एभरटनमाथि लिड्स विजयी

लिड्स युनाइटेडले इंग्लिस प्रिमियर लिगमा सोमबार विजयी पुर्नआगमन रचेको छ । इंग्लिस फुटबलको माथिल्लो डिभिजनमा फर्केयताको पहिलो खेलमा लिड्सले एभरटनलाई १–० ले हराएको हो ।

एलान रोडमा भएको खेलमा लुकास मेन्चाले ८४ औं मिनेटमा पेनाल्टीबाट निर्णायक गोल गरे । ड्यानिएल फार्केको टिम आफ्नो घरेलु मैदानमा हाबी रहेको थियो, तर खेल बराबरीतर्फ अग्रसर रहेको थियो ।

त्यही बेला एभरटन कप्तान जेम्स तारकोवस्कीले एन्टन स्टाचको बललाई ‘ह्यान्ड’ गरे र लिड्सले विवादास्पद पेनाल्टीको अवसर पाएको थियो ।