स्ट्रसबर्गलाई हराएर मार्से शीर्षमा

मार्सेले फ्रान्सेली लिग वानमा शुक्रबार राति स्ट्रसबर्गलाई २–१ ले हराएको छ र यस जितसँगै लिग तालिकाको शीर्ष स्थानमा उक्लेको छ । मार्सेको छ खेलबाट १२ अंक भएको छ र गोल अन्तरले अगाडि रहेको छ ।

मोनाको, पेरिस सेन्ट जर्मेन (पीएसजी), लियोन र स्ट्रसबर्ग पनि समान १२ अंकमै रहेका छन् । स्ट्रसबर्गको घरेलु मैदानमा भएको खेलमा उसले डान्गो ओटाराको गोलले ४९ औं मिनेटमा अग्रता लिएको थियो ।

त्यसपछि मार्सेका लागि पिएरे–एमिरिक अबमेयाङले इन्ज्युरी समयको पहिलो मिनेटमा निर्णायक गोल गरे र टिम पुर्नआगमन जित रच्न सफल रह्यो ।