लिभरपुललाई उछिनेर आर्सनल अगाडि

सिजनको सुरुमा अजय देखिएको लिभरपुलले शनिबार सबै खाले प्रतियोगितामा गरेर तेस्रो हार बेहोरेको छ । चेल्सीले इंग्लिस प्रिमियर लिगमा लिभरपुललाई २–१ ले हराएको हो । त्यसमा स्टेभाओले दोस्रो हाफको इन्ज्युरी समयको पाँचौं मिनेटमा निर्णायक गोल गरे ।

यसअघि लिभरपुल प्रिमियर लिगमा क्रिस्टल प्यालेस र च्याम्पियन्स लिगमा गालातासारेसँग पराजित भएको थियो । आर्सनलले यसअघि वेस्ट ह्यामलाई २–० ले हराएको थियो । यससँगै आर्सनल शीर्ष स्थानमा कामय रह्यो ।

आर्सनलको सात खेलबाट १६ अंक छ भने लिभरपुल उत्तिकै खेलमा एक अंक पछाडि छ । चेल्सी भने ११ अंकमा छैटौं स्थानमा रह्यो । स्टायनफोर्ड ब्रिजमा भएको खेलमा चेल्सीले मोइस काइसेडोको गोलले अग्रता लिएको थियो ।

लिभरपुलका लागि कोडी गाक्पोले बराबरी गोल फर्काए । शनिबारका अन्य खेलमा म्यानचेस्टर युनाइटेडले सन्डरल्यान्डलाई २–० र टोटनहमले लिड्स युनाइटेडलाई २–१ ले पराजित गर्‍यो ।