फाइनल प्रवेशकाे लागि नेपालले बंगलादेशकाे सामना गर्दै

काठमाडौं। माल्दिभ्समा जारी साफ यू–२० च्याम्पियनसिपअन्तर्गत आज नेपाल यू–२० राष्ट्रिय फुटबल टोलीले फाइनल प्रवेशका लागि बंगलादेश यू–२० राष्ट्रिय फुटबल टोलीसँग प्रतिस्पर्धा गर्दैछ। खेल नेपाली समयअनुसार दिउँसो ४ः३० बजे सुरु हुनेछ।

समूह ‘ए’ को विजेता बन्दै सेमिफाइनलमा पुगेको नेपाल उत्कृष्ट लयमा देखिएको छ। समूह चरणमा नेपालले दुई खेलमा जित निकाल्दै एक खेल बराबरी खेलेको थियो।

यता बंगलादेश भने समूह ‘बी’ को उपविजेता बन्दै अन्तिम चारमा स्थान बनाउन सफल भएको हो।