इजि कता जाँदै ? आर्सनल कि टोटनहम

एउटा तथ्य निश्चित भएको छ, इबेरची इजिले क्रिस्टल प्यालेस छाड्दै छन् । यस्तोमा प्रश्न हो, यी इंग्लिस खेलाडी जाँदैछन् चाहिँ कहाँ ? सुरुमा भनिएको थियो, उनी टोटनहम जाने छन् । पछि भनियो, उनी आर्सनल जाँदैछन् ।

इंग्लिस मिडियाको पछिल्लो समाचार मान्ने हो भने खासमा उनी टोटनहम जाने निश्चित जस्तै भइसकेको थियो, तर अन्त्यमा आर्सनल जाने भए । खेलाडी ‘ट्रान्सर’ कहिलेकाही नाटकीय हुन सक्छ, इजिको घटनामा पनि यस्तै भयो ।

सबैलाई थाहा छ, आर्सनल र टोटनहम लन्डनका दुई छिमेकी क्लब हुन्, तर एक आपसमा सबैभन्दा ठूला प्रतिद्वन्द्वी पनि । त्यसैले पनि इजि कता जाँदैछन्, त्यसमा कौतुहलता छ ।

आधिकारिक समाचार भने आउन बाँकी नै छ, तर आर्सनलले चाँडै आफूले इजिलाई किनेको घोषणा गर्न सक्नेछ । इजि आफै पनि आर्सनल समर्थक रहेछन्, त्यसैले पनि टोटनहम भन्दा उनका लागि ‘गनर्स’ नै ठीक रहेछ ।