नेपाल थाइल्याण्ड सँग पराजित

नेपाल महिला टोली थाइल्याण्ड सँग पराजित भएको छ। थाइल्याण्डले नेपाललाई अन्तर्राष्ट्रिय मैत्रीपूर्ण खेलमा २-० गोलले पराजित गरेको हो। 

थाइल्यान्डको लागि चात्चावान रोडथोङ र जिरापुरन मोङ्गाकोल्डीले समान एकएक गोल गरेका थिए ।

पहिलो हाफ बराबरीमा रोक्न सफल रहेपनि दोस्रो हाफको ५९औं मिनेटमा रोडथोङको गोलमा खाएको थियो ।

मोङ्गाकोल्डीले खेलको ७४औं मिनेटमा अनमार्क पोजिसनमा रहेको फाईदा उठाउदै सहज गोल गर्दै 

 अग्रता दोब्बर बनाइन् ।  

नेपालले अब जुन २९ देखि उज्वेकिस्तानमा हुने महिला एसियन कप छनोट खेल्दैछ । सोही प्रतियोगिताको तयारीस्वरुप नेपालले थाइल्यान्डसँग मैत्रीपूर्ण खेल खेलेको हो ।

एएफसी एसिया कप छनोटको समूह ‘एफ’मा रहेको छ। यस समूहमा नेपालसंगै लाओस, श्रीलंका र उज्वेकिस्तान रहेको छ ।