भिल्लारियलको सजिलो जित

भिल्लारियलले स्पेनी ला लिगामा शुक्रबार विजयी सुरुआत लिएको छ । उसले नयाँ सिजनको उद्घाटन खेलमा ओभिएडोलाई २–० ले हरायो ।

ओभिएडो २५ वर्षयता पहिलो पटक स्पेनको माथिल्लो डिभिजनमा खेलिरहेको छ । यस जितसँग भिल्लारियल तीन अंक आत्मसात् गर्न सफल रह्यो ।

भिल्लारियलले दुवै गोल पहिलो हाफमा गरेको थियो र इटा इयोङ र पापे गुएयोको नाममा रह्यो । यसपल्ट बढुवा भएर आएको ओभिएडो दस खेलाडीमा सीमित रहेर खेलेको थियो ।