एमबापले गरे वर्षको ५९ औ गोल

केयलिन एमबापे र जुड बेलिंघमको एक एक गोलको मदतले रियल म्याड्रिडले शनिबार स्पेनी ला लिगामा दस खेलाडीमा सीमित सेभियालाई २–० ले हराएको छ । बेलिंघमले ३८ औं मिनेटमा गोलको खाता खोले ।

त्यसपछि एमबापेले ८६ औं मिनेटमा पेनाल्टीबाट दोस्रो गोल थपे । यो उनको एक वर्षमा गरेको ५९ औं गोल रह्यो । यससँगै उनले सन् २०१३ मा क्रिस्टियानो रोनाल्डोले गरेको गोल संख्याको बराबरी गरेका छन् ।

यो जितपछि रियलको ४२ अंक भएको छ र यो शीर्षमा रहेको बार्सिलोनासँग एक अंकको मात्र दूरी हो । अन्य खेलमा ओसासुनाले एलाभेसलाई ३–० ले पराजित गर्‍यो  

यस्तै लेभान्टे र रियल सोसिडाडले १–१ र रियल ओभिएडो र सेल्टा भिगोले गोलरहित बराबरी खेले ।