विश्वकपमा थपिए जर्मनी र नेदरल्यान्ड्स

अमेरिका, क्यानाडा र मेक्सिकोमा हुने विश्वकप २०२६ खेल्ने टिमको सूचीमा सोमबार जर्मनी र नेदरल्यान्ड्स पनि थपिएका छन् । समूह ‘ए’ मा जर्मनीले स्लोभाकियालाई ६–० ले हरायो । यो जितपछि जर्मनीको १५ अंक भयो । स्लोभाकिया १२ अंकमा दोस्रो स्थानमा रह्यो ।

अब स्लोभाकियाले प्ले–अफ खेल्नेछ । नेदरल्यान्ड्सले भने समूह ‘जी’ मा लिथुवानियालाई ४–० ले पराजित गर्‍यो र उसको २० अंक भएको छ । त्यस समूहमा पोल्यान्ड १७ अंमा रह्यो र दोस्रोमा रहेर उसले पनि प्ले अफ खेल्नेछ । दुवै टिमलाई छनोटका लागि बराबरी नै पर्याप्त थियो ।

अब १६ टिम सम्मलित प्ले–अफका खेल मार्चमा हुनेछन् । अहिलेसम्म ३४ देश विश्वकपका लागि छनोट भइसकेका छन् र १४ टिमको निर्णय हुन बाँकी छ ।