आज नेपाल बहराइनको सामना गर्दै

नेपालले एसीसी प्रिमियरकपको आफ्नो पहिलो खेलमा सोमबार बहराइनको सामना गर्दैछ । खेल नेपाली समय अनुसार सवा सात बजे मलेसियामा सुरु हुनेछ ।

प्रतियोगितामा नेपाल डिफेन्डिङ च्याम्पियनका रूपमा सन्दीप लामिछनेको नेतृत्वमा प्रस्तुत हुँदैछ र उपाधि जित्नु नै एक मात्र लक्ष्य राखेको छ । प्रतियोगितामा नेपाल समूह ए मा रहेको छ ।

यस समूहका अन्य टिममा हङकङ, मलेसिया र साउदी अरेबिया रहेका छन् । समूहको पहिलो खेलमा हङकङले साउदी अरेबियालाई १६ रनले हराएको थियो ।

अर्को समूहमा ओमान, कुवेत, कतार, यूएई र सिंगापुर रहेका छन् ।