आफ्नो अन्तिम खेलमा नेपालले अस्ट्रेलियाको सामना गदैछ। समूह ‘डी’ रहेको यी दुई टोलीबीचको खेल मलेसियाको युकेएम वाइएसडी ओभलमा आज (बुधबार) नेपाली समयअनुसार १२ः१५ बजेबाट सुरु हुनेछ। नेपालले पहिलो पटक अस्ट्रेलियाको सामना गर्दैछ। अघिल्ला दुवै खेलमा पराज बेहोरेको नेपाल सुपर सिक्समा पुग्ने सम्भावना न्युन छ। नेपालले पहिलो खेलमा बंगलादेशसँग पाँच र स्कटल्यान्डसँग एक विकेटले पराजय बेहोरेको थियो।&nbsp;

यु–१९ विश्वकप : अस्ट्रेलियाको सामना गर्दै नेपाल

काठमाडौं । युईएफए च्याम्पियन्स लिगअन्तर्गत स्पेनिस क्लब बार्सिलोनाले बेन्फिकालाई पराजित गरेको छ।&nbsp; बुधबार भएको खेलमा बार्सिलोनाले बेन्फिकालाई ५–४ ले पराजित गरेको हो।&nbsp; &nbsp;बार्सिलोनाको जितमा रोबार्टो लेवान्डोस्की र राफिन्हाले समान दुई गोल गरे। एरिक ग्रासियाले एक गोल थपे। यता, घरेलु टोली बेन्फिकाको लागि ग्रिसका भान्गेलिस पाभ्लिदिसले ह्याट्रिक गरे। बार्सिलोनाका रोनाल्डो अरौजोले आत्माघाति गोल गरे।जितसँगै बार्सिलोना च्याम्पियन्स लिगको दोस्रो स्थानमा उक्लिएको छ। सात मध्ये पाँच खेल जितेको बार्सिलोनाको १८ अंक छ। शीर्ष स्थानको लिभरपुलको २१ अंक छ। ११ अंकसहित बेन्फिका १६औं स्थानमा रह्यो।

रोमाञ्चक खेलमा बार्सिलोना विजयी

काठमाडौं । कप्तान क्रिस्टियानो रोनाल्डोको सानदार प्रदर्शनमा साउदी प्रो लिग अन्तर्गत १६औं साताको खेलमा अल नासरले विजयी हासिल गारेको छ। प्रिन्स मोहम्मद बिन फदाह स्टेडियममा मंगलवार राती भएको खेलमा नासरले अल खलीजलाई ३-१ ले पराजित गरेको हो। &nbsp; नासरको जितमा कप्तान रोनाल्डो दुई गोल गर्दा सुल्तान अल घन्नामले एक गोल गरे। खलीजका लागि कोन्स्टेन्टिनोस फोर्टुनिसले गोल गरे। खेलको ३४औं मिनेटमा खलीजका सईद अल हम्साल रातो कार्ड खादै मैदान बाहिरिएपछि टोली १० खेलाडीमा सिमित बनेको थियो। रोनाल्डोले खेलको ६५औं मिनेटमा गोल गर्दै नासरलाई सुरुवाती अग्रता दिलाएका थिए। जितसँगै नासर १६ खेलमा ३२ अंकका साथ तेस्रो स्थानमा छ। समान खेल खेलेको अल हिलाल ४३ अंकका साथ शीर्ष स्थानमा छ।

रोनाल्डो चम्किँदा नासरको जित

काठमाडौँ । केबी साम नेपाल कबड्डी लिग (एनकेएल) मा जनकपुर नाइट्सले विजयी यात्रा जारी राखेको छ। त्रिपुरेश्वरस्थित राखेपको कभर्डहलमा मंगलबार भएको खेलमा जनकपुर नाइट्सले विराटनगर ब्यान्डिट्सलाई ४०–३८ को स्कोरमा पराजित गरेको हो। जितसँगै जनकपुरले जारी प्रतियोगितामा तीन खेलबाट १५ अंक जोड्दै शीर्ष स्थानमा उक्लिएको छ।&nbsp; पहिलो हाफ सकिदा जनकपुर २२–१५ अंकले पछि परेको थियो। तर, दोस्रो हाफमा शानदार पुनरागमन गर्दै रोमाञ्चक जित हासिल गर्यो।&nbsp; एनकेएलको पहिलो सिजनमा विराटनगर ब्यान्डिट्स, जनकपुर नाइट्स, काठमाडौं माभरिक्स, पोखरा लेकर्स, हिमालयन रेइडर्स र धनगढी वाइल्डक्याट्स सहभागि छन्।&nbsp; राउन्ड रोबिन लिगको शीर्ष चारमा रहने टिम नकआउट चरणमा प्रवेश गर्नेछन्, जहाँ इलिमिनेटर र क्वालिफायर खेल्दै फाइनल खेल्ने दुई टिमको टुंगो लाग्नेछ।

जनकपुरको विजयी यात्रा जारी

काठमाडौं। सुस्मा तामाङको ह्याट्रिकमा वालिङ नगरपालिकाले एन्फा महिला लिगअन्तर्गत अन्तिम चरणको खेलमा पहिलो जित हासिल गरेको छ। सातदोबाटोस्थित एन्फा कम्प्लेक्समा मंगबार सम्पन्न खेलमा वालिङले प्लेअफमा पुगिसकेको बागमती युथ क्लबलाई ३–१ ले पराजित गरेको हो।&nbsp; खेलको ४३औं मिनेटमा साहारा लिम्बूको गोलमार्फत बागमतीले सुरुआती अग्रता लिएको थियो। तर, उक्त अग्रता जोगाउन सकेन। सुस्माले ५६, ६८ र ८५औं मिनेटमा गोल गर्दै वालिङले पहिलो जित दिलाइन्। जितसँगै वालिङले तीन अंकको साथ प्रतियोगिताको अन्त्य गर्यो।&nbsp; पाँच टोली सहभागी यस लिगमा बागमती चौथो हुँदै यसअघि नै इलिमिनेटरमा प्रवेश गरिसकेको थियो। बागमतीले आठ खेलबाट चार अंक बटुल्यो। वालिङ भने तीन अंकसहित प्रतियोगिताबाट बाहिरियो।

सुस्माको ह्याट्रिकमा वालिङको पहिलो जित

काठमाडौ। काठमाडौं लेकर्सले केबी साम नेपाल कबड्डी लिग (एनकेएल) मा दोस्रो जित हासिल गरेको छ। त्रिपुरेश्वरस्थित राखेपको कभर्डहलमा मगलबार भएको&nbsp;दिनको पहिलो खेलमा काठमाडौंले हिमालयन रेडर्सलाई ५६-३४ को स्कोरमा पराजित गरेको&nbsp;हो। जितसँगै काठमाडौले जारी प्रतियाेगितामा तीन खेलबाट ११ अंक जोड्दै शीर्ष स्थानमा उक्लिएकाे छ। पराजित हिमालयनको समान खेलबाट पाँच अंक छ। खेलमा सुरुआती समयदेखिनै अग्रता बनाएको काठमाडौं खेलको पाँचौँ मिनेटमा हिमालयनलाई अल आउट गरेको थियो। काठमाडौँले ९–२ को अग्रता बनायो। त्यपछि खेलको ११औँ मिनेटमा पुन: हिमालयन अल आउट हुँदै २१–६ ले स्कोर सुम्पियो। पुन: ३२–१० को स्कोरमा तेस्रोपटक १७औँ मिनेटमा हिमालयन अलआउट भयो। काठमाडौं पहिलो हाफमा ३६–१३ को फराकिलो स्कोर बनाएको थियो।&nbsp;

काठमाडौं लेकर्सको दोस्रो जित

काठमाडौं । नेपाल क्रिकेट संघ (क्यान) ले राष्ट्रिय टोलीका लेगस्पिनर सन्दीप लामिछानेलाई एक खेलको प्रतिबन्ध लगाएको छ। आचारसंहिता विपरीत कार्य गरेको भन्दै उनलाई क्यानले गर्ने कुनै पनि प्रतियोगिताको एक खेलका लागि कारबाही गरिएको हो। गत साता जनकपुर र वीरगन्जमा सम्पन्न जय ट्रफी मेन्स इलिट कपका दौरान अम्पायरको निर्णयमा चित्त नबुझको भन्दै सन्दीपले सामाजिक सञ्चालमार्फत आक्रोश पोखेका थिए। सन्दीपले पुस २६ गते सामाजिक सञ्जालमा नेपाली अम्पायरको स्तरमा सुधार हुनुपर्ने उल्लेख गर्दै अम्पायरको गलत निर्णयले धेरै खेलाडीलाई असर पुग्ने बताएका थिए। उक्त खेलका क्रममा उनी अम्पायरसँग वहषमा पनि उत्रिएका थिए।&nbsp; आर्मीविरुद्ध चाँडै खेल सकिएको घोषणा गरेको भन्दै सन्दीपले मैदानमै पनि अम्पायरसँग बहस गरेका हुन्। क्यानको खेलाडीसँगको केन्द्रीय वार्षिक सम्झौताअनुसार २.७ मा क्यानविरुद्ध खेलाडीले कुनै पनि कुरा सामाजिक सञ्जालमा लेख्न नपाउने उल्लेख गरिएको छ। सोही अनुरूप उनलाई कारबाही गरेको क्यानले जनाएको हो।

सन्दीपलाई एक खेलको प्रतिबन्ध

काठमाडौँ । बिराटनगर ब्यान्डिट्स पहिलो संस्करणको नेपाल कबड्डी लिग (एनकेएल)मा विजयी सुरुआत गरेको छ। त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा शनिबार भएको दिनको पहिलो खेलमा बिराटनगरले धनगढी वाइल्डक्याट्सलाई ४६–३४ ले पराजित गरेको हो। जितसँगै बिराटनगरले पाँच अंक जोडेको छ। बिराटनगरले खेलको सुरुआतदेखि नै अग्रता लिएको थियो। धनगढी पहिलो हाफमै दुईपटक अलआउट भएको थियो। सात मिनेटमै ११–६ हुँदा धनगढी पहिलोपटक अलआउट भयो। त्यसपछि २३–१४ मा पुन धनगढी अलआउट भयो। पहिलो हाफमा २४–१६ को अग्रता बनाएको बिराटनगरले खेलमा आफ्नो अग्रता फरकिलो बनाउँदै अघि बढ्दै खेलमा ४६–३४ को फारकिलो जित हासिल गर्यो। यसैगरी आजै हुने दोस्रो खेलमा हिमालयन रेइडर्स र जनकपुर नाइट्सको भिड्ने छन्।

एनकेएलमा बिराटनगर ब्यान्डिट्सको विजयी सुरुआत

काठमाडौँ । एन्फा राष्ट्रिय महिला लिगको‌ अन्तिम‌ चरणको खेलमा विभागीय टोली नेपाल पुलिस क्लब बागमती युथ क्लबसँग बराबरीमा रोकिएको छ। सातदोबाटोस्थित एन्फा कम्प्लेक्समा शनिवार सम्पन्न खेलमा बागमती र पुलिस गोलरहित बराबरीमा राेकिएका हुन्।&nbsp; यो नतिजासँगै जारी लिजमा पुलिस ११ अंकका साथ तेस्रो स्थानमा कायमै छ। यता, बागमती ४ अंकका साथ चौथो स्थानमा छ। एपिएफ १८ अंकका साथ शीर्ष स्थानमा। १३ अंकसहित आर्मी दोस्रो स्थानमा छ।&nbsp;

एन्फा महिला : पुलिस बराबरीमा रोकियो

काठमाडौँ । आइसिसी महिला यु–१९ टी–२० विश्वकपको आफ्नो पहिलो खेलमा नेपाल बंगलादेशसँग पाँच विकेटले पराजित भएको छ। नेपालले दिएको ५३ रनको लक्ष्य बंगलादेशले १३.२ ओभरमा ५ विकट गुमाउँदै पूरा गर्यो। बंगलादेशको लागि सादिया इस्लामले सर्वाधिक १६ रन बनाउँदा आफिया आसिमा इरान ९, कप्तान सौमिया अत्केरीले १२ रनको योगदान दिइन्।&nbsp; यता बलिङतर्फ नेपालको लागि रचना चौधरी, रिया शर्मा, सीमाना केसी र पूजा मतोले समान एक एक विकेट लिइन्। त्यसअघि मलेसियाको बांगीमा टस हारेर ब्याटिङको निम्तो पाएको नेपालले १८.२ ओभरमा अल आउट हुँदै ५२ रन बनाएको थियो। नेपालका लागि ओपनर साना प्रविनले सर्वाधिक १९ रन जोडिन्। सिमाना केसीले १० रन बनाउँदा अन्य नेपाली ब्याटरले दोहोरो अंकमा रन जोड्न सकेनन्।बंगलादेशका जनाथन माओलाले २ तथा अनिसा सोवा, फोयोमोदी चोया र निशीता अख्तरले समान १ विकेट लिए।&nbsp; जितसँगै बंगलादेश समूह डी को दोस्रो स्थानमा छ। पराजित नेपाल समूहको तेस्रो स्थानमा छ।

नेपाल बंगलादेशसँग पाँच विकेटले पराजित

काठमाडौँ । आइसीसी महिला यू–१९ टी–२० क्रिकेट विश्वकप अन्तर्गत नेपालले आज पहिलो खेल खेल्दै छ।&nbsp; युकेएम क्रिकेट ओभल, बाँगी, मलेसियामा हुने यो खेल नेपाली समय अनुसार बिहान १२:१५ बजेदेखि शुरु हुने छ। विश्वकपमा नेपाल समुह डी मा रहेको छ। समुह डी मा नेपालसहित अस्ट्रेलिया, बंगलादेश र स्कटल्याण्ड रहेका छन्। नेपालले पहिलो खेल आज बंगलादेशसँग खेल्दै छ भने दोस्रो खेल जनवरी २० मा स्कटल्याण्डसँग खेल्दै छ। त्यस्तै तेस्रो खेल जनवरी २२ मा अस्ट्रेलियासँग खेल्ने तालिका रहेका छन्। मलेसियामा जनवरी १८ देखि शुरु हुने यस विश्वकपमा १६ देशले भाग लिदै छन्। विश्वकप खेल्न पुजा महतोको कप्तानीमा १५ सदस्यीय टिम मलेसिया पुगेको छ। &nbsp; नेपाली टिम&nbsp; पुजा महतो ९कप्तान०, सोनी पाख्रिन ९उपकप्तान० साना प्रविन, ज्योत्सनिका मारसिनी, कुसुम गोदार, अलिशा कुमारी यादव, सावित्री धामी, क्रिश्मा गुरुङ, त्रिसना विक, किरण कुमारी कुनवार, रिया शर्मा, रचना चौधरी, सीमा केसी, स्नेहा महरा र अनु कडायत रहेका छन्।

आइसिसी महिला यु–१९ विश्वकप : नेपालले बंगलादेशसँगको सामना गर्दै

काठमाडौं माभरिक्सले नेपाल कबड्डी लिग (एनकेएल) मा विजयी सुरुआत गरेको छ।&nbsp; त्रिपुरेश्वरस्थित दशरथ रंगशालामा शुक्रबार सम्पन्न उद्घाटन खेलमा काठमाडौंले पोखरा लेकर्सलाई ४२–४१ ले पराजित गरेको हो।&nbsp; काठमाडौंले खेलको सुरुआतदेखि नै अग्रता लिएको थियो। तर, एक समय पोखरा कमब्याक गर्दै ६–८ को स्थितिमा फर्कियो। तर, काठमाडौंका कप्तान तथा घनश्याम रोक्कामगरले सुपर ट्याकल गरेसँगै पोखरासँग काठमाडौंले अग्रता दोब्बर बनायो। पोखरा खेलको १०औं मिनेट नबित्दै अलआउट भएको थियो। &nbsp;पहिलो हाफमै पोखरा दुईपल्ट अलआउट हुन पुग्यो। योसँगै काठमाडौं पहिलो हाफमा १४–२५ को फराकिलो अग्रता लिन सफल भयो।&nbsp; दोस्रो हाफको मध्यतिर भने पोखरा खेलमा पुनरागमन गर्‍यो। खेल सकिन अन्तिम ६ मिनेट बाँकी रहँदा पोखरा ३२–३६ को स्थितिमा आइपुग्यो। सोही समय कप्तान घनश्यामलाई पोखराले सहजै रोक्यो। लगत्तै पोखराका रोहन श्रेष्ठले आफ्नो रेडमा तीन जनालाई आउट गर्दै खेल ३६–३६ को स्थितिमा ल्याए। त्यसपछि पोखराले काठमाडौंमाथि निरन्तर दबाबमा राख्दै खेल ४०–३८ को स्थितिमा ल्यायो। यद्यपि, घनश्यामले आफ्नो अनुभव कोर्टमा खन्याउँदै अन्तिम दुई मिनेट बाँकी रहँदा तीन खेलाडीलाई रेडमा आउट गर्दै काठमाडौंलाई पुनरागमन गराए।&nbsp; जितसँगै काठमाडौंले पाँच अंक जोडेको छ।

नेपाल कबड्डी लिग : काठमाडौं माभरिक्सको विजयी सुरुआत

काठमाडौं। विभागीय टोली एपिएफ क्लबले एन्फा राष्ट्रिय महिला लिगअन्तर्गत दोस्रो चरणमा वालिङ नगरपालिकामाथि फराकिलो जित हासिल गरेको छ।&nbsp; सातदोबाटोस्थित एन्फा कम्प्लेक्समा सम्पन्न खेलमा एपिएफले वालिङलाई १०–० ले पराजित गरेको हो। सअघि एपिएफले वालिङलाई नै ९–० ले हराएको थियो। योसँगै वालिङले फाइनल चरणमै एपिएफबाट १९ गोल खाएको छ। एपिएफको जितमा सरु लिम्बू र सविता रानामगरले समान दुई तथा प्रीति राई र रेनुका नगरकोटेले समान एक गोल गरे।&nbsp; लगातार छैटौं जितसँगै शीर्षस्थानको एपिएफले ६ खेलमा १८ अंक पुर्‍याएको छ। वालिङ अंकविहीन छ। एपिएफलाई जित दिलाउन रश्मिकुमारी घिसिङले चार गोल गरिन्। <div> </div>

वालिङको पोस्टमा एपिएफको १० गोल

काठमाडौं । पाँचाे संस्करणकाे टाइगर कप पुरुष तथा महिला भलिबल च्याम्पियनको विजेताले ५ लाख ८५ हजार ५५५ पाउने भएका छन्। उपविजेता २ लाख ८५ हजार ५५५ तथा तेस्रो हुनेले १ लाख ८५ हजार ५५५ पाउनेछन्। काठमाडौंमा शुक्रबार पत्रकार सम्मेलनमार्फत आयोजक टाइगर गुप्र अफ पोखराले प्रतियोगिताको बारेमा जानकारी दिएको हो।&nbsp; यस्तै प्रतियोगितामा १२ टोलीको सहभागिता रहने भएकाे छ। माघ १२ गतेदेखि १९ गतेसम्म हुने प्रतियोगितामा दुवैतर्फ तीन विभागीय र एक विदेशी टोलीको सहभागिता रहनेछ। प्रतियोगितामा पुरुषतर्फ हेल्प नेपाल स्पोर्टस क्लब,&nbsp; गण्डकी प्रदेश भलिबल संघ, सुनिल भलिबल क्लब अमीन भारत, नेपाल पुलिस क्लब, त्रिभुवन आर्मी क्लब र एपिएफ क्लबले प्रतिस्पर्धा गर्नेछन्।यस्तै, महिलातर्फ एपिएफ क्लब, न्यु डायमन्ड स्पोर्टस क्लब, त्रिभुवन आर्मी क्लब, नेपाल पुलिस क्लब, आयोजक टाइगर ग्रुप र थाइल्यान्डको ट्राभल इन्क्वारी &nbsp;युनाइटेड प्यासन भलिबल क्लबको सहभागिता रहनेछ। प्रतियोगितामा विधागततर्फ सर्वोत्कृष्ट खेलाडी २५ हजार ७७७, उत्कृष्ट सर्भर १० हजार ५५५, उत्कृष्ट सेटर, उत्कृष्ट लिब्रो, उत्कृष्ट स्पाइकर र उत्कृष्ट कोचले समान १० हजार ५५५ पाउनेछन्। यस्तै, प्रतियोगिता सञ्चालनका लागि करिब एक करोड २५ लाख खर्च हुने अनुमान गरेको आयोजकले जनाएको छ। प्रतियोगिताको मुख्य प्रायोजकमा एनसेएल रहेको छ।

टाइगर कप माघ १२ देखि, विजेताले ५ लाख ८५ हजार ५५५ पाउने

काठमाडौ। पुन: शीर्ष डिभिजिनमा उक्लने लक्ष्य बुनेको सरस्वती युथ क्लब, कोटेश्वरले ‘बी’ डिभिजन लिगको तयारी थालेको छ। अखिल नेपाल फुटबल संघ (एन्फा) को आयोजना हुने लिग आगामी फागुन २५ गतेदेखि सुरु हुने तय छ। सरस्वती २०७६ सालमा रेलिगेसनमा पर्दै शीर्ष डिभिजनबाट घटुवा भएको थियो। २०७८ सालमा सिंगल राउन्ड रोबिनमा भएको ‘बी’ डिभिजन लिगमा सहभागिता जनाए पनि सरस्वती छैटौं स्थानबाट माथि उक्लिन सकेन।&nbsp; यसपल्ट शीर्ष दुईमा अटाउने लक्ष्य बोकेको सरस्वतीले बिहीबार कागेश्वरी मनोहरा ७, थापा गाउँस्थित अमरसिंह क्लब सोमतिर्थ खेल मैदानमा खुला छनोटमार्फत पहिलो चरणमा करिब ३० खेलाडी छनोट गरेको छ। सरस्वतीका टेक्निकल स्टाफ तथा फुटबल विश्लेषक नसिम सुल्तानका अनुसार एक सातासम्म चलेको छनोट प्रक्रियामा यी खेलाडी छनोट भएका हुन्। ‘हामीले करिब एक साताको प्रशिक्षणबाट धेरै सम्भावनाशील खेलाडीहरू पाएका छौं। अब दुई दिनको ब्रेकपछि अन्तिम चरणको बन्द प्रशिक्षणमा जानेछौं। यो प्रशिक्षणपछि बी डिभिजनको तयारीका लागि काठमाडौं उपत्यका बाहिर मोफसलका प्रतियोगितामा पनि सहभागी हुने योजना छ,’ उनले भने। पहिलो दिन क्लबले भक्तपुरको रोयल नेपाल फुटसल, दिव्यश्वरी (प्लानिङ) मा फिटनेस, स्पीडलगायत अन्य शारीरिक प्रशिक्षण सत्र सञ्चालन भएको थियो। त्यसपछि सोमतिर्थ खेल मैदानमा ६ दिनसम्म १५ देखि २८ वर्ष उमेर समूहका खेलाडीहरूको प्रशिक्षण लिइएको हो। दोस्रो दिनको प्रशिक्षणमा टेक्निकल टेस्ट, ट्याक्टिकल र गेम मोडल समावेश गरिएको थियो। पहिलो चरणमा १०० भन्दा बढी खेलाडीहरूले आफ्नो नाम दर्ता गराएका थिए। टेक्निकल स्टाफ असीम अर्यालले सानोदेखि केही अनुभवी उमेर समूहका खेलाडीले पहिलो चरणको छनोटमा उत्साहजनक सहभागिता जनाएको बताए। उनी पाना नेपालका संस्थापक तथा स्ट्रिट फुटबलका ‘थ्री भी थ्री’ प्रशिक्षक पनि हुन्। ‘हामीले नयाँ टिम हुँदा पनि राम्रोसँग काम गर्न पाएका छौं। अहिले पहिलो चरणको छनोट सकिएको छ। अब दोस्रो चरणमा केही खेलाडी घटाएर पूर्ण रुपमा बी डिभिजन लिगमा केन्द्रित हुन्छौं,’ उनले भने। यस्तै, सरस्वती क्लबका अध्यक्ष तथा नेपाली राष्ट्रिय फुटबल टोलीका पूर्वम्यानेजर उत्तमराज भण्डारीले प्रि–सिजनका लागि मोफसलका प्रतियोगितामा सहभागी हुने बताए। ‘यो सरस्वती क्लबको ट्यालेन्ट डेभलप्मेन्ट प्रोग्रामको एउटा क्षेत्र हो। आगामी दिनमा यस्तै अन्य कार्यक्रम पनि क्लबले गर्नेछ,’ उनले भने।

सरस्वतीले थाल्यो ‘बी’ डिभिजनको तयारी, पहिलो चरणको छनोट सम्पन्न

काठमाडौं । अतिरिक्त समयमा सेल्टा भिगोलाई हराउँदै रियल मड्रिड कोपा डेल रेको क्वार्टरफाइनलमा प्रवेश गरेको छ। बिहीबार रियालको घरेलु मैदान स्यान्टियागो बर्नाबेउमा भएको खेलमा रियल ५–२ गोल अन्तरले विजयी भयो।दुवै टोलीले निर्धारित समयमा २–२ गोल गरेपछि खेल अतिरिक्त समयमा धकेलिएको थियो। रियालका लागि एन्ड्रिकले दुई तथा किलियन एमबाप्पे, भिनिसियस जुनियर र फेडेरिको भाल्भर्डेले समान एक गोल गरे। सेल्टा भिगोेका लागि जोनाथन बम्बा र मार्कस अलन्सोले गोल गरे। खेलको ३७औं मिनेटमा एमबाप्पेको गोलमार्फत रियालले अग्रता लिएको थियो। ४८औं मिनेटमा भिनिसियसले टोलीको अग्रता दोब्बर बनाए। बिहीबारै सम्पन्न अन्य खेलमा रियल सोसिडाडले रायो भायकोनोविरुद्ध ३–१ र ओसुनाले एथलेटिक्स क्लब बिल्बाओविरुद्ध ३–२ को जित निकाल्दै क्वार्टरफाइनलको यात्रा तय गरेका छन्।

रियल क्वाटरफाइनलमा

काठमाडौँ । अमान्ड डियालोको सानदार प्रदर्शनप्रेरित म्यानचेस्टर युनाइटेडले इङ्लिस प्रिमियर लिगमा बिहीबार साउथह्याम्पटनमाथि पुनरागमन जित हासिल गरेको छ। घरेलु मैदान ओल्ड ट्राफोर्डमा युनाइटेडको जितमा डियालोले ह्याट्रिक गरे। साउथह्याम्पटनले एक गोल उपहारस्वरुप प्राप्त गरेको थियो। खेलको ४२औं मिनेटमा म्यानुएल उगार्टेबाट आत्मघाती गोल हुन पुग्दा साथह्म्पटनले अग्रता लिएको थियो। तर, खेलको अन्त्यतिर डाइगोल चम्किँदा युनाइटेड विजयी भयो। डियालोले ८२ र ९०औं मिनेट तथा इन्जुरी समयमा गोल गर्दै ह्याट्रिक पूरा गरे। बिहीबारै सम्पन्न अर्को खेलमा ब्राइटनले इप्सवीच टाउनमाथि २–० को जित दर्ता गर्यो। जितसँगै २१ खेलमा २६ अंक जोडेको युनाइटेड १२औं स्थानमा छ। यता, पराजित साउथह्याम्पटन समान खेलबाट ६ अंकसहित पुछारमा छ।

Nepal Sports

MENU

FOOTBALL LEAGUE

FAVORITE CLUB

पुलिसको जितमा नवीन र समीरको ह्याट्रिक

📰 Recent News