कोमोसँग नेपोलीको बराबरी

इटालीको सिरी ए को शीर्षमा रहेको नेपोलीले शनिबार राति कोमो १९०७ सँग निराशाजनक गोलरहित बराबरी खेलेको छ । यससँगै डिफेन्डिङ च्याम्पियन शीर्ष स्थानमा आफ्नो अग्रतालाई फराकिलो बनाउन असफल रह्यो ।

यो नतिजापछि नेपोलीको १० खेलबाट २२ अंक भएको छ । उसको पछाडि एएस रोमा छ र उसको २१ अंक छ । एक खेल कम खेलेको रोमासामु अब नेपोलीलाई उछिन्ने अवसर हुनेछ ।

शनिबारको अर्को महत्त्वपूर्ण खेलमा युभेन्ट्सले क्रेमान्सेलाई २–१ ले हरायो । यो जितपछि युभेन्ट्सको १० खेलबाट १८ अंक भएको छ ।