समस्यामा हुनेछ, वेस्ट ह्याम

(हामी इंग्लिस प्रिमियर लिग २०२५ मा सहभागी हुने टिमको विश्लेषण गर्ने क्रममा अन्त्यतर्फ आइसकेका छौं । यस सिरिजको १९ औं स्टोरी रहेको छ, वेस्ट ह्यामबारे)

वेस्ट ह्याम लन्डनको यस्तो क्लब हो, जसका समर्थक पनि धेरै छन्, क्लब आफैमा ठूलो छ, तर सफलता भने विरलै मात्र प्राप्त गर्छ । अनि प्राप्त सफलतालाई पनि ठीकसँग प्रयोग गर्न सक्दैन् । गत सिजन यो क्लब १४ औं स्थानमा रहेको थियो ।

यसले पनि देखाउँछ, टिमको प्रदर्शन पक्कै पनि राम्रो थिएन् । यसपल्टको स्थिति पनि यस्तै हो, लगभग । वेस्ट ह्यामको स्थान अबको सिजन भनेको पनि लिगको दोस्रो आधा भाग नै हो । झन नयाँ सिजनको पहिलो खेलमै वेस्ट ह्याम नराम्रोसँग पराजित भइसकेको छ ।

उसलाई सन्डरल्यान्डले ३–० ले पराजित गरेको हो । सन्डरल्यान्ड आफै रेलिगेसनको प्रत्यासी हो, त्यही टिमले वेस्ट ह्यामलाई यति नराम्रोसँग हराएको हो । पहिलो खेलपछि नै वेस्ट ह्याम चर्को दबाबमा आएका हुनु पर्छ । अझ यसले रेलिगेसन डर पनि उत्पन्न गरेको हुनु पर्छ ।

क्लबका प्रशिक्षक हुन्, ग्राहम पोटर । यी प्रशिक्षकको काँधमा हुनेछ, वेस्ट ह्यामलाई सम्मानजक स्थानमा पुर्‍याउने । पछिल्लो समय वेस्ट ह्याममा प्रशिक्षक पनि एउटै नियमित हुन सकेका छैनन् । यसले पनि क्लबमा समस्या ल्याएको छ भन्दा हुन्छ ।