भारतका लागि पाडिकलको शतक

देवदत्त पाडिकलको शतकको मदतले भारतले श्रीलंकाविरुद्धको दोस्रो टेस्टको पहिलो दिन बलियो सुरुआत गरेको छ । कोलम्बामा भारतले दिनको खेल समाप्त हुँदा ५ विकेटमा ३ सय रन बनाएको छ ।

तेस्रो क्रममा ब्याटर पाडिकलले १ सय १७ रन बनाए । उनी केसर नुवान्थाको बलमा बोल्ड भए । उनले १ सय ९१ बलको सामना गरेर १२ चौका प्रहार गरे । कप्तान शुभमन गिलले ५० रन बनाए । उनीहरूले तेस्रो विकेटका लागि १ सय २० रनको ठाृस साझेदारी गरे ।

त्यस अगाडि ओपनर यसस्वी जयसवालले ४५ रन बनाए भने अलराउन्डर रविन्द्र जडेजाले ४३ रन थपे । श्रीलंकाली बलरमध्ये असिथा फर्नान्डेजले ४६ रनमा ३ विकेट हात पारे ।