नेपोली फेरि शीर्षमा

डिफेन्डिङ च्याम्पियन नेपोलीले आइतबार जेनेआलाई २–१ ले हराएर इटालीको सिरी ‘ए’ मा फेरि शीर्ष स्थानमा उक्लेको छ । त्यसमा रसमस होजलन्डले निर्णायक गोल गरे ।

जेनोआले नेपल्समा जेफ इख्टरको गोलले ३३ औं अग्रता लिएको थियो तर त्यसलाई दोस्रो हाफमा गुमाएको थियो । आन्द्रे फ्रान्कले नेपोलीका लागि ५७ औं मिनेटमा बराबरी गोल फर्काए । होजलन्डले ७५ औं मिनेटमा निर्णायक गोल गरे ।

युभेन्ट्स र एसी मिलानले अर्को खेलमा गोलरहित बराबरीमा चित्त बुझाए । नेपोली १५ अंकमा रहेको छ र गोल अन्तरले अगाडि रहेको हो । रोमाको १५ अंकमा दोस्रो, मिलानको १३ अंकमा तेस्रो र इन्टर मिलानको १२ अंकमा चौथोमा छ । युभेन्ट्स १२ अंकमै पाँचौं स्थानमा रहेको छ ।