चेल्सीलाई उछिनेर ब्राइटन छैटौंमा

ब्राइटनले इंग्लिस प्रिमियर लिगमा मंगलबार चेल्स्लीाई सजिलै ३–० ले पराजित गरेको छ र यससँगै चेल्सीलाई नै उछिनेर ५० अंकमा छैटौं स्थानमा उक्लेको छ । चेल्सीको यो हारले अर्को सिजन युरोपेली च्याम्पियन्स लिगमा खेल्ने सम्भावना लगभग समाप्त भएको छ ।

ब्राइटनका लागि फेरडी काडिग्लु, ज्याक हिन्सेलउड र ड्यानी वेलब्याकले एक एक गोल गरे । खराव लयमा रहेको चेल्सी सन् १९१२ यता विना कुनै गोल गर्दै लगातार पाँच खेलमा पराजित भएको यो पहिलो पटक हो ।

चेल्सी लिगका पछिल्ला आठ खेलमध्ये सातमा पराजित रहेको छ र अहिले सातौं स्थानमा झरेको छ । यो पाँचौं स्थानमा रहेको लिभरपुलसँग सात अंकको दूरी हो । लिभरपुलको ५५ अंक छ र पाँचौं स्थानसम्म रहने टिम च्याम्पियन्स लिगमा छनोट हुनेछ ।