युभेन्टसको सहज जित

काठमाडौं । इटालियन क्लब युभेन्टसले फिफा क्लब विश्वकप अन्तर्गतको आफ्नो पहिलो खेलमा युएईको अल अइनमाथि सहज जित हासिल गरेको छ। 

अमेरिकाको अडी फिल्डमा बिहीबार सम्पन्न खेलमा युभेन्टसले ५-० को सानदार जित दर्ता गरेको हो।

युभेन्टसलाई जित दिलाउन रान्डल कोलो मुआनी र फ्रान्सिस्को कोन्सेकाओले समान दुई तथा केनान यिल्डिजले एक गोल गरे।

खेलको ११औं मिनेटमा कोलो मुआनीको गोलमार्फत युभेन्टसले अग्रता लिएको थियो।

जितसँगै युभेन्टसले समूह ‘जी’ मा तीन अंक जोडेको छ।