काठमाडौं। अखिल नेपाल फुटबल संघ (एन्फा) ले शहीद स्मारक एन्फा महिला लिगको तालिका सार्वजनिक गरेको छ। तालिका अनुसार प्रतियोगिता चैत ४ गते देखि ललितपुरको च्यासल रंगशालामा सुरु हुनेछ। उद्घाटन खेलमा न्यू रोड टिम र संकटा एफसी बिहान ११ बजे भिड्नेछन्। यस्तै दोस्रो खेलमा त्रिभुवन आर्मी एफसी र झापा एफसी बीच दिउँसो ३ बजे प्रतिस्पर्धा हुनेछ। लिगमा न्यू रोड टिम, त्रिभुवन आर्मी एफसी, बागमती युथ क्लब, नेपाल पुलिस क्लब, राप्ती एफसी, एपीएफ एफसी, चर्च ब्वाइज युनाइटेड, आरएस पोखरा, झापा एफसी र संकटा एफसी गरी १० टोली सहभागी छन्। प्रतियोगिताका सबै खेल च्यासल मैदानमै हुनेछन्।<img src="https://app.nepalsportz.com/media/django-summernote/2026-03-12/46716d4b-2790-4fab-8c1d-3c46754708b3.jpeg" style="width: 698px;"> <img src="https://app.nepalsportz.com/media/django-summernote/2026-03-12/4dc6d825-6fdc-4753-b909-e2f35d7cf5c8.jpeg" style="width: 698px;">

एन्फा महिला लिग : उद्घाटन खेलमा एनआरटी र संकटा भिड्ने

काठमाडौं। एन्फा राष्ट्रिय लिगअन्तर्गत चर्च ब्वाइज युनाइटेडले काक्रेबिहार क्लबमाथि कठिन जित हात पारेको छ। सातदोबाटोस्थित एन्फा कम्प्लेक्समा बिहीबार सम्पन्न खेलमा चर्च ब्वाइजले काक्रेबिहारलाई २–१ गोलअन्तरले पराजित गरेको हो। चर्च ब्वाइजको जितमा रिचर्ड कोफी जुनियर विल्सनले दुई गोल गरे। काक्रेबिहारका लागि सुदेन विक्रम सिंह विश्वकर्माले एक गोल फर्काए। रिचर्डले खेलको सातौँ र ३९औँ मिनेटमा गोल गर्दै पहिलो हाफमै चर्च ब्वाइजलाई २–० को अग्रता दिलाएका थिए। दोस्रो हाफको ६६औँ मिनेटमा सुदेनले गोल गर्दै काक्रेबिहारलाई २–१ को अवस्थामा ल्याए। त्यसपछि बाँकी समयमा दुवै टोलीबाट थप गोल हुन नसक्दा चर्च ब्वाइज विजयी भयो। यस जितसँगै चर्च ब्वाइज ९ खेलबाट २२ अंकसहित तालिकाको दोस्रो स्थानमा उक्लिएको छ। समान खेलबाट १ अंक मात्र जोडेको काक्रेबिहार भने तालिकाको पुछारबाट दोस्रो स्थानमा रहेको छ।

काक्रेबिहारमाथि चर्च ब्वाइजको जित

काठमाडौं। अखिल नेपाल फुटबल संघद्वारा सञ्चालन भइरहेको एन्फा राष्ट्रिय लिग अन्तर्गत आज तीन खेल हुँदैछन्। दुई खेल त्रिपुरेश्वरस्थित दशरथ रंगशालामा हुनेछन् भने एक खेल सातदोबाटोस्थित एन्फा कम्प्लेक्समा आयोजना गरिनेछ। दिनको पहिलो खेल बिहान १० बजे एन्फा कम्प्लेक्स सातदोबाटोमा हुनेछ। उक्त खेलमा चर्च ब्वाइज युनाइटेड क्लब र कर्णाली प्रदेशको काक्रेबिहार युथ क्लब आमनेसामने हुनेछन्। त्यसपछि दिउँसो २ बजे दशरथ रंगशालामा संकटा फुटबल क्लब र श्री भगवती क्लबबीच प्रतिस्पर्धा हुनेछ। दिनको अन्तिम खेल साँझ ६ बजे दशरथ रंगशालामै हुनेछ, जहाँ विभागीय डर्बीमा नेपाल पुलिस क्लब र त्रिभुवन आर्मी फुटबल क्लब आमनेसामने हुनेछन्।

राष्ट्रिय लिगमा आज तीन रोमाञ्चक खेल हुँदै

रियल म्याड्रिडले युरोपेली च्याम्पियन्स लिगको अन्तिम १६ को पहिलो लेगमा बुधबार म्यानचेस्टर सिटीलाई ३–० ले पराजित गरेको छ र प्रतियोगिताको लिग चरणमा सिटीसँग बेहारेको हारको बदला पनि लिएको छ । त्यसमा फेडरिक भाल्भेरडेको ह्याट्रिक गरे । युरोपेली क्लब फुटबलको सबैभन्दा ठूलो प्रतियोगितामा इंग्लिस प्रिमियर लिग टिमको खराव प्रदर्शन फेरि कायम रह्यो । यसक्रममा डिफेन्डिङ च्याम्पियन पेरिस सेन्ट जर्मेन (पीएसजी) ले पनि चेल्सीमाथि प्रभावशाली ५–२ को जित रच्यो । आर्सनलले आफ्नो अपराजित याक्रा कायम राख्ने त्रममा बायर लेभरकुजनलाई १–१ को बराबरीमा रोक्यो । आर्सनललाई हारबाट जोगाउन काइ हाभरटेजले ८९ औं मिनेटमा पेनाल्टीबाट बराबरी गोल गरेका हुन् । बोडो/गिल्म्टले आफ्नो अविश्वसनइि याक्रा कायम राख्ने त्रममा स्पोर्टिङ लिस्वनलाई ३–० ले हरायो ।

सिटीमाथि रियलको मीठो बदला

काठमाडौं। एन्फा राष्ट्रिय लिग अन्तर्गत बुधबार सम्पन्न खेलमा सातदोबाटो युथ क्लबले अन्तिम समयमा गोल गर्दै जावलाखेल युथ क्लबसँग बराबरी खेलेको छ। सातदोबाटोस्थित एन्फा कम्प्लेक्समा भएको दिनको दोस्रो खेलमा जावलाखेल र सातदोबाटोले १–१ गोलको बराबरी गर्दै अंक बाँडेका हुन्। खेलको २२औँ मिनेटमा बुबाकार सिसोखोको गोलबाट जावलाखेलले अग्रता लिएको थियो। पहिलो हाफमा अग्रता बनाएको जावलाखेलले खेलको अन्तिम समयसम्म त्यो अग्रता जोगाइराखे पनि इन्जुरी समयमा सम्हालिन सकेन। इन्जुरी समयमा जगजित श्रेष्ठले सुन्दर गोल गर्दै सातदोबाटोलाई हारबाट जोगाएका थिए। यो नतिजासँगै दुवै टोलीले एक–एक अंक बाँडेका छन्।

जगजित श्रेष्ठको गोलमा सातदोबाटो हारबाट जोगियो

काठमाडौं। अन्तर्राष्ट्रिय क्रिकेट परिषद् (आईसीसी) ले टी–२० विश्वकपको पुरस्कार रकम सार्वजनिक गरेको छ। कुल १ करोड १२ लाख ५० हजार अमेरिकी डलर खेलाडी पुरस्कार रकममध्ये नेपालले २ लाख ५६ हजार १५४ अमेरिकी डलर प्राप्त गरेको छ। हालको विनिमयदर अनुसार यो रकम करिब ३ करोड ७७ लाख रुपैयाँ बराबर हुन्छ। परिषद्ले सार्वजनिक गरेको विवरण अनुसार भारतले सबैभन्दा धेरै २६ लाख ३९ हजार ४२३ अमेरिकी डलर प्राप्त गरेको छ। दोस्रो स्थानमा रहेको न्युजिल्याण्डले १४ लाख २२ हजार ६०२ अमेरिकी डलर पाउँदा दक्षिण अफ्रिकाले १० लाख ५ हजार ५७७ अमेरिकी डलर पाएको छ। त्यस्तै इङ्ग्ल्यान्डले ९ लाख ७४ हजार ४२३, वेस्ट इन्डिजले ५ लाख ३८ हजार २६९, पाकिस्तानले ५ लाख २२ हजार ६९२ र जिम्बाब्वेले ४ लाख ९१ हजार ५३८ अमेरिकी डलर पुरस्कार प्राप्त गरेका छन्। नेपालसँगै इटाली, नेदरल्याण्ड्स र संयुक्त अरब इमिरेट्सले समान २ लाख ५६ हजार १५४ अमेरिकी डलर प्राप्त गरेका हुन्। परिषद्का अनुसार सन् २०२४ मा गरिएको पुरस्कार रकम वृद्धिलाई निरन्तरता दिँदै यसपटक कुल पुरस्कार रकम १ करोड १२ लाख ५० हजार अमेरिकी डलर पुर्‍याइएको हो।

टी–२० विश्वकप: एक खेल जितेको नेपाललाई करिब ३ करोड ७७ लाख रुपैयाँ पुरस्कार

काठमाडौं। साफ २० वर्षमुनि च्याम्पियनसिपमा नेपालले आफ्नाे पहिलाे खेल भुटानसँग खेल्ने भएकाे छ। दक्षिण एसियाली फुटबल महासंघले सार्वजनिक गरेको खेल तालिकाअनुसार नेपालले चैत १० गते भुटानसँग खेल्दै प्रतियोगिताको सुरुआत गर्नेछ। माल्दिभ्सको राजधानी मालेस्थित राष्ट्रिय रंगशालामा चैत १० देखि चैत २१ गतेसम्म प्रतियोगिता सञ्चालन हुनेछ। नेपाल अघिल्लो संस्करणको उपविजेता टोली हो। सन् २०२४ मा नेपालमै भएको फाइनलमा बंगलादेशसँग ४–१ ले पराजित हुँदै नेपाल उपाधिबाट वञ्चित भएको थियो। त्यही टोली सम्हालेका उर्जन श्रेष्ठ यसपटक पनि मुख्य प्रशिक्षकको भूमिकामा छन्। नेपालले धर्बेन्द्र कुँवरको कप्तानीमा प्रतियोगिता खेल्नेछ।&nbsp; नेपाल समूह ‘क’ मा रहेको छ। यस समूहमा आयोजक माल्दिभ्स, श्रीलंका र भुटान रहेका छन्। नेपालले दोस्रो खेल चैत १२ गते श्रीलंकासँग खेल्नेछ भने समूह चरणको अन्तिम खेल चैत १४ गते माल्दिभ्ससँग हुनेछ। समूह ‘ख’ मा बंगलादेश, भारत र पाकिस्तान रहेका छन्। समूह चरणपछि दुवै समूहका शीर्ष दुई टोली सेमिफाइनलमा प्रवेश गर्नेछन्।

साफ २० वर्षमुनि च्याम्पियनसिप: नेपालको पहिलो खेल भुटानसँग

काठमाडौं। एन्फा राष्ट्रिय लिगअन्तर्गत न्युरोड टिम (एनआरटी) अन्तिम समयमा अग्रता जोगाउन नसक्दा अंक बाँड्न बाध्य भएको छ। सातदोबाटोस्थित एन्फा कम्प्लेक्समा बुधबार सम्पन्न खेलमा एनआरटी लालीगुराँस एसोसिएसन क्लबसँग १–१ गोलको बराबरीमा रोकिएको हो। खेलको २६औँ मिनेटमा कप्तान अञ्जन विष्टले गोल गर्दै एनआरटीलाई पहिलो हाफमै अग्रता दिलाएका थिए। तर निर्धारित समयको अन्तिम मिनेटमा आशिष गुरुङले गोल फर्काउँदै लालीगुराँसलाई १–१ को बराबरीमा ल्याए। यो बराबरीसँगै एनआरटी १९ अंकसहित सातौँ स्थानमा रहेको छ भने समान खेलबाट लालीगुराँस २० अंकसहित तेस्रो स्थानमा उक्लिएको छ।

अग्रता जोगाउन नसक्दा एनआरटी अंक बाँड्न बाध्य

काठमाडौं। एन्फा राष्ट्रिय लिग अन्तर्गत आज पनि दुई खेल आयोजना हुँदैछन्। सातदोबाटोस्थित एन्फा कम्प्लेक्समा हुने पहिलो खेलमा न्यूरोड टिम (एनआरटी) ले लालीगुँरास एसोसिएसन क्लबसँग खेल्नेछ। यो खेल दिउँसो १२स्१५ बजेबाट सुरु हुनेछ। जारी लिगमा ९ खेल खेलेको लालीगुँरासको १९ अंक रहेको छ भने समान ९ खेल खेलेको एनआरटीको १८ अंक रहेको छ। दुवै टोली जित निकाल्दै तालिकामा आफ्नो स्थान मजबुत बनाउने लक्ष्यमा रहनेछन्। आजै हुने दोस्रो खेलमा दिउँसो ४ बजे जावलाखेल युथ क्लब र सातदोबाटो युथ क्लब आमनेसामने हुनेछन्। जारी लिगमा ८ खेल खेलेको जावलाखेलको ९ अंक रहेको छ। यता ७ खेल खेलेको सातदोबाटो युथ क्लब ६ अंकसहित तालिकाको १५औँ स्थानमा रहेको छ।

राष्ट्रिय लिगमा आज दुई खेल हुँदै

इंग्लिस क्लबका लागि खराव सावित दिन बायर्न म्युनिक र एटलेटिको म्याड्रिडले युरोपेली च्याम्पियन्स लिग अन्तिम १६ को पहिलो लेगको खेलमा मंगलबार आफूलाई बलियो स्थितिमा राखेका छन् र अर्को चरण पुग्ने सम्भावना बलियो बनाएका छन् । बायर्नले एटलान्टालाई ६–१ ले सजिलै हरायो र त्यसमा माइकल ओलिसले दुई गोल गरे । जुलियन अल्भारेजको दुई गोलमा एटलेटिकाले भने टोटनहमलाई ५–२ ले पराजित गर्‍यो । यी जितले बायर्न र एटलेटिको दुवै अर्को चरण प्रवेशको नजिक रहे । <img src="https://app.nepalsportz.com/media/django-summernote/2026-03-11/e345ace1-53b1-4ebe-a534-ec7a2852760b.webp" style="width: 698px;"> यस्तै मारियो लेमिनको गोलमा गालातासारेले लिभरपुलमाथि १–० को जित निकाल्यो भने न्युकासल युनाइटेड र बार्सिलोनाले १–१ को बराबरी खेले । त्यसमा हार्भे बारनेसले न्युकासललाई अग्रता दिलाएपछि लामिन यामलले बार्सिलोनाका लागि बराबरी गोल गरे ।

बायर्न र एटलेटिको एक पाइला अगाडि

काठमाडौं। एन्फा राष्ट्रिय लिगमा मनाङ मर्स्याङ्दी क्लब र मच्छिन्द्रले एन्फा राष्ट्रिय लिगमा विजयी हासिल गरेका छन्। सातदोबाटोस्थित एन्फा कम्प्लेक्समा मंगलबार सम्पन्न पहिलो खेलमा मनाङले चित्लाङ एफसीलाई २-० ले पराजित गरेको हो। जारी प्रतियोगितामा मनाङको यो तेस्रो जित हो। लिगमा १० खेल खेलेको मनाङले १२ अंक जोडेको छ। चित्लाङ भने पाँचौं यो हार हो। समान खेलबाट चित्लाङको भने ९ खेलबाट ७ अंक छ। खेलको ४९औं मिनेटमा शैरभ तामाङको गोलमा मनाङले खेलमा अग्रता लियो। दोस्रो हाफको इन्जुरी समयमा सुमित मल्लले गोल गर्दै मनाङलाई २(० को सहज जित दिलाए। <img src="https://app.nepalsportz.com/media/django-summernote/2026-03-11/1ca47195-3a24-4a34-8c5c-ef1bc0b94b22.jpeg" style="width: 698px;"> यस्तै, दिनको दोस्रो खेलमा मच्छिन्द्रले नव जनजागृतिलाई ४-१ ले पराजित गरेको छ। मछिन्द्रलाई जित दिलाउन जोनाथन क्यान्टिलानाले ह्याट्रिक गरे। त्यस्तै एक गोल रेजिन सुब्बाको नाममा रह्यो।&nbsp; जितसँगै मछिन्द्र ९ खेलमा २१ अंक जोड्दै शीर्ष स्थानमा उक्लिएको हो। समान खेलमा जनजागृतिले अंक विहिन छ।

मनाङ र मच्छिन्द्र विजयी

काठमाडौं। अखिल नेपाल फुटबल संघ (एन्फा) र नेपाल फुटबल खेलाडी संघबीच आज भएको छलफलपछि एन्फा केन्द्रीय कार्यालयमा खेलाडी संघले गरेको तालाबन्दी खोलिएको छ। एन्फा महासचिव किरण राईको उपस्थितिमा एन्फा कम्प्लेक्स परिसरमा भएको छलफलपछि दुवै पक्षबीच सहिद स्मारक ‘ए’ डिभिजन लिग यही चैत ३० गतेबाट सुरु गर्ने सहमति भएको हो। छलफलमा खेलाडी अक्षय कोषमा जम्मा गर्नुपर्ने रकम एन्फाले जम्मा गर्ने प्रतिबद्धता जनाएको छ। साथै खेलाडीहरूको सेवा–सुविधासम्बन्धी अघिल्लो कार्यसमितिबाट निर्णय भई भुक्तानी हुन बाँकी रहेको पुरस्कार रकम पनि यही चैत महिनादेखि किस्ताबन्दीमा भुक्तानी गर्दै जाने सहमति भएको जनाइएको छ। छलफलमा एन्फा महासचिव राईसहित केन्द्रीय सदस्य पुरुषोत्तम थापा, प्रमुख कार्यकारी अधिकृत इन्द्रमान तुलाधर, कोषाध्यक्ष रविन्द्र जोशी र प्रवक्ता सुरेश शाह सहभागी हुनुभएको थियो। यस्तै, खेलाडी संघका प्रतिनिधिहरू पनि छलफलमा सहभागी भएका थिए। एन्फा र खेलाडी संघबीच भएको सहमतिबारे जानकारी दिन आयोजित पत्रकार सम्मेलनमा एन्फा प्रवक्ता शाह, प्रतियोगिता निर्देशक संजीव मिश्र, खेलाडी संघका अध्यक्ष विक्रम लामा तथा उपाध्यक्ष विकेश कुथु ले आफ्नो धारणा राखेका थियो।

एन्फा र खेलाडी संघबीच सहमति, तालाबन्दी खुल्यो

काठमाडौं। जय ट्रफी एलिट कप क्रिकेट प्रतियोगिताको फाइनल खेल चैत ३ गतेदेखि सञ्चालन हुने भएको छ। नेपाल क्रिकेट संघ (क्यान)ले सोमबार एक विज्ञप्ति जारी गर्दै फागुन ८ गतेदेखि काठमाडौंमा सञ्चालन भइरहेको दुई दिवसीय ढाँचाको प्रतियोगिताको फाइनल खेल भने तीन दिवसीय ढाँचामा हुने जनाएको छ। क्यानका अनुसार फाइनल खेल चैत ३ देखि ५ गतेसम्म मुलपानी क्रिकेट मैदानमा आयोजना हुनेछ। फाइनलमा विभागीय टोली नेपाल पुलिस क्लब र त्रिभुवन आर्मी क्लब उपाधिका लागि प्रतिस्पर्धा गर्नेछन्।

जय ट्रफीको फाइनल चैत ३ देखि मुलपानीमा

वेस्ट ह्यामले सोमबार ब्रेन्टफोर्डलाई टाइब्रेकरमा ५–३ ले पराजित गर्दै एफएकपको क्वाटरफाइनल यात्रा तय गरेको छ । वेस्ट ह्याम एफएकपको क्वाटरफाइनलमा पुगेको यो दस वर्षयता पहिलो पटक हो । लन्डन क्लब इंग्लिस प्रिमियर लिगमा भने रेलिगेसन दबाबबाट गुज्रिरहेको छ । निर्धारित समयको खेलमा २–२ को बराबरीमा टुंगेको थियो । त्यसमा वेस्ट ह्यामका लागि जारोड बावेनले दुई गोल गरे । ब्रेन्टफोर्डका लागि पनि थिएगोले दुई गोल गरेका हुन् । पेनाल्टी सुटआउटमा ब्रेन्टफोर्डका लागि डान्गो क्वाटारा पेनाल्टीमा चुकेपछि कोन्सटान्टिनोस माभरोपानोसले वेस्ट ह्यामका लागि पेनाल्टीमा निर्णायक गोल गरे । यस नतिजासँगै एफएकपको अन्तिम आठको समीकरण पनि पूरा भएको छ र ड्र पनि निकालिएको छ । त्यस अनुसार वेस्ट ह्यामले लिड्स युनाइटेड, आर्सनलले साउथह्याम्पटन, चेल्सीले पोर्ट भेल र म्यानचेस्टर सिटीले लिभरपलको सामना गर्नेछ ।

ब्रेन्टफोर्डलाई टाइब्रेकरमा हराएर वेस्ट ह्याम अन्तिम आठमा

काठमाडौं। एन्फा राष्ट्रिय लिग अन्तर्गत सोमबार सम्पन्न खेलमा त्रिभुवन आर्मी क्लबले नेपाल पुलिस क्लबमाथि फराकिलो जित दर्ता गरेको छ। त्रिपुरेश्वरस्थित दशरथ रंगशालामा भएको दिनको अन्तिम खेलमा आर्मीले पुलिसलाई ४–१ गोलले पराजित गरेको हो। आर्मीको जितमा निराजन धामीले दुई गोल गरे भने पेम्बा दोर्जे लामा र किरण सुनारले समान एक–एक गोल थपे। पुलिसका लागि दशरथ गिरीले गरेको गोल सान्त्वनामै सीमित रह्यो। पहिलो हाफ १–१ गोलको बराबरीमा रोकिएको खेलमा दोस्रो हाफमा आर्मीले आक्रामक प्रदर्शन गर्दै थप तीन गोल गर्न सफल भयो। त्यसपछि पुलिस खेलमा फर्किन सकेन। यस जितसँगै आर्मीले ९ खेलबाट २० अंक बनाएको छ। समान खेलबाट आठ अंक जोडेको पुलिस तालिकाको १२औँ स्थानमा रहेको छ।

पुलिसमाथि आर्मीको फराकिलो जित

काठमाडौं। एन्फा राष्ट्रिय लिग अन्तर्गत सोमबार सम्पन्न खेलमा सशस्त्र प्रहरी बल ९एपीएफ० क्लब र प्लानिङ ब्वाइज युनाइटेड बराबरीमा रोकिएका छन्। त्रिपुरेश्वस्थित दशरथ रंगशाला मा भएको खेल १–१ गोलको बराबरीमा सकिएको हो। पहिलो हाफमा अग्रता बनाएको एपीएफले दोस्रो हाफमा जोगाउन सकेन। खेलको २२औँ मिनेटमा एपीएफका युवराज खड्काले गोल गर्दै आफ्नो टोलीलाई अग्रता दिलाए। तर ६०औँ मिनेटमा प्लानिङ ब्वाइजका यालेक्स विलियानेले बराबरी गोल फर्काएपछि खेल १–१ मा टुंगियो। यस बराबरीसँगै एपीएफले ९ खेलबाट २१ अंक बनाउँदै तालिकाको शीर्ष स्थान कायम राखेको छ। समान खेलबाट प्लानिङ ब्वाइजको १९ अंक पुगेको छ।

प्लानिङ ब्वाइजसँग बराबरीमा रोकियो एपीएफ

काठमाडौं। एन्फा राष्ट्रिय लिगमा फ्रेन्ड्स क्लबले श्री भगवती क्लबमाथि जित दर्ता गरेको छ।&nbsp; त्रिपुरेश्वस्थित दशरथ रंगशालामा सोमबार सम्पन्न खेलमा फ्रेन्डले भगवतीलाई २–० ले पराजित गरेको हो।&nbsp; फ्रेन्ड्सको जितमा प्रसान्त लक्सम एक गोल गर्दा अर्को गोल उपहार पाएको थियो। भगवतीका विश्वस चौधरीले आत्माघाती गोल गरे। खेलको ६०औं मिनेटमा प्रसान्तको गोलबाट फ्रेन्ड्सले सुरुआती अग्रता बनाएको थियो। खेलको ९०औं मिनेटमा उपहार गोलबाट फ्रेन्ड्सले जित दर्ता गर्न सफल भयो। यो जितसँगै फ्रेन्ड्सले जारी लिगमा ९ खेलबाट ९ अंक जोडेको फ्रेन्ड्स १०औं स्थानमा उक्लिएको छ। समान बेलबाट पाँचौं हार ब्यहोरेको भगवती ८ अंकसहित १२औ‍ं स्थानमा झरेको छ।&nbsp; यस्तै, आजै हुने दोस्रो खेलमा शीर्ष स्थानको एपीएफ क्लब र प्लानिङ ब्वाइज युनाइटेड खेल्नेछन् भने तेस्रो खेलमा नेपाल पुलिस र त्रिभुवन आर्मी क्लब खेल्नेछ।&nbsp; जारी लिगमा आठ खेलबाट २० अंकसहित एपीएी शीर्ष स्थानमा रहँदा ९ खेलबाट १९ अंकसहित चर्च ब्वाइज दोस्रो तथा मच्छिन्द्र क्लब तेस्रो स्थानमा छ।&nbsp;

भगवतीमाथि फ्रेन्ड्सको जित

अन्ततः सबैको अपेक्षा अनुसार भारत टी २० विश्वकप २०२६ उपाधि जितेको छ । उसले आइतबार राति अहमदावादमा भएको फाइनलमा न्युजिल्यान्डलाई लगभग सजिलै जस्तो गरेर ९६ रनले हरायो । पहिले ब्याटिङको निम्तो पाएको भारतले पाँच विकेटमा २ सय ५५ रन बनाएपछि तय भइसककेको थियो, जित उसकै हुनेछ । एक लाख जति भारतीय समर्थक अगाडि न्युजिल्यान्डले जवाफमा १९ ओभरमा अलआउट हुन अगाडि १ सय ५९ रन मात्र बनाउन सक्यो । यस्तोमा प्रश्न उठेको छ, भारत विश्व क्रिकेटमा कति धेरै बलियो ? अमेरिकामा भएको पछिल्लो टी २० विश्वकप पनि भारतले नै जितेको थियो । त्यति बेला फाइनलमा उसले दक्षिण अफ्रिकालाई हराएको थियो । त्यति बेला हारको संघारमा रहेको भारतले अविश्वसनीय ढंगले दक्षिण अफ्रिकालाई हराएको थियो, यसपल्टको फाइनलमा त्यस्तो केही गाह्रो भएन् । यसक्रममा भारतले तीन ठूलो कीर्तिमानी उपलब्धी चुमेको छ । पहिलो, भारत आफ्नै घरेलु मैदानमा टी २० विश्वकप जित्ने पहिलो टिम भएको छ । दोस्रो, भारत डिफेन्डिङ च्याम्पियनका रूपमा टी २० विश्वकप उपाधिको रक्षा गर्ने पनि पहिलो टिम बनेको छ । अनि तेस्रो, टी २० विश्वकपमै भारत तीन पल्ट च्याम्पियन भएर सबैभन्दा सफल टिम भएको छ । अब दुई दुई पल्ट उपाधि जितेका इंग्ल्यान्ड र वेस्ट इन्डिज भारतको पछाडि रहे । अब टी २० विश्वकपमा भारत जत्तिको सफल टिम अरू रहेन् । सुपर एटको खेलमा भारत दक्षिण अफ्रिकाको हातबाट पराजित रहेको थियो, यही एक खेललाई छाडेर भारतको प्रदर्शन गज्जब रह्यो । धेरैलाई लाग्दो हो, अमेरिकाविरुद्ध पनि भारतको प्रदर्शन कमजोर रह्यो, तर सायद यो पनि धेरै हदसम्म होइन भन्न सकिन्छ । विश्व क्रिकेटमा भारत आर्थिक रूपमा सबैभन्दा शक्तिशाली छ, त्यसैले अचेल भारतले जे हुन्छ, सबैले त्यसैलाई मान्छन् । इन्डियन प्रिमियर लिग (आईपीएल) को झन झन ठूलो आकार र सफलताले विश्व क्रिकेटलाई पनि नतमस्तक जस्तै बनाएको छ ।&nbsp;अहिले मैदानमा पनि भारतनै बलियो देखियो । अन्य टिमका लागि भारतको यो वर्चश्व तोड्न गाह्रै हुनेछ अबदेखि । सम्भवतः भारतलाई चुनौती दिन सक्ने टिममा अस्ट्रेलिया र इंग्ल्यान्ड मात्र हुन सक्छन् । अथवा केही हदसम्म दक्षिण अफ्रिका । भारतको प्रमुख प्रतिद्वन्द्वी पाकिस्तान त झन कहाँ हो कहाँ हुने गरेर पछाडि परेको छ । अब त पाकिस्तानले भारतविरुद्ध बलियो चुनौती पेस गर्ने दिन पनि रहेन जस्तो हुन थालेको छ ।

भारत विश्व क्रिकेटमा कति धेरै बलियो ?

पेरभिस इस्टुपिनानले ३५ औं मिनेटमा गरेको गोल निर्णायक भएपछि एसी मिलानले आइतबार इटालीको सिरी ए मा भएको खेलमा इन्टर मिलानलाई १–० ले हराएको छ । यससँगै इन्टरमाथि मिलानको हाबी कायम रह्यो । सबै खाले प्रतियोगिताका पछिल्ला सात खेलमा मिलान इन्टरविरुद्ध अपराजित रहेको छ । यो जितपछि मिलानको ६० अंक भएको छ र दोस्रो स्थामना छ । इन्टर भने ६७ अंकमा शीर्ष स्थानमा रहेको छ । इन्टरले यो खेल जितेको भए १३ अंकको अग्रता लिने थियो र लिगमा दस चरणका खेल मात्र बाँकी उपाधि लगभग उसकै हुने थियो । तर मिलानको जितले उसको झिनो सम्भावना कायम रह्यो ।

मिलानको झिनो आशा कायम

काठमाडौं। एन्फा राष्ट्रिय लिग अन्तर्गत आइतबार भएको खेलमा मच्छिन्द्र फुटबल क्लबले जावलाखेल युथ क्लबलाई पराजित गर्दै महत्वपूर्ण तीन अंक जोडेको छ। त्रिपुरेश्वरस्थित दशरथ रंगशालामा आइतबार सम्पन्न प्रतिस्पर्धामा मच्छिन्द्रले जावलाखेललाई २–० ले पराजित गरेको हो। यस जितसँगै मच्छिन्द्रले आठ खेलबाट १९ अंक जोड्दै तालिकाको दोस्रो स्थानमा उक्लिएको छ। मच्छिन्द्रको जितमा विदेशी खेलाडी जोनाथन इडुआरडो नायक बने। उनले खेलको ३३औँ मिनेटमा पहिलो गोल गर्दै टोलीलाई अग्रता दिलाएका थिए। त्यसपछि खेलको अन्तिम मिनेटमा अर्को गोल थप्दै व्यक्तिगत दुई गोल पूरा गरे र मच्छिन्द्रको जित पक्का गरे। मच्छिन्द्रको यो छैटौं जित हो।

Nepalsports

राष्ट्रिय लिगमा आज तीन रोमाञ्चक खेल हुँदै

📰 Recent News

Nepalsports