लिभरपुलको हार क्रम रोकिएन्

नाटकीय खराव लयको शिकार बनेको लिभपुलको हारको क्रम शनिबार पनि रोकिएन् र इंग्लिस प्रिमियर लिगमा ब्रेन्टफोर्डको हाटबाट ३–२ ले पराजित भएको छ । यसले डिफेन्डिङ च्याम्पियनको उपाधि रक्षा गर्ने अभियान सम्भवतः तुहिने स्थितिमा पुगेको छ ।

लन्डनमा भएको खेलमा ब्रेन्टफोर्डका लागि डान्गो क्वाटारा, केभिन सेड र इगोर थिएगोले गोल गरे । लिभरपुलका लागि मिलोस केरकेज र मोहमद सलाहले गोल फर्काए । यो जितपछि ब्रेन्टफोर्ड दसौं स्थानमा उक्लेको छ । लिभरपुल भने छैटौं स्थानमा झरेको छ ।

म्यानचेस्टर युनाइटेड भने लयमा फर्केको छ र यसक्रममा उसले ब्राइटनलाई ४–२ ले हरायो । त्यसमा ब्रायन एमबुमोले दुई गोल गरे । युनाइटेड लिगमा लगातार तेस्रो खेलमा विजयी रहेको हो । न्युकासल युनाइटेडले फुलहम तथा सन्डरल्यान्डले चेल्सीलाई समान २–१ को स्कोरले पराजित गर्‍यो ।