इन्टर फेरि शीर्ष स्थानमा

इन्टर मिलानले आइतबार इटालीको सिरी ए मा बोलोग्नालाई ३–१ ले पराजित गर्दै फेरि शीर्ष स्थानमा उक्लेको छ । इन्टरको यो जितपछि १७ खेलबाट ३९ अंक भएको छ ।

एसी मिलान एकै अंकको दूरीमा दोस्रो स्थानमा छ । यस्तै नेपोली ३७ अंकमा तेस्रोमा छ । इन्टरका लागि पिटोर जिलिन्स्की, लउटोरो मार्टिनेज र मार्कस थुरालले गोल गरे ।

त्यस अगाडि नेपोलीले लाजियोलाई २–० ले हराएको थियो । अन्य खेलमा फियोरेन्टिनाले क्रेमेन्सोलाई १–० र टुरिनोले भेरोनालाई ३–० ले पराजित गरेको थियो ।