एपिएफलाई हराउँदै मच्छिन्द्र सेमिफाइनलमा

काठमाडौं। सनिश श्रेष्ठको गाेलमा मच्छिन्द्र सभापति कपको सेमिफाइनलमा प्रवेश गरेको छ। 

त्रिपुरेश्वरस्थित दशरथ रंगशालामा शुक्रबार सम्पन्न खेलमा मच्छिन्द्रले विभागीय टोली एपिएफलाई १-० ले पराजित गरेको हो।

योसँगै फाइनल प्रवेश गर्न मच्छिन्द्रले संकटा फुटबल क्लबसँग भिड्ने छ। बिहीबार भएको पहिलो क्वार्टरफाइनलमा ए डिभिजन लिग च्याम्पियन चर्च ब्वाइजलाई ३-० ले हराउँदै संकटाले सेमिफाइनल यात्रा तय गरिसकेको थियो।

खेलको इन्जुरी समयमा सनिशले गोल गरेका हुन्।