श्रीलंकामाथि भारत पूर्ण हाबी

श्रीलंकाले भारतविरुद्धको दोस्रो तथा अन्तिम टेस्टको दोस्रो दिन आफ्नो पहिलो इनिङ्समा खराव सुरुआत गर्दै ८ रन मात्र बनाउँदा २ विकेट गुमाइसकेको छ । भारतले आफ्नो पहिलो इनिङ्समा ९ विकेट गुमाएर ५ सय ३ रनमा समाप्त भएको घोषणा गरेको थियो ।

यस्तोमा श्रीलंका समग्रमा ४ सय ९५ रनले पछाडि छ र ३ दिनको खेल बाँकी रहेको बेला चर्को दबाबमा आएको छ । उसका लागि ओपनर कमिल मिसरा ५ रनमा नटआउट छन् । आउट हुनेमध्ये ओपनर लहिरु उदाराले १ र प्रबाथ जयसूर्याले २ रन बनाए ।

पाहुना बलरमध्ये प्रसिद्ध कृष्ण र मानव सुथारले एक एक विकेट लिएका छन् । भारतका लागि भने ध्रुव जुरेलले १ सय १५ रन बनाएर नटआउट रहे । उनले १ सय ७७ बलको सामना गर्दै ९ चौका र २ छक्का प्रहार गरेका छन् ।