पोर्चुगल युईएफए नेसन्स लिगको फाइनलमा

काठमाण्डौ, सन् २०१९ को विजेता पोर्चुगल युईएफए नेसन्स लिग फुटबलको फाइनलमा प्रवेश गरेको छ। 

बुधबार राति सम्पन्न पहिलाे सेमिफाइनलकाे खेलमा पोर्चुगलले जर्मनीलाई उसकै घरेलु मैदानमा २-१ ले स्तब्ध पार्दै उापधि नजिक पुगेको हो। 

एलियान्ज रंगशालामा घरेलु टाेली जर्मनीले पहिला अग्रता लिए पनि उक्त अग्रता जाेगाउन सकेन। पाेर्चुगलका लागि फ्रान्सिस्को कोन्सेकाओ र रोनाल्डोले गोल गरे।

पहिलो हाफ गाेलरहित बराबरीमा सकिएकाे खेलको ४८औँ मिनेटमा फ्लोरियन विर्त्जले गोल गर्दै जर्मनीलाई सुरुआती अग्रता दिलाएका थिए।

६३औँ मिनेटमा फ्रान्सिस्को कोन्सेकाओ र ६८औँ मिनेटमा रोनाल्डोले नुनो मेन्जेडेको पासमा गाेल गर्दै पाेर्चुगललाई फाइनलमा पुर्याएका हुन्।

पाेर्चुगलले अब उपाधिका लागि दोस्रो सेमिफाइनलकाे विजेतासँग खेल्ने छ। उक्त खेलमा स्पेन र फ्रान्स भिड्ने छन्। फाइनल खेल ८ जुनमा म्युनिखमा हुने छ।