नेपोलीलाई हराएर मिलान शीर्षमा

एसी मिलानले आइतबार इटालीको सिरी ए मा नेपोलीलाई २–१ ले हराएर शीर्ष स्थानमा उक्लेको छ । यो जितपछि मिलानको पाँच खेलबाट १२ अंक भएको छ । डिफेन्डिङ च्याम्पियन नेपोली भने १२ अंकमै दोस्रो स्थानमा झरेको छ ।

सानसिरोमा भएको खेलमा मिलानका लागि एलेक्स सिलेमेकर्स तथा क्रिस्टियान पुलिसिचले पहिलो हाफमा गोल गरे । नेपोलीका तर्फबाट तर्फबाट केभिन डे ब्रुएनाले ६० औं मिनेटमा पेनाल्टीबाट एक गोल फर्काए ।

आइतबारको अर्को खेलमा एएस रोमा हेलास भेरोनालाई २–० ले हरायो र तेस्रो स्थानमा उक्लियो । उसको पनि १२ अंक रहेका छ ।