एलए आउन पाएकामा सन खुसी

दक्षिण कोरियाली स्टार सन ह्वेङ–मिन अब आधिकारिक रूपमा लस एन्जलस (एलए) एफसीका खेलाडी भइसकेका छन् । भनिन्छ, उनका लागि एलएले दुई करोड पाउन्ड तिरेको छ । पछिल्लो साता मात्रै सनले टोटनहमले छाड्ने निर्णय सुनाएका थिए ।

अहिले उनले आज बिहीबार अमेरिका पुगेर मिडियासँग कुराकानी गरेका छन् । उनको सुरुआती भनाई थियो, ‘एलए आउन पाएर म खुसी छुं । मेरो लागि यो सपना पूरा भए जस्तै हो, किनभने मलाई लस एन्जलस सहर आफैमा धेरै मन पर्छ ।’

कुरा यत्तिकैमा सकिन्न । सनका अनुसार एलए उनको पहिलो रोजाई थिएन् । उनको मनमा दुविधा थियो । तर क्लबका अध्यक्ष जोन थोरिङटनले उनीसँग के एकपल्ट लामो कुराकानी गरे, सनको मन परिवर्तन भइहाल्यो । उनलाई लाग्यो, अब भने टोटनहम छाडेर अमेरिका जाने दिन आए ।