न्युकासलसँग हारेपछि सिटीले गुमायो मौका

म्यानचेस्टर सिटीले इंग्लिस प्रिमियर लिगमा शनिबार शीर्ष स्थानको आर्सनलसँगको दूरी घटाउने अवसर गुमाएको छ । उसलाई न्युकासल युनाइटेडले २–१ ले हरायो । सेन्ट जेम्स पार्कमा हार्भी बारनेसले दुई गोल गरे । सिटीका तर्फबाट रुबेन डियासले एक गोल फर्काए ।

यो हारपछि सिटी २२ अंमा तेस्रो स्थानमा रह्यो । चेल्सी २३ अंकमा दोस्रोमा छ । यस्तै एक खेल कम खेलेको आर्सनलको २६ अंक छ । यसअघि चेल्सीले बर्नलीलाई २–० ले हराएको थियो । लिभरपुलको खराव प्रदर्शनको क्रम भने जारी रह्यो र नटिङघम फरेस्टको हातबाट ३–० ले पराजित रह्यो ।

यससँगै लिभरपुल १८ अंकमा ११ औं स्थानमा झरेको छ । अन्य खेलमा क्रिस्टल प्यालेसले उल्भ्सलाई २–०, फुलहमले सन्डरल्यान्डलाई १–० र ब्राइटनले ब्रेन्टफोर्डलाई २–१ ले पराजित गरेको थियो । बर्नमाउथ र वेस्ट ह्यामले भने २–२ को बराबरी खेले ।