रियलको उपाधि चुनौती अझ कमजोर

स्पेनी ला लागि उपाधि होडमा रियल म्याड्रिडको चुनौतीलाई शुक्रबार थप धक्का लागेको छ । उसलाई आफ्नो घरमै भएको खेलमा जिरोनाले १–१ को निराशाजनक बराबरीमा रोकेको हो । खेलको दुवै गोल दोस्रो हाफमा भएको हो ।

बर्नाबाउमा भएको खेलमा रियलले फेड भाल्भेरडेको गोलले ५१ औं मिनेटमा अग्रता लिएको थियो । तर थोसम लामेरले जिरोनाका लागि ६२ औं मिनेटमा बराबरी गोल फर्काए । त्यसपछि थप गोल हुन सकेन् र दुवै टिमले एक एक अंकमा चित्त बुझाए ।

यो नतिजापछि रियल ३१ खेलबाट ७० अंकमा दोस्रो स्थानमा कायम रह्यो । यो शीर्षमा रहेको बार्सिलोनासँग छ अंकको दूरी हो । जिरोना भने ३८ अंकमा १२ औं स्थानमा छ । अब आइतबार बार्सिलोनाले इस्पनयोलको आथित्य गर्नेछ र त्यसमा जित निकाल्न सके नौ अंकको ठोस निर्णायक सावित हुन सक्ने अग्रता लिन सक्नेछ ।