पीएसजीको विजयी सुरुआत

डिफेन्डिङ च्याम्पियन पेरिस सेन्ट जर्मेन (पीएसजी) ले फ्रान्सेली लिग वानमा आइतबार विजयी लिएको छ र यसका लागि उसले नेन्ट्सलाई १–० ले हराएको हो ।

पोर्चुगाली मिडफिल्डर भिटिन्हाले गरेको प्रहार डिफ्लेक्ट हुँदै ६७ औं मिनेटमा गोलमा परिणत भएको थियो । लुइस एनरिकेको टिमले यो जितका लागि संघर्ष भने गर्नु परेको थियो ।

युरोपेली च्याम्पियन पीएसजीले पछिल्ला साता मात्रै टोटनहमलाई हराएर यूईएफए सुपरकप जितेको थियो र एनरिकेले त्यस खेलमा खेलेका सात खेलाडी परिवर्तन गरेर नेन्ट्सविरुद्ध उतारेको थियो ।