फियोरेन्टिना इन्टरसामु कमजोर

इन्टर मिलानले बुधबार राति इटालीको सिरी ए मा फियोरेन्टिनालाई ३–० ले पराजित गरेको छ । यो नतिजाले इन्टर अंक तालिकाको तेस्रो स्थानमा उक्लेको छ भने फियोरेन्टिनामाथि रेलिगेसनको दबाब अझ चर्केको छ ।

यो जितपछि इन्टरको नौ खेलका १८ अंक भएको छ । खराव लयबाट गुज्रिरहेको फियोरेन्टिनाको भने नौ खेलबाट चार अंक मात्र छ र १९ औं स्थानमा कमजोर स्थितिमा छ ।

सानसिरोमा भएको खेलमा हाकान चाहालोलु ६६ र ८८ औं मिनेटमा दुई गोल गरे । अर्को गोल पिटर सुचिचले ७१ औं मिनेटमा गरे ।

अन्य खेलमा क्रेमोन्सले जेनोआलाई २–० ले हरायो भने बोलोग्ना र टुरिनोले गोलरहित बराबरीमा चित्त बुझाए ।