बराबरीमा रोकिए चन्द्रपुर र कोशी

काठामाडौं । चन्द्रपुर नगरपालिका र कोशी प्रदेश बराबरी खेलेका छन्।

एन्फा महिला लिग अन्तर्गत सातदोबाटोस्थित एन्फा कम्प्लेक्समा सोमबार भएको खेलमा १–१ को बराबरी खेल्दै अंक बाँडेका हुन्। 

चन्द्रपुरका लागि सुनिता सुनार र कोशीका लागि ममता राउतले गोल गरे।

यो नतिजासँगै जारी लिगमा आठ खेलबाट ११ अंक जोडेको कोशी पाँचौं स्थानमा छ। चन्द्रपुर समान खेलबाट आठ अंकका साथ सातौं स्थानमा उक्लिएको छ।