ब्रेन्टफोर्डमाथि युनाइटेडको प्रभावशाली जित

म्यानचेस्टर युनाइटेडले इंग्लिस प्रिमियर लिगमा सोमबार ब्रेन्टफोर्डलाई २–१ ले हराएको छ र यस प्रभावशाली जितसँगै टिम युरोपेली च्याम्पियन्स लिग छनोटको संघारमा पुगेको छ ।

कसमिरो बेन्जामिन सेस्कोले पहिलो हाफमा गोल गरेपछि युनाइटेड तीन अंक बटुल्न सफल रह्यो । ब्रेन्टफोर्डका लागि माथिस जेन्सनले खेलको अन्त्यतिर एक गोल गरे, तर त्यो सान्त्वना मात्र सावित भयो ।

युनाइटेड ६१ अंकमा तेस्रोमा छ र यो छैटौंमा रहेको ब्राइटनमाथि ११ अंकको अग्रता हो । शीर्ष पाँच टिमले अर्को सिजन च्याम्पियन्स लिग खेल्ने भएको हुनाले युनाइटेड सन् २०२३–२०२४ यता त्यस प्रतियोगितामा छनोट हुने लगभग निश्चित जस्तै भएको हो ।

ब्रेन्टफोर्ड भने ४८ अंकमा नवौं स्थानमा रह्यो र उसको पनि युरोपमा खेल्ने सम्भावना कायम छ ।