काठमाडौं। तीन खेलको प्रतिबन्धपछि मैदान फर्किएकी स्ट्राइकर मोसम्मत सागोरिकाको सानदार प्रदर्शनमा नेपाललाई हराउँदै बंगलादेशले उपाधि उचालेको छ।

बंगलादेशको ढाकामा सोमबार सम्पन्न लिग चरणको अन्तिम खेलमा नेपाललाई ४-० ले हराउँदै बंगलादेश अपराजित रहँदै उपाधि जितेको हो।

बंगलादेशको जितमा सागोरिका एक्लैले चार गोल गरिन्। 

पहिलो हाफमा १-० ले अग्रता बनाएको बंगलादेशले दोस्रो हाफमा थप तीन गोल गर्न सफल भयो।

जितसँगै ६ खेलमा १८ अंक जोड्दै बंगलादेश च्याम्पियन बनेको हो। समान खेलमा १२ अंकसहित नेपाल उपविजेतामा सिमित बन्यो।