अस्ट्रेलिया इजिप्टसँग हारेपछि एसियाली चुनौती समाप्त

इजिप्टले शनिबार विश्वकप २०२६ को अन्तिम १६ को यात्रा निश्चित गरेको छ र यसका लागि टाइब्रेकरमा ४–२ ले अस्ट्रेलियालाई हराएको छ । इजिप्टले विश्वकपको नकआउट चरणमा जित निकालेको यो नै पहिलो पटक हो ।

अस्ट्रेलियाको हारले यस विश्वकपमा एसियाको चुनौती समाप्त भएको छ । निर्धारित र अतिरिक्त समयको खेल १–१ को बराबरीमा टुंगेको थियो । इजिप्टले इमाम असोरको गोलले १३ औं मिनेटमा अग्रता लिएको थिो ।

तर मोहमद ह्यारीको आत्मघाती गोलमा खेलको ५५ औं मिनेटमा बराबरीको स्थिति बनेको थियो । इजिप्टका लागि मोहमद सलाहसँगै चार खेलाडीले पेनाल्टीमा गोल गरे । अस्ट्रेलियाका लागि भने ज्याक्सन इरभिन र अवर माबिलले मात्र गोल गरे ।

ह्यारी सटर र लुकास हेरिङटन भने पेनाल्टीमा चुके । अब इजिप्टले अन्तिम १६ मा प्रवेशका लागि अर्जेन्टिना र केप भार्डेबीचको खेलको विजेताको सामना गर्नेछ ।