पीएसजीको महत्त्वपूर्ण जित

पेरिस सेन्ट जर्मेन (पीएसजी) ले फ्रान्सेली लिग वानमा आइतबार अजुरेमाथि २–० को महत्त्वपूर्ण जित निकालेको छ । युरोपेली च्याम्पियन्स लिगमा बार्सिलोनाको सामना गर्न अगाडि पीएसजी यो जित निकाल्न सफल रहेको हो ।

यो नतिजासँगै लुइस एनरिकेको पीएसजी फेरि अंक तालिकाको शीर्षमा उक्लेको छ । उसको छ खेलबाट १५ अंक भएको छ र यो दोस्रो स्थानमा रहेको मार्सेसँग तीन अंकको दूरी हो ।

पीएसजी यसअघि लिगमा मार्सेकै हातबाट पराजित भएको थियो । मार्सेसँगै लिग तालिकामा मोनाको, लियोन र स्ट्रसबर्गको पनि समान १२ अंक रहेको छ । यस्तोमा यसपल्टका लिग उपाधि होड खुल्ला हुने संकेत गरेको छ ।