जेनोआसँग लाजियोको जित

लाजियोले इटालीको सिरी ‘ए’ मा सोमबार जेनोआलाई उसकै घरमा सजिलै ३–० ले पराजित गर्दै आफ्नो स्थितिमा केही सुधार गरेको छ । यो सिजन लिगमा उसको यो दोस्रो जित मात्र हो । 

यो जितपछि लाजियोको पाँच खेलबाट छ अंक भएको छ र लिग तालिकाको १२ औं स्थानमा पुग्न सफल रह्यो । अर्कोतर्फ खराव लयमा रहेको जेनोआ भने पाँच खेलबाट दुई अंकमै सीमित रहेर १९ औं स्थानमा रह्यो । 

लुइगी फेरिस स्टेडियममा लाजियोका लागि म्याटेओ क्यान्सेलेरीले ४, भ्लालेन्टिन कास्टेलानोसले ३० र म्याटिआ जाकाग्नीले ६३ औं मिनेटमा एक एक गोल गरे ।