टोटनहम लिग कपको तेस्रो चरणमा

साभिओले डेब्युमा गरेको दुई गोलको मदतले टोटनहमले लिगकपमा बुधबार चार्ल्टनलाई ५–१ ले हराएर तेस्रो चरणमा प्रवेश गरेको छ । अब उसको सामना लिभरपुलसँग हुनेछ । ब्राजिली विन्गर १० करोड २० लाख डलरमा म्यानचेस्टर सिटीबाट टोटनहम आएका हुन् । 

अन्य खेलमा एभरटनले प्रिस्टन नर्थ एन्डलाई ४–० र न्युकासल युनाइटेडले वेस्ट ब्रुमलाई ३–२ ले हरायो । यस्तै ब्राडयफोर्डले टाइब्रेकरमा बर्नलीलाई ४–२ ले पराजित गरेको थियो । निर्धारित समयको खेल गोलरहित बराबरीमा टुंगेपछि खेल टाइब्रेकरमा गएको थियो ।

 बुधबार नै निकालिएको ड्र अनुसार अब म्यानचेस्टर युनाइटेडले ब्राइटन, आर्सनलले इपस्विच टाउन र प्रतियोगिताको डिफेन्डिङ च्याम्पियन म्यानचेस्टर सिटीले नरविचको सामना गर्नेछ ।