एभरटनसँग वेस्ट ह्यामलाई बराबरीको राहत

वेस्ट ह्यामले इंग्लिस प्रिमियर लिगमा सोमबार एभरटनसँग १–१ को बराबरी खेल्दे नयाँ अध्याय सुरु गरेको छ । नयाँ प्रशिक्षकका रूपमा नुनो स्पिरियटो सान्टु आएयता वेस्ट ह्यामले आफ्नो पहिलो खेल खेलेको हो ।

खराव लयबाट गुज्रिरहेको वेस्ट ह्यामले यो सिजन सबै प्रतियोगितामा गरेर खेलेका सात खेलमध्ये हारबाट जोगिएको यो दोस्रो अवसर मात्र हो ।

हिल डिकिन्सन स्टेडियम एभरटनले १८ औं मिनेटमा माइकल केनको गोलसँगै अग्रता लिएको थियो । तर जारोड बोवेले ६५ औं मिनेटमा पाहुना टिमका लागि बराबरी गोल फर्काए ।

यो नतिजापछि एभरटन आठ अंकमा आठौं स्थानमा रह्यो भने वेस्ट ह्यामको छ खेलबाट चार अंक मात्र भएको छ र १९ औं स्थानमा छ ।