भ्याली डर्बी बराबरीमा सकियो

काठमाडौं। नेपाल सुपर लिग (एनएसएल)को भ्याली डर्बीमा साबिक विजेता ललितपुर सिटी एफसी र काठमाडौं रेजर्स बराबरीमा रोकिएको छ।

त्रिपुरेश्वरस्थित दशरथ रंगशालामा शनिबारदेखि सुरु भएको तेस्रो संस्करणको उद्घाटन खेलमा ललितपुर र काठमाडौंले २–२ को बराबरी खेलेका हुन्। 

ललितपुरका जनाथन इडुआर्डो र आदित्य शाक्यले गोल गरेका हुन्। काठमाडौंका ओमोडोउ डिओप र भिन्सेन्टले गोल फर्काए। ललितपुरलाई खेलको पाँच मिनेटमै विदेशी खेलाडी जनाथनले सुरुआती अग्रता दिलाएका हुन्।