क्रोएसिया चुनौती समाप्त पार्दै पोर्चुगल अन्तिम १६ मा

पोर्चुगलले विश्वकप २०२६ मा क्रोएसियालाई २–१ ले हराएर प्रतियोगिताको अन्तिम १६ मा प्रवेश गरेको छ र यो उत्कृष्ट पुर्नआगमनले सम्भव भएको हो । खेल अतिरिक्त समयतर्फ अग्रसर भइरहेको बेला सब्टिच्युट गोन्सालो रोमोसले हेडिङले इन्ज्युरी समयको चौथो मिनेटमा गोल गरे ।

उनलाई राफेल लिओले पास उपलब्ध गराएका थिए । खेलको अन्त्यतिर खेलको अन्त्यतिर क्रोएसियाका जोस्को ग्भारडिलले गोल गरे पनि त्यसलाई नाटकीय रुपमा अफ साइड मानियो ।

त्यस अगाडि जोसिप स्टानिसिचले निकालेको क्रसमा इभान पेरिसिचले ५३ औं मिनेटमा गोलको खाता खोले र क्रोएसिया एक गोलले अगाडि रह्यो । पोर्चुगलले फर्काएको बराबरी गोल भने पेनाल्टीमा सम्भव भएको हो र यो क्रिस्टियानो रोनाल्डोको नाममा रह्यो ।

निकोला भ्लासिचले रेनाटो भिएगालाई बक्समा लगाएपछि पोर्चुगललाई पेनाल्टीको अवसर प्राप्त पाएको हो र त्यसलाई गोलमा परिणत गर्न रोनाल्डोलाई गाह्रो भएन् । पोर्चुगलको जितले यस विश्वकपमा उनको चुनौती कायम रह्यो । क्रोएसियाका लागि भने सम्भवतः लुका मोडरिचले अन्तिम खेल खेले ।