भुटानसँग बराबरीमा रोकियो नेपाल

काठमाडौं । यु–१९ अन्तर्राष्ट्रिय मैत्रीपूर्ण खेलमा नेपाली राष्ट्रिय महिला फुटबल टोलीले भुटानसँग बराबरीमा रोकियो छ।

त्रिपुरेश्वरस्थित दशरथ रंगशालामा आइतबार भएको खेलमा सुरुआती अग्रता जोगाउन नसक्दा नेपाल १–१ गोलको बराबरीमा रोकिएको हो।

पहिलो हाफ गोलरहितमा सकिएको थियो। दोस्रो हाफ सुरु भएको दुई मिनेटमै सुशिला केसीले नेपाललाई अग्रता दिलाइन्। 

खेलमा १–० गोलले पछि परेको भुटानका लागि फुन्ट्शो छोडेनले ८०औं मिनेटमा बराबरी गोल फर्काइन्। त्यसपछि बाँकी समय थप गोल नहुँदा खेल १–१ गोलको बराबरीमा सकियो।