रियलको हारले बार्सिलोनालाई मौका

स्पेनी ला लिगामा एटलेटिको म्याड्रिडले रियल म्याड्रिडलाई शनिबार ५–२ ले पराजित गरेको छ र यससँगै लिग उपाधिको होड खुल्ला भएको छ । यससँगै रियलको लिगमा शतप्रतिशत सुरुआतमा पूर्ण विराम लागेको थियो ।

यो नतिजापछि रियल सात खेलबाट १८ अंकमा शीर्षमा कायम रह्यो ।तर अब एक खेल कम खेलेको बार्सिलोनासामु रियललाई उछिन्ने अवसर हुनेछ । उसको १६ अंक छ ।

भिल्लारियल पनि समान १६ अंकमा तेस्रो स्थानमा रहेको छ । उसले आइतबार भएको खेलमा अल्बर्टो आलेरोले गरेको एक मात्र गोलको मदतले एथलेटिको बिलबोआलाई १–० ले हराएको छ ।  

मोलेरोले खेलको ७७ औं मिनेटमा निर्णायक गोल गरे । एटलेटिकोको जितमा लयमा रहेका जुलियन अल्भारेजले दुई गोल गरे ।