पोटर परे वर्खास्तीमा

अन्ततः सबै अनुमानलाई सही सावित गर्दै ग्राहम पोटर वर्खास्तीमा परेका छन्, इंग्लिस प्रिमियर लिग क्लब वेस्ट ह्यामबाट । लिगमा खराव सुरुआतपछि पोटरलाई वेस्ट ह्यामले हटाउने तय मानिएको थियो ।

अहिले वेस्ट ह्यामले पाँच खेलबाट तीन अंक मात्र बटुलेको छ र १९ औं स्थानमा रहेर रेलिगेसन दबाब झेलिरहेको छ ।  त्यति मात्र होइन, वेस्ट ह्याम लिगकपमा पनि उल्भ्ससँग पराजित हुँदै प्रतियोगिताबाट बाहिरिसकेको छ ।

क्लबको जिम्मेवारी सम्हालेको नौ महिनापछि नै पोटरले आफ्नो जागिर गुमाएका हुन् । उनको स्थान नटिङघम फरेस्टका पूर्व प्रशिक्षक नुनो स्पिरिटो सान्टुले पाउने छन् ।

वेस्ट ह्यामले सोमबार एभरटनको भ्रमण गर्नेछ र त्यस अगाडि नै सान्टुले नियुक्त पाउने इंग्लिस मिडियाले बताएको छ । यी पोर्चुगाली प्रशक्षिक पनि यसअघि फरेस्टको वर्खास्तीमा परेका थिए ।