गार्सियाको शानदार ह्याट्रिकमा रियल विजयी

गोन्जालो गार्सियाको शानदार ह्याट्रिकको मदतले रियल म्याड्रिडले आइतबार स्पेनी ला लिगामा रियल बेटिसलाई पराजित गरेको छ र यो नतिजापछि रियल शीर्षमा रहेको बार्सिलोनासँग चार अंकको दूरीमा रह्यो ।

रियलको १९ खेलबाट ४५ अंक भएको छ । बार्सिलोना ४९ अंकमा शीर्षमा छ । भिल्लारियल ३८ अंकमा तेस्रोमा छ । यस्तै एटलेटिको म्याड्रिड ३८ अंकमा तेस्रो स्थानमा रह्यो ।

गार्सियाले बर्नाबाउमा भएको खेलमा २०, ५० र ८२ औं मिनेटमा गोल गरे । आइतबारको अर्को खेलमा एटलेटिकोले रियल सोसिडाडसँग १–१ को बराबरीमा चित्त बुझायो ।

यस्तै अन्य खेलमा जिरोनाले रियल मार्लोकालाई २–१ र लेभान्टेले सेभियालाई ३–० ले पराजित गर्‍यो । डेपोर्टिभो एलाभेस र रियल ओडिएडोले भने १–१ को बराबरी खेले ।