स्कटल्यान्ड समूह सी को शीर्षमा

जोन म्याकगिननको निर्णायक गोलको मतले स्कटल्यान्डले विश्वकप २०२६ मा आइतबार हाइटीलाई १–० ले हराएको छ । यो जितपछि स्कटल्यान्डको तीन अंक भएको छ र टिम समूह सी को शीर्ष स्थानमा उक्लेको छ ।

यो समूहको पहिलो खेलमा ब्राजिल तथा मोरक्कोले बराबरी खेलेका थिए । उनीहरू एक एक अंकमा रहे । यो जितले स्कटल्यान्डको नकआउट चरण पुग्ने सम्भावना बलियो भएको छ ।

बोस्टन स्टेडियममा म्याकगिननले २८ औं मिनेटमा गोल गरेका हुन् । विश्वकपमा २८ वर्षयता पहिलो पटक खेलिरहेको स्कटल्यान्डका लागि स्कट म्याक टोमनीले १७ औं मिनेटमा गरेको प्रहार पोस्टमा लागेर फर्केको थियो ।

यसपल्टको विश्वकपमा स्कटल्यान्ड जित हात पार्ने पहिलो युरोपेली देश पनि भएको छ ।