प्यालेसले जित्यो कम्युनिटी सिल्ड

क्रिस्टल प्यालेसले आइतबार पहिलो पटक कम्युनिटी सिल्डको उपाधि जितेका छ । एफएकप विजेताले वेम्बलीमा भएको खेलमा इंग्लिस प्रिमियर लिग च्याम्पियन लिभरपुललाई पेनाल्टी सुटआउटमा ३–२ ले हराएको हो । प्यालेसको जितमा गोलरक्षक डिन हेन्डरस नायक रहे र उनले दुई बचाउ गरे ।

निर्धारित समयको खेल २–२ को बराबरीमा टुंगेपछि प्रतिस्पर्धा टाइब्रेकरमा गएको हो । लिभरपुलले दुई पल्ट अग्रता लिएर पनि त्यसलाई कायम राख्न सकेन् । डेब्यु गरिरहेका ह्युगो एकिटिकेले चौथो मिनेटमा लिभरपुलका लागि पहिलो गोल गरे ।

जिन–फिलिप माटेटाले प्यालेसका लागि पेनाल्टीबाट १७ औं मिनेटमा बराबरी गोल फर्काए । डेब्यु गरिरहेका अर्का खेलाडी जेरेमी फ्रिमपोङले २१ औं मिनेटमा गोल गर्दै लिभरपुललाई फेरि अग्रता दिलाए । प्यालेसले ७७ औं मिनेटमा फेरि बराबरी गोल फर्काएको थियो र त्यो इस्माइल सारको नाममा रह्यो ।