शीर्षमा रोमाको अग्रता नौ अंक

लउतारो मार्टिनेजको दुई गोलको मदतले इन्टर मिलानले इटालीको सिरी ए मा आइतबार रोमालाई सजिलै ५–२ हराएको छ । मार्टिनजले पहिलो मिनेटमै गोल गर्दै टिमलाई सुरुआती अग्रता दिलाए र पूरा खेल अवधि इन्टरको पकडमा रह्यो । इन्टरका लागि हाकान चालहान्ग्लु, मार्कस थुराम र निकोला बारेलाले एक एक गोल गरे ।

रोमाका तर्फबाट भने जियानलुका मानचिनी र लोरेन्जो पेलेग्रिनीले गोल फर्काए । यो जितपछि इन्टरको ३१ खेलबाट ७२ अंक भएको छ । यो दोस्रो स्थानमा रहेको एसी मिलानमाथि नौ अंकको अग्रता हो । रोमा भने हारपछि ५४ अंकमा छैटौं स्थानमा रह्यो ।

लिग तालिकामा नेपोली ६२ अंकमा तेस्रो तथा कोमो ५७ अंकमा चौथो स्थानमा रहेको छ ।