पीएसजीलाई लियोनको धक्का

ब्राजिली युवा स्टार खेलाडी एन्डरिकले एक गोल गर्दै अर्कोमा अवसर सिजना गरेपछि लियोनले फ्रान्सेली लिग वानमा आइतबार पेरिस सेन्ट जर्मेन (पीएसजी) लाई २–१ ले पराजित गरेको छ । हारले युरोपेली च्याम्पियन पनि रहेको पीएसजीलाई उपाधि होडमा गाह्रो भएको छ ।

लियोनका लागि एन्डरिकको पासमा एफोन्सो मोरेराले अर्को गोल गरे । लिभरपुलविरुद्धको च्याम्पियन्स लिगमा खेलेका अधिकांस खेलाडीलाई आराम दिएको पीएसजीले आफ्नो अपेक्षा अनुसार प्रदर्शन गर्न सकेन् र हार बेहोर्न बाध्य रह्यो ।

पीएसजीको यो सिजनको पाँचौं लिग हार हो, यद्यपि टिम अझै पनि एक अंकको अग्रतामा लिग तालिकाको शीर्षमा छ । उसको पछाडि लेन्स रहेको छ ।